konka coffee
KONKA

AMAKURU

UKWEZI

Perezida Kagame yavanye Dr Agnes Binagwaho ku buyobozi bwa Minisiteri y’Ubuzima

Perezida Kagame yavanye Dr Agnes Binagwaho ku buyobozi bwa Minisiteri y’Ubuzima
12-07-2016 saa 04:15' | By Chief Editor | Yasomwe n'abantu 8846 | Ibitekerezo 11

Perezida wa Repubulika y’u Rwanda, Paul Kagame, yakuye Dr Agnes Binagwaho ku buyobozi bwa Minisiteri y’ubuzima kuri uyu wa Kabiri tariki 12 Nyakanga 2016 nk’uko byemejwe n’ibiro bya Minisitiri w’intebe w’u Rwanda.

Nk’uko bigaragara mu itangazo ryaturutse mu biro bya Anastase Murekezi, Minisitiri w’intebe w’u Rwanda, Perezida Paul Kagame yavanye ku murimo Dr Agnes Binagwaho wari Minisitiri w’ubuzima, ashingiye ku biteganywa n’itegeko Nshinga rya Repubulika y’u Rwanda ryo muri 2003 ryavuguruwe muri 2015, cyane cyane mu ngingo yaryo y’116.

JPEG - 103 kb

Iyi ngingo y’ 116 mu Itegeko Nshinga igira iti: "Minisitiri w’Intebe atoranywa, ashyirwaho kandi avanwaho na Perezida wa Repubulika. Abandi bagize Guverinoma bashyirwaho na Perezida wa Repubulika amaze kugisha inama Minisitiri w’Intebe. Minisitiri w’Intebe ashyirwaho bitarenze iminsi cumi n’itanu (15) nyuma y’irahira rya Perezida wa Repubulika. Abandi bagize Guverinoma bashyirwaho bitarenze iminsi cumi n’itanu (15) nyuma y’ishyirwaho rya Minisitiri w’Intebe."

Nta wundi muyobozi kugeza ubu uratangazwa ko yasimbuye Dr Agnes Binagwaho ku mwanya wa Minisitiri w’ubuzima, mu gihe byaba bitangajwe tukaba twahita tubibagezaho.

Dr Agnes Binagwaho w’imyaka 62 y’amavuko, ni umubyeyi w’abana babiri wavukiye mu karere ka Nyamagabe ariko akurira i Burayi ari naho yize amashuri ye, iyo ikaba ari nayo mpamvu ururimi rw’Ikinyarwanda usanga rumugora cyane. Afite impamyabumenyi y’ikirenga (PhD) mu by’ubuvuzi yabonye muri 2014 ayikuye muri Kaminuza y’u Rwanda.

Dr Agnes Binagwaho kandi, yagiye akora imirimo inyuranye mu nzego z’ubuzima mu Rwanda, muri iyo mirimo hakaba harimo kuba yarabaye umunyamabanga Nshingwabikorwa wa Komisiyo ishinzwe kurwanya SIDA kuva muri 2002 kugeza muri 2008 ubwo yagirwaga umunyamabanga Uhoraho muri Minisiteri y’Ubuzima, umwanya yariho kugeza muri 2011 ubwo yagirwaga Minisitiri w’Ubuzima.


Tanga Igitekerezo
Ibitekerezo 11
eeee Kuya 13-07-2016

sha we na degoli uwabavana mururu rwanda

titi Kuya 12-07-2016

Muzehe arakoze uyu mudame yadindije Minisante atesha umutwe abaganga ahindagura imishahara yabo uko yishakiye abateramo imitima mibiio ;akijyana CHUKngo yabuze abaganga akiyibagiza ko nubundi ntabakihaba kuko yabateshrje umutwe bakigendera

Dennis Kuya 12-07-2016

Its good to remove her from that post bse she has been so corrupt. She only favoured her friends and family members. Bravo our president. Let her be enrolled at king faisal as a specialist Doctor

Tom Kuya 12-07-2016

Wowe wiyise ngo ehee, ujye ubanza usobanuze umenye ibyo uvuga. Mu Rwanda hari amashami atangirwamo PhD, reka gupinga umunyamakuru ahubwo ntukibeshye ko icyo utazi kitabaho.

ehee Kuya 12-07-2016

ariko abanyamakuru namwe, ngo yakuye PHD muri kaminuza y’urwanda? kuva ryari kaminuza y’u rwanda ifite PHD, mutubwire natwe tujye kuyiga.

ke Kuya 12-07-2016

Rwose binagwaho ntakunda ikinyarwanda nabazungu barakivuga naveho twabyishimiye caneeeed

Ange Kuya 12-07-2016

Abe ambassadeur naho ubundi ikinyarwanda ni zero. cg akore akazi katamuhuza n’ ikinyarwanda.

Yarakoze cyakora kuko yatumye imibu imerera nabi kubera kubura inzitiramibu

Graciellae Kuya 12-07-2016

bazamugire ambassadrice naho ubundi abaturage ntitumwumva.

innocent Kuya 12-07-2016

felicitation

kabera Kuya 12-07-2016

Nikundiraga icyongereza cye nta muturage wigeze yumva ubutumwa bwe!!!

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA