konka coffee
KONKA

AMAKURU

UKWEZI

Uwari umusikare w’Umufaransa wemera amabi bakoze muri Jenoside yandikiye Perezida

Uwari umusikare w’Umufaransa wemera amabi bakoze muri Jenoside yandikiye Perezida
12-10-2016 saa 17:45' | By Chief Editor | Yasomwe n'abantu 10704 | Ibitekerezo 10

Mu ntangiriro z’iki Cyumweru, Perezida wa Repubulika y’u Rwanda Paul Kagame yagarutse ku ruhare abafaransa bagize muri Jenoside yakorewe abatutsi mu Rwanda. Ibyo yavuze ntawabinyomoza, kuko n’uwahoze ari umusirikare w’umufaransa wari mu Rwanda mu gihe cya Jenoside yabyiyemereye, mu ibaruwa ifunguye yandikiye Perezida we.

Umufaransa Guillaume Ancel wahoze ari umusirikare ku ipeti rya Lieutenant Colonel, yandikiye Perezida Francois Hollande ibaruwa ifunguye, ayinyuza mu kinyamakuru Le Monde. Aha avuga ko nk’umuntu wari uhibereye, yemera uruhare Ingabo z’u Bufaransa na Leta yabo y’icyo gihe bagize muri Jenoside yakorewe abatutsi.

JPEG - 194.9 kb

Hari aho agira ati: "Mu 1994, U Bufaransa bwagize uruhare muri Jenoside yabaye mu Rwanda, haba mu bya Politiki no mu bya gisirikare. Nyuma y’imyaka 22 u Bufaransa bugize urwo ruhare, ntabwo twe abaturage b’u Bufaransa tuzi neza uruhare igihugu cyacu cyagize muri ayo mahano, muri icyo cyaha ndengakamere cyibasiye ikiremwamuntu... Njyewe wari umusirikare w’ipeti rya Lieutenant Colonel mu ngabo z’u Bufaransa, nanirwa gusobanura kuvuguruzanya hagati y’ibisobanuro abayobozi bacu baha abaturage n’ukuri nyako kw’abasirikare bari mu Rwanda... Mu gihe twashoboraga guhagarika abakoze Jenoside, ahubwo twahagarikaga abahigwaga. Mu gihe twashoboraga kurokora abacitse ku icumu mu Bisesero, ntitwabashije no kumva gutabaza kwabo. Mu gihe twashoboraga guhagarika abicanyi, twabateye inkunga tunabongera intwaro aho bari mu nkambi"

Uyu musirikare akomeza asaba Perezida Hollande nk’umuntu uzi neza ibyabaye, ko yashyiraho Komisiyo y’inzobere mu by’amateka bagahuza impapuro zigaragaza uruhare rw’u Bufaransa muri Jenoside yakorewe abatutsi n’ubuhamya bw’abantu batandukanye, kugirango abaturage bagenzi be b’u Bufaransa basobanukirwe mu buryo bwumvikana uruhare rw’Abafaransa muri Jenoside yakorewe abatutsi.

Guillaume Ancel asaba Perezida we ko yareka Abafaransa bose bagasobanukirwa uko kuri, hanyuma ubwabo bakagaya igihugu cyabo. Asaba yinginga ko bahabwa amahirwe yo kumenya ibyabaye muri ayo mahano by’umwihariko ibyo Abafaransa bakoze, kugirango bikorwe kare ababigizemo uruhare batarasaza ngo bazimire, bityo n’igihugu kigategekwa n’abaturage bacyo guha agaciro no kwifatanya n’abanyarwanda kwibuka abarenga miliyoni bishwe bazira uko bavutse.


Tanga Igitekerezo
Ibitekerezo 10
MP SAVE HOUSE Kuya 17-10-2016

KOKO Lt COLONELGUILLAUME ANCER AVUZE UKURI NTAMPAMVU YO GUHISHIRA UKURI KD AKUZI NAHO WOWE UVUGA IBYA KAYUMBA NGO YARI KURI TERRAIN BIGEZE BAKUBWIRA KO KAYUMBA YABAGA I KIGALI,ESE UBUNDI IYO NDEGE MUVUGA WABANJE UKAMENYA UWARUYIRIMO ,HARIMO HABYARIMANA,NONESE HABYARIMANA NIKI KUBURYO WUMVA ARI NUMUNTU MUZIMA

Coucou Kuya 14-10-2016

Sha amaraso y abana b abatutsi atangiye kubavugisha.ntushobora kumena amaraso ngo ugenderaho.ngo nimutavuga ninkuta zizabivuga cg imisozi byabereyeho I bivuge.

Dusabemungu Kuya 13-10-2016

Burya umuntu uba uri kuri terrain niwe umenya neza ibyahabereye,uyu mufaransa arabizi neza,niyo mpamvu na Kayumba Nyamwasa azi neza uwahanuye indege ya Habyarimana.Nimureke rero buri wese avuge ukuri kwe.Niba mudashobora kwamagana uyu musirikare nimureke na Kayumba avuge ibyo azi.

Dusabemungu Kuya 13-10-2016

Burya umuntu uba uri kuri terrain niwe umenya neza ibyahabereye,uyu mufaransa arabizi neza,niyo mpamvu na Kayumba Nyamwasa azi neza uwahanuye indege ya Habyarimana.Nimureke rero buri wese avuge ukuri kwe.Niba mudashobora kwamagana uyu musirikare nimureke na Kayumba avuge ibyo azi.

Kanda Kuya 13-10-2016

Mushobora kutwereka iyo barwa yanditse

-xxxx- Kuya 13-10-2016

abafaransa batangiye kuvugisha ukuri nubwo abategetsi babo batabishaka igihe kizagera abaturage babo baribahari babivuge ubuyobozi bwabo bumware

joseph Kuya 13-10-2016

abafaransa byo najye ibyabo nabivugaho 1992,nabaga Ibutare nibo bigishaga inzirabwoba kurasa muri ESO, narabyiboneye amaso kumaso,

joseph Kuya 13-10-2016

abafaransa byo najye ibyabo nabivugaho 1992,nabaga Ibutare nibo bigishaga inzirabwoba kurasa muri ESO, narabyiboneye amaso kumaso,

kamvari Kuya 13-10-2016

ubundise biriya avuze ninde utabizi gusa avuze duke cyane kubyo bakoze ariko aruta benshi barite ceceka barimo n,abanyarwande batavuga ibyabaye kandi bari bakanuye

job Kuya 12-10-2016

uyu we numugabo kabisa urekane nabiriya bigarasha byabacamanza batazi umwuga wabo baza kubyutsa ikibazo twari twaribagiwe..bravo mon colonel il faut montrer au monde la verite et meme si ils vont ns hair ca ne va pas nous faire distraire sur ntre chemin de construre ntre pays avec ntre president Hero.

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA