konka coffee
KONKA

AMAKURU

UKWEZI

Urujijo ku kayabo ka 25.000.000 yahembwe abakozi ba baringa muri CNLG

Urujijo ku kayabo ka 25.000.000 yahembwe abakozi ba baringa muri CNLG
23-08-2016 saa 10:40' | By Chief Editor | Yasomwe n'abantu 8518 | Ibitekerezo 8

Ntagengerwa Vestine wari umukozi ushinzwe abakozi muri Komisiyo ishinzwe kurwanya Jenoside "CNLG", afungiye kuri Sitasiyo ya Polisi ya Remera mu mujyi wa Kigali, akurikiranyweho ibyaha bishingiye ku kuba yaragiye ahemba abakozi ba baringa, hakanyerezwa akayabo ka miliyoni mukamyabiri n’eshanu z’amafaranga y’u Rwanda (25.000.000). Iby’iki kibazo ariko kugeza ubu birimo urujijo.

Umuvugizi wa Polisi y’u Rwanda mu mujyi wa Kigali, Sup Emmanuel Hitayezu, yatangarije Ikinyamakuru Ukwezi.com ko mu mwaka wa 2012 ari bwo Ntagengerwa Vestine yatangiye kujya akora impapuro mpimbano zigaragaza umubare w’abakozi ba CNLG urenga umubare nyakuri, hakaba hamaze gutahurwa asaga 25.000.000 yahembwe abakozi batabaho muri iyi komisiyo, gusa hakaba hagicukumburwa n’ibindi.

Uyu niwe Ntagengerwa Vestine wari umukozi ushinzwe abakozi muri Komisiyo ishinzwe kurwanya Jenoside "CNLG"

Uyu mukozi ajya gutabwa muri yombi, ni ubuyobozi bwa CNLG bwari bwabimenyesheje Polisi y’u Rwanda, nyuma yo kuvumbura ko haba hari amanyanga yakozwe mu ikorwa ry’imishahara. Igikomeje kuba urujijo ariko, ni uburyo umukozi ushinzwe abakozi yaba amaze imyaka ine ahemba abakozi ba baringa, agakora urutonde rw’abakozi badahari n’ubuyobozi bw’ikigo butabazi, hanyuma rugaca ku mukozi ushinzwe imari akarwemeza, rugakomeza kugeza no ku muyobozi mukuru wa CNLG wagiye asinyira ibintu bifutamye mu gihe cy’imyaka ine yose, ariko aba bakaba nta cyaha bakoze dore ko ubu nta wundi muri aba urimo gukurikiranwa.

Ku bijyanye n’uru rujijo, Ikinyamakuru Ukwezi.com cyavuganye na Dr Jean Damascene Bizimana, Umunyamabanga Nshingwabikorwa wa CNLG, ngo tumubaze uburyo yaba yaramaze imyaka ine asinyira buri kwezi ibintu bipfuye n’ushinzwe imari muri iki kigo ayobora nawe akabishyiraho umukono hari abakozi ba baringa ku rutonde, gusa ntiyashatse kubidutangariza kuko yadusubije ko amakuru ajyanye n’iki kibazo yose bayatanze, akaba yumva nta yandi asigaranye.

Ikinyamakuru Ukwezi.com kandi cyabajije Sup Emmanuel Hitayezu impamvu nta bandi bakurikiranywe kandi byumvikana ko nabo bagiye basinyira ibintu birimo amakosa, adusubiza ko Polisi yakoze iperereza ry’ibanze ikaba yaramaze gushyikiriza dosiye Ubushinjacyaha, nabwo bukaba bushobora gukomeza gukora iperereza hakaba hagaragara n’amakuru mashya, kandi iperereza rikaba rinakomeza kugera mu rukiko.


Tanga Igitekerezo
Ibitekerezo 8
rurigira Kuya 3-09-2016

ariko narumiwe,ubuse koko uretse akawa mugani ngo insina ngufi icibwaho amakoma ubu umuntu yamara mukigo imyaka ine ahemba abantu batazwi kandi bica kubantu barenga umwe ntafatwe?ese iyo ukwezi gushize cg umwaka umuyobozi wikigo atazi abo akoresha uwowe aba ayoboye baringa?reka dutegerezr nkuko umuvugizi wa police abivuze abashinjacyaha buriya bazamenya amakuru arenze kuko nabo nabahanga.gusa abantu barigisa imitungo ya leta bajye bitonda kuko amateggeko arahari.

Regis Kuya 25-08-2016

Hari ibintu bibiri:soit uyu mugore ni injiji mu kazi cyangwa ni igisambo. Ibi byombi nta na kimwe gitangaje cyangwa kidasanzwe kuri uyu mukozi ndetse no ku bandi benshi bari mu kazi muri iki gihe.

muti Kuya 24-08-2016

Umva jyewe uko mbyumva: bishoboke ko haba hari nkumukozi umwe wenda yirukanwe kukazi, dossier ye ntihagarikwe agakomeza akabarwa nkuhembwa kandi yaragiye, bikaba byakorwa nuyu ushinzwe abakozi, nushinzwe amafaranga, ndetse nuwo mukozi nyirizina kuko ashobora kujya ayafata akayagabana nabo bombi cyangwa nushinzwe abakozi gusa.mugihe byaba bimeze gutya abayobozi bo hejuru ntabyo bazapfa bamenye.tugiye mumibare nukuvuga ko uyu mukozi yahembwaga 525 000frw kukwezi.wakuba na 12 bikaba 624000frw kumwaka, kumyaka ine ugakuba na 4 bikaba 24 960 000frw ariyo miliyoni 25.ibi rwose byakorwa ntawumuciye iryera ahubwo bashakire mubantu bari barirukanwe mumyaka 4 ishize bamufata, cyangwa barebe kuri banque uwayavanagayo

tobi Kuya 24-08-2016

Ntakuntu abandi bayobozi bataba bazi aya makuru , nonese mu myaka ine tuvuge ko abo bakozi batakorewe isuzumabushobozi cyangwa irindi genzura mumagenzura aba munzego za Leta, ubundi se umuyobozi we arasinya gusa ibyo bamuhaye ntagire na rimwe asubira inyuma ngo arebe niba abo bantu babaho koko , Ni akumiro koko!

Mugisha Kuya 23-08-2016

Database y’ibijyanye n’abakoze ishinzwe HR ,niyo mpanvu igihe akoze urutonde rw’abagomba guhembwa,ushinzwe imari cg umuyobozi mukuru adasubira inyuma ngo ajye gucukumbura ahamagare imbonankubone buri wese uri kuri liste y’abagomba guhembwa. Buri mukoze wahawe inshingano aba yizeweho ubushobozi n’ubunyangamugayo. Niyo mpanvu gihe hagaragaye ikosa ribazwa uwarikoze.

matutina Kuya 23-08-2016

Abantu igihugu bazikukirya kabisa

Placide NZARUBARA Kuya 23-08-2016

Kuriki kibazo jyewe ndumva bisa nkaho bindenze,kuko ntabwo umuntu umwe yakora amakosa angana athya atari yamenye kana gusa icyo nibaza gewe nta audite yigeze akorerwa iyo minsi yose?none se abayobozi batamenya abo bakoresha bo bite?? noneho yihembye makeya kuko ntabwi byumvikana,rwose numva habwa byinshi ,kuko sibintu akora wenyine,cyeretse wisinyira???

MUSONI Kuya 23-08-2016

ABA SINYATERI NABO BABIBAZWE KUKO NTA MUNTU USINYA IBYO ATAZI ,NKASWE IBYO BYAKOZWE IMYAKA.

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA