Uwayoboraga akarere ka Gicumbi yatawe muri yombi azira akayabo ka 33.000.000

Chief Editor | 22-07-2016
Uwayoboraga akarere ka Gicumbi yatawe muri yombi azira akayabo ka 33.000.000

Mvuyekure Alexandre wahoze ari umuyobozi w’akarere ka Gicumbi mu ntara y’Amajyaruguru, yatawe muri yombi na Polisi y’u Rwanda ku mugoroba wo kuri uyu wa Kane tariki 21 Nyakanga 2016, akurikiranweho ibyaha byo kunyereza umutungo wa Leta no gukoresha impapuro mpimbano.

Umuvugizi wa Polisi y’u Rwanda mu Ntara y’Amajyaruguru, IP Innocent Gasasira, yatangarije ikinyamakuru Ukwezi.com ko Mvuyekure Alexandre akurikiranweho ibyaha byo kunyereza umutungo wa Leta biciye muri gahunda ya VUP, ndetse hakiyongeraho n’icyaha cyo gukoresha impapuro mpimbano.

IP Gasasira avuga ko Mvuyekure Alexandre ufungiye kuri Sitasiyo ya Polisi ya Byumba mu karere ka Gicumbi, ibyaha akurikiranyweho yabikoze mbere y’uko aba Meya wa Gicumbi, icyo gihe akaba yari umunyamabanga Nshingwabikorwa w’umurenge wa Rubaya wo muri aka karere.

Amafaranga Mvuyekure Alexandre akurikiranyweho kuba yaranyereje, asaga miliyoni mirongo itatu n’eshatu z’amafaranga y’u Rwanda (33.000.000).

KANDA HANO UREBE VIDEOS UTASANGA AHANDI