Turasaba Leta y’u Rwanda gukemura vuba ikibazo cy’inzara ivuza ubuhuha - Dr Frank Habineza

Chief Editor | 17-06-2016
Turasaba Leta y’u Rwanda gukemura vuba ikibazo cy’inzara ivuza ubuhuha - Dr Frank Habineza

Mu izina ry’ishyaka riharanira demokarasi no kurengera ibidukikije (Democratic Green Party) abereye umuyobozi, Dr Frank Habineza arasaba Leta y’u Rwanda gukemura vuba ikibazo cy’inzara ivuza ubuhuha mu bice bitandukanye by’u Rwanda.

Mu gihe mu turere twa Kayonza, Nyagatare n’ahandi hirya no hino mu gihugu havugwa inzara ituma bamwe mu banyarwanda basuhukira mu bihugu by’abaturanyi, Dr Frank Habineza uyobora ishyaka rya Democratic Green Party avuga ko Leta y’u Rwanda igomba gukemura iki kibazo vuba na bwangu.

Agira ati: "Turasaba Leta y’u Rwanda gukemura vuba ikibazo cy’inzara ivuza ubuhuha mu karere ka Kayonza n’ahandi mu ‪‎Rwanda‬.... Leta niyo ifite ishyingano ya mbere yo kurengera abaturage, ubwo Guverinoma y’u Rwanda niyo igomba gufata iyambere ikabikemura. Naho ubundi ntabwo twemerenya na politike yayo yo guhinga igihingwa kimwe. Twarabigaragaje muri gahunda politike y’Ishyaka."

Ibyo Dr Frank Habineza asaba, yabwiye ikinyamakuru Ukwezi.com ko anabishingira ku ngingo ya 5 ya gahunda politiki y’ishyaka ayoboye, iyi ngingo ikaba ivuga ko Leta igomba guteza imbere ubuhinzi ibinyujije mu gutera inkunga abahinzi kugirango ibiciro by’ibiribwa bigabanuke kandi bishobore guhura n’ubushobozi bw’abaturage.

KANDA HANO UREBE VIDEOS UTASANGA AHANDI