U Rwanda rwaje mu bihugu bya mbere ku isi bifite ubutegetsi budasanzwe

Chief Editor | 9-08-2016
U Rwanda rwaje mu bihugu bya mbere ku isi bifite ubutegetsi budasanzwe

Perezida Paul Kagame n’abandi bamugaragiye mu kuyobora Leta y’u Rwanda, bagize ikipe y’ubutegetsi budasanzwe, butanga umusaruro bukanakora neza akazi bushinzwe, ku mugabane wa Afurika hakaba hatagaragara ikindi gihugu gifite ubutegetsi nk’ubu ndetse no ku isi ibirusha u Rwanda byenda kubarirwa ku nkoki z’ukoboko kumwe.

Raporo ngarukamwaka yakozwe n’ihuriro ry’isi mu by’bukungu (World Economic Forum), igaragaza ko u Rwanda ruza ku mwanya wa mbere ku mugabane wa Afurika mu kugira Guverinoma nziza, ikora neza kandi itanga umusaruro, hanyuma ku rutonde rw’isi yose u Rwanda rukaza ku mwanya wa 7.

JPEG - 319.9 kb

Imiyoborere y’abayobozi b’u Rwanda ikomeza gutangarirwa n’amahanga

Uretse u Rwanda rwa mbere muri Afurika rukaba n’urwa 7 ku isi, ibindi bihugu biza birukurikiye ni ibirwa bya Maurice biza ku mwanya wa 26 ku isi na Afurika y’Epfo iza ku mwanya wa 32 ku isi. U Rwanda kandi ruri imbere y’ibihugu by’ibihangange nka Malaisie iza ku mwanya wa 8 ku isi.

Mu karere ka Afurika y’Uburasirazuba u Rwanda ruherereyemo, igihugu gikurikira u Rwanda ni Kenya iza ku mwanya wa 51 ku isi, Uganda ikaza ku mwanya wa 79 ku isi naho Tanzania ikaza ku mwanya wa 81 ku isi, u Burundi bwo buri ku mwanya w’121 ku isi.

Igihugu cya Qatar nicyo gifite Guverinoma ihiga izindi zose ku isi, kigakurikirwa na Singapour ya kabiri ndetse na Finlande ya gatatu. U Rwanda ruza imbere y’ibihugu byinshi bikize kandi bifite ubudahangarwa mu ruhando mpuzamahanga.

JPEG - 301.7 kb

Ikinyamakuru Africa Time kivuga ko U Rwanda ruri kuri uyu mwanya rubikesha izamuka mu bukungu n’iterambere, gukorera mu mucyo, kwirinda ruswa no kurwanya ibyo gusesagura mu bayobozi, gukurikiza amategeko n’ibindi bigaragaza imiyoborere myiza.

KANDA HANO UREBE VIDEOS UTASANGA AHANDI