konka coffee
KONKA

AMAKURU

UKWEZI

Ubuhamya bwa Nelly ukora mu biro bya Perezida kandi nyina afungiwe gukora Jenoside

Ubuhamya bwa Nelly ukora mu biro bya Perezida kandi nyina afungiwe gukora Jenoside
7-04-2017 saa 11:59' | By Chief Editor | Yasomwe n'abantu 45130 | Ibitekerezo 28

Nelly Mukazayire ni Umuyobozi wungirije mu biro bikuru bya Perezida wa Repubulika y’u Rwanda, akaba yaratanze ubuhamya bujyanye n’inzira y’inzitane yanyuzemo muri Jenoside yakorewe abatutsi na nyuma yayo, benshi bakaba barasabye ikinyamakuru Ukwezi.com ko twakongera kubagezaho ubu buhamya. Nelly Mukazayire yacitse ku icumu rya Jenoside nyamara nanone nyina afungiwe ibyaha yakoze muri Jenoside.

Mu gihe Abanyarwanda n’isi yose muri rusange twibuka ku nshuro ya 23 Jenoside yakorewe abatutsi mu 1994, insanganyamatsiko y’uyu mwaka wa 2017 irashimangira ko dukwiye gusigasira intambwe nziza u Rwanda rwateye mu kwiyubaka no kubaka umuryango nyarwanda, nyuma y’amahano ya Jenoside yakorewe abatutsi. Insanganyamatsiko y’uyu mwaka igira iti: "Twibuke Jenoside yakorewe abatutsi, turwanya ingengabitekerezo ya Jenoside, dushyigikira ibyiza twagezeho" Ubuhamya bwa Nelly Mukazayire, n’ubwo yabutanze mbere y’uyu mwaka, burajyana neza n’ibiri muri iyi nsanganyamatsiko.

Mu mwaka ushize wa 2016, imbere y’imbaga y’abayobozi bakomeye barimo umunyamabanga wa Loni; Bani Ki-Moon n’abandi benshi batandukanye bari bitabiriye umuhango wo kwibuka ku nshuro ya 22 Jenoside yakorewe abatutsi mu 1994, Nelly Mukazayire niho aherukira gutanga ubu buhamya bamwe bakananirwa kwihangana bakarira kuko ubuzima yanyuzemo n’uko ahagaze uyu munsi ari ibintu ndengakamere, byagora benshi kubyakira no kubyiyumvisha. 

Yagaragaje uburyo kuba afite nyina ufungiye muri gereza nkuru ya Kigali izwi nka 1930 kubera kuba yarakoze Jenoside yakorewe abatutsi nyamara akaba ari umuyobozi wungirije mu biro bya Perezida wa Repubulika, ari kimwe mu bimenyetso bishimangira ko abanyarwanda bahawe uburenganzira bungana. 

Yagize ati: “Ndi umwana w’uwakoze Jenoside, mama wanjye ubu arimo gukora igihano cy’igifungo cya burundu muri gereza ya Kigali, kubera uruhare yagize muri Jenoside. Ndi urugero n’ikimenyetso gifatika cyo kuba abanyarwanda bose bahabwa amahirwe n’uburenganzira bungana mu Rwanda rushya. Nyuma ya Jenoside abanyarwanda babashije kubaka igihugu cyiza, aho umwana w’uwakoze Jenoside n’umwana w’uwayirokotse banganya amahirwe ku burezi, ku buzima, mu kazi no mu myanya y’ubuyobozi. Uko biri kose ariko, inzira yo gukira ibikomere n’ubwiyunge iracyasaba uruhare rwa buri wese”

Nelly Mukazayire, yakomeje asobanura inzira yanyuzemo mu gihe cya Jenoside ndetse n’uburyo nyina yagiye mu bwicanyi we akajya asigarana na se n’abavandimwe be batazi aho nyina yagiye, akaba yaracitse ku icumu rya Jenoside kuko yamutwaye benshi bo mu muryango we nyamara nyina akaba we afungiwe ibi byaha bya Jenoside.

Yagize ati: “Nari mfite imyaka 12 ubwo Jenoside yabaga. Njye n’abavandimwe banjye babiri twari kumwe na papa. Mu gihe cyose Jenoside yabaga, ntabwo twari tuzi aho mama yari ari. Papa yari ahazi ariko ntiyashatse kubitubwira kuko twari tukiri bato cyane kuburyo tutari kubasha kubyiyumvisha. Ku myaka yacu tukiri bato, twatekerezaga ko mama yapfuye. Ku nshuro ya mbere njya kumenya ibya mama, hari mu mwaka w’1996, nigaga mu mwaka wa kabiri w’amashuri yisumbuye. Umwe mu banyeshuri bagenzi banjye yanyeretse inkuru yari mu kinyamakuru, iriho ifoto ya mama, amazina yanjye n’ay’abavandimwe banjye. Iyo nkuru yari ifite umutwe uvuga ngo Interahamwe ruharwa zafashwe. Uwo wabaye umunsi wanjye mubi kurusha iyindi. Umunsi umwe nabaga ndi uwacitse ku icumu kuko nari mfite papa w’umututsi, nkitwa umwana wacitse ku icumu kuko napfushije abanjye muri Jenoside, ariko mu kandi kanya ngahinduka umwana w’uwakoze Jenoside.”

Nelly Mukazayire yavuze ko yahuye n’ibihe bitamworoheye, rimwe na rimwe akajya abura uwo ari we kuko abana bacitse ku icumu bari inshuti ze bamucitseho bamwita umubeshyi w’umushinyaguzi, akabura uruhande abogamiramo, kuko icyasha cy’ibyo nyina yakoze muri Jenoside cyamukurikiranaga aho yajyaga hose. Nyuma yo kugerageza kubihunga, yabuze amahitamo yemera kwegera nyina ngo amusobanurire amubwire ukuri kw’ibyabaye.

Nelly Mukazayire ati: “Nafashe icyemezo cyo kwemera ukuri, ntangira kujya mvugana na mama. Byari bikomeye kandi byankomeretsaga umutima. Nashakaga kumenya ukuri ku byabaye ariko muri icyo gihe byari bindenze. Hari ibintu burya utifuza na rimwe kumva ku mubyeyi wawe, byongeye mama wawe. Ukuri nabashije kumenya binyuze mu muti w’ubutabera n’ubwiyunge by’umwihariko w’u Rwanda, ari wo Gacaca. N’ubwo benshi bazinenga cyane cyane abatari abanyarwanda, inkiko Gacaca zadufashije gukira ibikomere. Abarokotse bamenye ukuri kw’ibyabaye ku bantu babo, bamenya aho imibiri yabo yahishwe babasha kuyishyingura mu cyubahiro, n’abakoze Jenoside bahabwa umwanya wo kwibaza bakemera ibyo bakoze bakanabisabira imbabazi, abakatiwe gufungwa bagakora ibihano byabo bafite imitima yamaze kwikiranura… Abantu nkanjye bari bafitanye isano n’abakoze Jenoside kandi bakaba bari bafite inyota yo kumenya mu by’ukuri ibyabaye, igihe cyarageze bamenya ukuri. Gacaca yamfashije kumenya ukuri nari nkeneye ngo mbashe kongera gufungurira umutima mama wanjye. Nta buryo buhari bwo gusubiranya ibyo yakoze kandi sinzigera na rimwe numva impamvu zatumye abikora, ariko byibuze nari nkeneye kureba niba yabasha kwicuza akanasaba imbabazi mbere y’uko mbasha kumubabarira. Nabashije kwikuraho umutwaro, ntandukanya njye ubwanjye n’ibyaha bye.”

Uyu muyobozi akomeza vuga ko nk’umukiristu wavutse ubwa kabiri, yaje kubona imbaraga zo kubabarira kugirango habeho gukira no kwiyunga. Yabashije kubabarira nyina ndetse abasha no kumusura aho yari afungiye, amwitaho ndetse n’ubu ngo ajya ajyana n’abana be bakajya kumusura muri gereza ya Kigali aho afungiye. Asanga uko byagenda kose, nyina ari umubyeyi kandi ntawundi yabona amusimbuza, ikindi kandi n’ubwo afunzwe ngo azi neza ko abana be bari mu gihugu aho abana batazigera baryozwa ibyaha by’ababyeyi babo.

Nelly ati: “Nk’uko Perezida Paul Kagame yabivuze, ntabwo twasubiza ibihe inyuma kandi ntitwabasha gusubiza ibyangijwe uko byari bimeze, ariko dufite ububasha bwo gutegura ejo hazaza, no gukora ibishoboka ngo twizere ko ibyabaye bitazongera kubaho ukundi. Uyu munsi sinterwa ishema n’ibyo mama yakoze, ariko nanone sinkiri mu mwijima, nahisemo kuwusiga inyuma ngategura inzira yanjye n’amateka yanjye. Numva ntewe ishema no kuba mu gihugu gishishikajwe n’uburenganzira n’ubutabera kuri bose, haba mu mvugo no mu ngiro. Ubwo nari umukobwa muto w’imyaka 14, nabonye uburenganzira bwanjye bwo kubona mama, n’ubu mu myaka ishize kugeza ubu ntabwo nigeze mbuzwa kumubona. Nabashije kwiga ndaminuza, mpatanira imyanya y’akazi itandukanye, imyanya igatangwa hashingiwe ku bushobozi. Nakoze mu biro bya Minisitiri w’intebe, none ubu bwo ndi Umuyobozi mu biro by’umukuru w’igihugu udasanzwe, Perezida Paul Kagame. Ibi bishobora kuba gusa mu gihugu cyamaramaje mu kubahiriza uburenganzira bw’ikiremwamuntu nta vangura.”

Muri ubu buhamya bwe, Nelly Mukazayire yagaragaje ko ubu u Rwanda rwahindutse, abarutuye bakaba bashishikajwe no gukora ibyiza bibateza imbere ndetse babishyigikirwamo n’ubuyobozi. Yasabye Abanyarwanda gukomeza kunga ubumwe no guharanira ko ibyabaye bitazongera kubaho, ashimira abayobozi batumye iyi ntambwe yo kongera kwiyubaka igerwaho ndetse anakomeza buri wese wahuye n’akaga k’amahano ya Jenoside yakorewe abatutsi mu Rwanda.


Tanga Igitekerezo
Ibitekerezo 28
Fabrice Kuya 11-04-2017

Bari batuye Kivugiza nyina yitwa Muamini, Nelly Ntago abeshya rwose ibyo birazwi nabari batuye kivugiza barabizi, gusa Nshimishwa nuko Nelly yavuyemo umubyeyi wakataraboneka, urugero rwiza rwumubyeyi muzima, umubyeyi wuje indangagaciro nyarwanda, udafite uburyarya na bucye muri we, Ishema ryurwanda.

Fabrice Kuya 11-04-2017

Bari batuye Kivugiza nyina yitwa Muamini, Nelly Ntago abeshya rwose ibyo birazwi nabari batuye kivugiza barabizi, gusa Nshimishwa nuko Nelly yavuyemo umubyeyi wakataraboneka, urugero rwiza rwumubyeyi muzima, umubyeyi wuje indangagaciro nyarwanda, udafite uburyarya na bucye muri we, Ishema ryurwanda.

Kamikazi Kuya 11-04-2017

Ndumva utazi ibyuri kuburana kuko nibavuga ko ribara uwariraye sinzi ibyuvuga. Iyo bakubwira ko ababyeyi bishe abo babyaye, abana bakica banyina wumva aramateka. So icecekere kuko ndumva ntazi ibyurimo.

a Kuya 9-04-2017

Abashatse Abatutsikazi Mbere ya Genoside yarabaye barayikora kbs

kamana Kuya 9-04-2017

Mwamini yari umwe mu Nakuru b’Interahamwe nka Karwera Mutwe Esperance. 1990 yafungushije mu byitso lr Kabagambe wari waramushatse,byanavuzwe ko ari Mwamini wafungushije Sebanani Andre na Gracien Karambuzi bakoraga muri ORINFOR.Mwamini yatawe muri yombi avanywe i Goma n’abasore bahawe amakuru na Madame w’uwitwa Paulin Rugero. uyu Mwamini yari yarateye Grenede muri Baobab 1992,ikomeretsa Paulin Ku kuguru,akaba yararokokeye Genoside muri Kenya aho yari yaragiye kwivuza.

kamana Kuya 9-04-2017

Mwamini yari umwe mu Nakuru b’Interahamwe nka Karwera Mutwe Esperance. 1990 yafungushije mu byitso lr Kabagambe wari waramushatse,byanavuzwe ko ari Mwamini wafungushije Sebanani Andre na Gracien Karambuzi bakoraga muri ORINFOR.Mwamini yatawe muri yombi avanywe i Goma n’abasore bahawe amakuru na Madame w’uwitwa Paulin Rugero. uyu Mwamini yari yarateye Grenede muri Baobab 1992,ikomeretsa Paulin Ku kuguru,akaba yararokokeye Genoside muri Kenya aho yari yaragiye kwivuza.

jeje Kuya 8-04-2017

Ni byiza,no kuba ufite ababyeyi batari bahuje hari aho bikubaka ,iyo bose baba abicanyi se????

Mutesi Marie Claire Kuya 8-04-2017

Nelly arakoze kudusangiza ubuhamya bee. Ni umukobwa w,intwali abere n,abandi urugero. Gusa namusabaga Ko yazageza Ku banyarwanda ibyo yaganiriye na Mama we. Ese yaba yaramubwiye Ko yemera ibyo yakoze agasaba imbabazi kugira ngo abohoke cyangwa avuga Ko bamubeshyeye ntabyo yakoze?

Fafa Kuya 7-04-2017

Iyo nkuru ya Nelly niyo rwose ntimubitindeho, abari muri iyo quartier turabizi cyane ni ukuri 100%. Gusa ibyabaye ni amahano biduhe kubaka ejo hazaza, dutegurire abazadukomokaho igihugu cyiza, hatazagira umwana w’u Rwanda wongera guhura n’ibintu nk’ibi. Ntituzatenguhe ubuyobozi bwiza Imana yatwihereye.

Iradukunda Kuya 7-04-2017

@Kamari

Nibyo ryabara uwariraye. Ibyabaye birenze ubwenge. Imana Ishimwe ko yagize abo irokora. Abanyarwanda bose babuze ababo Imana Ikomeze Ibakomeze. Mana Turakwinginze amahano yabaye mu Rwanda ntakongere ukundi.

Mutabazi A Kuya 7-04-2017

Abatari bahari n’abatari bakuru nababwirako bigoye kubyumva. Twe twabibonaga cg se twabibayemo ntawutaziko byari birenze ubwenge. Nitwe twagombye gufata iya mbere mu gutegura imitwe imyumvire y’ahazaza . Uwavuga ibyabaye ntiyahozwa tubirenge ndetse bitwubake aho kudusenya

Mucyeza Alex Kuya 7-04-2017

its a real ghastly to have such parent.Thanks to u Nelly for being brilliant. Your the people the nation needs in fighting genocide

theophile Kuya 7-04-2017

ndunva icyo arigikorwa cyiza! kande nelly kwihanga niyontego cg neko atarengana gusa tumaze gutera intambwe ishimijepe gusa duhugurane twunveko turumwe murwanda murakoze

Bukeyeneza josiane Kuya 7-04-2017

Manawe Nelly yihangane kuvyamubayeko afite nyina wigikoko ntabwo ajagira umutima Ariko Imana imubabarire yakoze ivyatazi sinarinziko nabagore bakoze ishano nkiryo

Bukeyeneza josiane Kuya 7-04-2017

Manawe Nelly yihangane kuvyamubayeko afite nyina wigikoko ntabwo ajagira umutima Ariko Imana imubabarire yakoze ivyatazi sinarinziko nabagore bakoze ishano nkiryo

gd Kuya 7-04-2017

Ntakundi byamera niyihanga icyo cyasha nticyoroshye kukigendana.Urwa Gasabo rwari rwaratewe Na zanyabingi,za nyaburezi amahembe nibibi byose.ariko Imana ishimwe ubu twarabohotse ,abicacanyi bazahorana imfunwe nikimwaro ibihe byabo byose bariho kwisi.

didier Kuya 29-09-2016

Ibyo byabayeho cyane rwose.nubundi ntushobora kubyiyumvisha utaruri mugihugu kiriya gihe.biragoye cyane kubyumva rwose.

ineza Kuya 15-09-2016

Ibyo nelly yavuze ntacyo yaciye iruhande gusa icyo nongeraho nuko atazi amateka ya mama we nubundi yari yarunaniye umugabo we kuko yamuburaga meme une semaine yarajyiye mu nama na ba habyarimana yarazwi cyane murabo bategetsi bi Rwanda ba mbere yari mugore mubi cyane niwe wishe nyirabukwe warutuye entre kanombe cyagwa remera barumuna bu mugabo ageraho anatuma ku mugabo ko amwicana nabo bana be umugabo arahunga ageze gitarama umugore arabimenya amukurikirayo asanga muri iryo joro yakomeje butare inzu yarimo umugabo na bana gitarama yabaye umuyonga azi ko yabishe. Mana ibye nibirebire . Ariko icyo mbabwiye cyo nelly c’est une brave femme kandi nu mwana mwiza cyane.

kamari Kuya 14-09-2016

bavandimwe. ryabara uwariraye. hari famille nyinshi muri kigali z,abana b,abatutsi babaye interahamwe ruharwa kugirango interahamwe zitagera iwabo,nubwo ari ukwikunda,kujya kwica abandi kugirango abawe barokoke, ariko rero. mwese mw,icecekere.kuko muri mwe tutamenya neza uwari gufata uwo umwanzuro ari muri situation nkiyongiyo,kandi mu menye neza ko nabarokotse bose mutazi neza uburyo barokotse.hari amabanga menshi,mushatse mujye mureka gusekana.kuko ry,abara uwariraye,kandi niba utari uhari ushimire imana, kuko wenda nawe wari kuba umwe muribo, kuko uko ucyeka ko byari bimeze mubwenge bwawe,siko byari bimeze, wabimenya gusa wari uhari nawe, bakagufatira umupanga utyaye kurusha urwembe kugikanu,ntawamenya icyo wari gusubiza,mugihe bagusabye ngu tujyane cyangwa tukwice. numva abavuye hanze y,igihugu bivugisha ibintu ntazi bavugira kubari mugihugu, mushimire imana ko mutari muhari gusa.

Innocent Kuya 13-09-2016

Nshuti nti mukajye impaka zuko baso cg banyoko bishe abatutsi!!!kdi nti mutangarirwe na Nelly,ahubwo muzabe abahamya ko jenoside ya korewe abatutsi itatewe ni hanurwa rya Perezida HABYARIMANA Juvenal,kuko intambara yaberaga mu mutara ntaho yari ihuriye n’ABANYAKIBIRIRA,abo muri Komine Kanama

shumbusho Kuya 13-09-2016

Ok birashoboka arikose ababyeyi bombi bara batutsi? Ese umugabo ariho ntisobanutse ntibasiga umugore umugabo yishwe ngonuko yemeye kwica benewabo kumugabo ndemera byitwa kugura ubwoko kurengera abomurugo.

Nez Kuya 13-09-2016

Ngaho namwe nimunyumvire iby’iwacu i Rwanda. Umubyeyi wabyaye agata abana n’umugabo bashakanye akajya kuba interahamwe !! Ibi wabisobanura ute,icyo gihe we yari muntu ki wo gutinyuka cg guhitamo kwiruka imisozi atemagura abo yabyariye ! Ntabisobanuro rwose aha byakumvikana uko byatangwa kose.. tuzi neza ko aba Maman bagira impuhwe,we yari aremye gute. Ese ubundi afungiye he !

sezikeye Kuya 13-09-2016

Muri kiriya gihe byose birashoboka,nuko mutatubariza uriya mubyeyi ufunze icyabimuteye.Hari igihe yabikoraga kugirango yerekane ko famille ye ari abahutu,bityo kugirango hatagira ugera iwabo.Mwibuke ko harimo n’abatutsi bajyaga kwica abandi kugira ngo bereke interahamwe ko nabo ari abahutu mu rwego rwo kwirengera.Gusa ukuri kose kuba mu mutima wa nyirako.Ikindi nyirubwite nawe avugako azarinda apfa atamenye ukuri kwabyo.

Bebe Kuya 13-09-2016

Iyi nkuru uko Nelly yabivuze niko imeze,iwabo ni ku Cyivugiza i Nyamirambo,nyina ari mu nterahamwe zamaze aba tutsi bo ku Cyivugiza,sa mama yitwa Mwamini(sinzi niba ari uko byandikwa).

Nzamu inn Kuya 13-09-2016

Iyi nkuru rwose uyisomye neza wakibaza uri mbese papa wuriya mukobwa yaba yarumvikanaga neza na mom mbere yuko Intambara iba ? Nkabantu bari barabyaranye bafitanye abana mbese byari gushoboka ko umugore yitera abana numugabowe akajya kwica ? Reka mbasangize ubuhamya kubyambayeho .mom yari umututsikazi papa wanjye yari umuhutu .papa yari afite mom nkumugore we wa kabiri kandi rwose kwa mom rwari urugo rukennye .kuko kurugo rukuru ariho kwa mukadata bari bakize bafite byose .ariko Intambara ibaye Papa yaraje yegera mom muri yo minsi mom yararwaye amerewe nabi .nijye wari mukuru kwa mom kuko nari fite imyaka 12 fite barumuna banjye bato 3bankurikira .papa yaraje abwira mom ati nibakwica bazakutsinde hejuru ! Aratwicaja aratubwira ati ntawemerewe kurenga irembo twabaye aho nkabafunze .abo kwa mom wacu bose baraje twihisha hamwe .papa aravuga ati bakabica batabanje kunyica ntibikunda .yemwe papa yarazwi yagerageje gutanga ihene twari dutunze agurira abari abashef bo kwica ntawigeze aza kutwica .kubera iki rero reba papa yari Umuhutu ndetse bivuzeko yari afite nabahutu runaka bumvikanaga so ntabwo yari kubura abamuvugira ngo mom aticwa .rwose mom yapfu mwiyo minsi azize indwara ya Malaria yaramaranye iminsi doreko ntaho pap yari kumucisha ngo amujyane kwamuganga kandi ntiyari no kumusiga ngo ajye kugura imiti kuko Interahamwe zahoraga zirekereje kuko umuryango wiwabo wa mom wari uri iwacu kandi bamwe munterahamwe babizi . babizi so sinumva ukuntu wowe mom wawe yataye so ndestse namwe nabana be akabata akajya kwica ! Gusa ntabwo nabitindaho muri kiriya gihe bene wacu bari barameze imikaka nkiyintare niyo idatoranya ikinyabuzima .gusa nimba ariko byakugendekeye wa mwali we nizereko uzaba ikitegererezo mubandi babyeyi .

Jolly Kuya 13-09-2016

Birashoboka kimwe nuko bitashoboka. Gusa ni ibyo kwishimira kubona amateka ababaje y’igihugu cyacu atatubuza amahirwe mu kazi. Ariko iyi nkuru yari kuba yuzuye iyo batubwira amazina y’uyu mubyeyi ufunze n’aho bari batuye kugirango tubashe kumva koko ko ari ukuri.

Mutabazi ENOCK Kuya 13-09-2016

Aimable sinzi niba ibyo uvuze(ntabwo byumvikana cyane cyane ku bantu basoma kandi bagasesengura inkuru) ubishingira kubyo wabonye mu Rwanda muri kiriya gihe cg aribyo ngo wasomye ugasesengura kuko ibyabaye mu gihugu cyacu ntibisaba kubisesengura kuko birenze ubwenge bwa muntu! So plz nkwisabiye ikintu wareka gukomeza gushingira kwisesengura rwawe kuko nanjy uko abivuze niko byambayeho! ikimvikana cyo nuko utari mu Rwanda icyo gihe! kuko umwana yicaga umubyeyi, umubyeyi akica umwana,... Njye Data afunze azira Genoside kdi mubo ashinja haimo na mama kdi ntanarimwe ningeze mbona anamutunga urutoki mbere cg ngo amubwire nabi!! arko nawe yiyemereye ko yamwishe!! Ibyo c wabisobanura ute?!

aimable Kanyarwanda Kuya 13-09-2016

Iyi nkuru irababbaje ariko kugira ngo tumenye neza ukuri Ikinyamakuru Ukwezi.com cyagombye kutubariza uriya mubyeyi ufunzwe uko byagenze. Wabona yarazize inzangano hanyuma umugabo we akamusiga icyaha. Mu Rwanda hari abatutsi bake bemeye kurongora abahutukazi mbere y’intambara. Kubona rero umuntu wari warakundanye n’umututsi babana neza (simbizi) hanyuma mu ntambara agata urugo rwe akajya kwica abandi batutsi ntabwo byumvikana cyane cyane ku bantu basoma kandi bagasesengura inkuru.

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA