konka coffee
KONKA

AMAKURU

UKWEZI

Umubano w’u Rwanda n’u Bufaransa waba ugiye guhindura isura kubera amatora ya Perezida

Umubano w’u Rwanda n’u Bufaransa waba ugiye guhindura isura kubera amatora ya Perezida
16-10-2016 saa 14:25' | By Chief Editor | Yasomwe n'abantu 17954 | Ibitekerezo 5

Kuva aho abacamanza b’Abafaransa batangarije ko bagiye kongera gutangira iperereza ku waba yarahanuye indege ya Habyarimana Juvenal wahoze ari Perezida w’u Rwanda kandi bakagaragaza ko bazaha agaciro ubuhamya bwa Kayumba Nyamwasa utavuga rumwe n’Ubutegetsi bwa Perezida Kagame ndetse akaba anamushinja kuba ari we wabigizemo uruhare, umubano w’u Rwanda n’u Bufaransa wongeye kuzamba. Kugeza ubu ariko, bishobora kurushaho kuba bibi cyangwa umubano w’ibihugu byombi ukongera kuba mwiza bitewe n’ibizava mu matora ya Perezida w’u Bufaransa azaba mu mwaka utaha wa 2017.

Perezida Paul Kagame aherutse gutangaza ko Abafaransa ari bo bakwiye kugezwa imbere y’Ubutabera kubera uruhare bagize muri Jenoside yakorewe abatutsi. Ntawabura kuvuga ko ubu umubano w’ibihugu byombi utifashe neza, ndetse mu gihe cy’ubutegetsi bwa Perezida Francois Hollande nta ntambwe igaragara yatewe mu mibanire myiza y’ibihugu byombi.

Umubano w’u Rwanda n’u Bufaransa, uheruka kuba mwiza ku gihe cy’ubutegetsi bwa Perezida Nicolas Sarkozy. Tariki 27 Gashyantare 2015, Perezida Paul Kagame yagiye mu Bufaransa mu nama yari yateguwe na UNESCO, icyo gihe akaba nta muyobozi mukuru w’igihugu cy’u Bufaransa yabashije guhura nawe, ahubwo yahuye anagirana ibiganiro n’uwahoze ari Perezida w’iki gihugu Nicolas Sarkozy utavuga rumwe n’ubutegetsi buriho muri iki gihugu, buhagarariwe na Perezida Francois Hollande.

JPEG - 54.8 kb

Ubwo Nicolas Sarkozy, hari intambwe yari imaze guterwa mu mibanire y’ibihugu byombi

Ubwo yabazwaga na Jeune Afrique impamvu yashatse guhura na we, Perezida Kagame yagaragaje ko ashima cyane uburyo Nicolas Sarkozy yari afite ubushake mu kunoza umubano w’ibihugu byombi. Perezida Kagame yagize ati: "Inshuti duhuriyeho zambwiye ko yabonekaga kandi ko dushobora guhura. Igihe yari akiri ku ntebe y’ubuyobozi, Sarkozy yagize ubushake n’ishyaka mu kugabanya ukutumvikana kwari hagati y’u Bufaransa n’u Rwanda. Nashakaga kongera kubimubwira, twabivuzeho byose, tuvuga ku ntera yari imaze guterwa..."

Mu matora ya Perezida wa Repubulika azaba mu ntangiriro z’umwaka utaha mu Bufaransa, abakandida babiri bahanganiye uyu mwanya bafite byinshi basobanuye ku mubano w’iki gihugu n’u Rwanda. Uyu Nicolas Sarkozy aramutse atsinze, byaba ari uburyo bwo gusubukura bagakomeza intambwe nziza yari imaze guterwa akiri Perezida.

Undi uhanganye na Sarkozy kandi nawe uhabwa amahirwe dore ko arambye muri Politiki y’Abafaransa, ni Alain Juppé. Uyu yari Minisitiri w’Ububanyi n’amahanga w’u Bufaransa mu gihe cya Jenoside yakorewe abatutsi mu 1994, akaba kimwe na Perezida we w’icyo gihe Francois Mitterrand bashinjwa na Leta y’u Rwanda uruhare rukomeye bagize mu gutiza umurindi ubwicanyi. Uyu aramutse atsinze amatora, byagorana cyane ko umuntu yanarota umubano mwiza hagati y’ibihugu byombi. Abafaransa benshi, bagaragaza ko aba babiri ari bo bahabwa amahirwe, naho Francois Hollande we bagaragaza ko asa n’uwamaze gutsindwa, n’ubundi mu gihe yaba akiri ku butegetsi byaba bisobanuye ko umubano w’ibihugu byombi ukomeza kutaba mwiza.

JPEG - 91.4 kb

Alain Juppé wari Minisitiri w’Ububanyi n’amahanga w’u Bufaransa mu gihe cya Jenoside yakorewe abatutsi, ari mu bahabwa amahirwe menshi yo gutsinda amatora akaba Perezida mushya w’iki gihugu


Tanga Igitekerezo
Ibitekerezo 5
Cogoza Kuya 18-10-2016

umubano w’ibihugu ntugomba gushingira ku bantu ku giti cyabo.Niba ubufransa cg ikindi gihugu gifitanye ikibazo na Kagame cg undi muntu wese ntibigomba kureba igihugu cy,u Rwanda,keretse niba iyo bavuze Kagame duhita twumva Rwanda,

Cogoza Kuya 18-10-2016

umubano w’ibihugu ntugomba gushingira ku bantu ku giti cyabo.Niba ubufransa cg ikindi gihugu gifitanye ikibazo na Kagame cg undi muntu wese ntibigomba kureba igihugu cy,u Rwanda,keretse niba iyo bavuze Kagame duhita twumva Rwanda,

hhh Kuya 17-10-2016

Ikibazo: Ese muri politiki abayobozi b’ibihugu by’abazungu bakunda ab’ibihugu by’abirabura cyangwa bakurikira inyungu?

Nsengiyumva Emmanuel Kuya 16-10-2016

Ntakiza cya bazungu ni batirecyere umussza. Turamwera pee!!!

rwanda Kuya 16-10-2016

Yewe ntashuti yumuzungu!! niho hahandi ubwose ko sarikozy yishe MUZEHE Gaddafi ntibavuze ko yamuteye inkunga kugirango atorwe nkaswe twebwe badafite nicyo badukuraho!! nibagende ntakeza kabo. MUZEHE ntakiringire abo bagome.

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA