Sheikh Harerimana Mussa Fazil n’abakozi ba Minisiteri yayoboraga bakuwe ku kazi

Chief Editor | 4-10-2016
Sheikh Harerimana Mussa Fazil n’abakozi ba Minisiteri yayoboraga bakuwe ku kazi

Muri Guverinoma nshya yashyizweho na Perezida wa Repubulika y’u Rwanda, Paul Kagame kuri uyu wa Kabiri tariki 4 Ukwakira 2016, ntabwo Minisiteri y’Umutekano w’imbere mu gihugu ikigaragara muri Minisiteri zigize Guverinoma y’u Rwanda. Sheikh HARERIMANA Mussa Fazil wayiyoboraga kimwe n’abakozi b’iyi Minisiteri bose, bivuga ko baba batakaje imyanya y’akazi kabo.

Sheikh HARERIMANA Mussa Fazil wari umaze igihe kirekire muri Guverinoma y’u Rwanda, nta wundi mwanya bigaragara ko yahawe mu buyobozi bukuru bw’igihugu. Iyi Minisiteri yari ayimazemo igihe kirekire, ikaba ari imwe zitakundaga gusimburanwaho abayobozi cyane.

Mbere yo kuba Minisitiri w’Umutekano w’imbere mu gihugu, Sheikh HARERIMANA Mussa Fazil yabanje kuba Guverineri w’Intara y’Uburengerazuba, ariko na mbere yaho yagiye ahabwa imyanya itandukanye mu buyobozi bukuru bw’igihugu.


style="display:block"
data-ad-client="ca-pub-5056468503741966"
data-ad-slot="2194852936"
data-ad-format="auto">

Kuva muri 2003 kugeza muri 2006, Sheikh HARERIMANA Mussa Fazil yari Perefe w’icyahoze ari Perefegitura ya Cyangugu, kuva muri 2001 kugeza muri 2003 yari Visi Perezida wa Komisiyo y’igihugu y’amatora, kandi kuva muri 2001 kugeza muri 2004 yari umwe mu bagize Komisiyo y’Ubumwe n’Ubwiyunge. Kuva muri 2000 kugeza muri 2003, yabaye umujyanama mu bya tekiniki mu rukiko rw’ikirenga, mu ishami rijyanye n’iby’inkiko Gacaca.

Sheikh HARERIMANA Mussa Fazil yize iby’amategeko, akaba afite impamyabumenyi y’icyiciro cya kabiri cya Kaminuza yakuye muri Kaminuza y’Abasilamu ya Media muri Saudi Arabia. Ni umugabo wubatse, akaba afite umugore n’abana bane.

KANDA HANO UREBE VIDEOS UTASANGA AHANDI