konka coffee
KONKA

AMAKURU

UKWEZI

Gicumbi: Uruhinja rw’amezi abiri rwari rwibwe hakoreshejwe amanyanga rwagarujwe

Gicumbi: Uruhinja rw’amezi abiri rwari rwibwe hakoreshejwe amanyanga rwagarujwe
15-09-2016 saa 06:45' | By Chief Editor | Yasomwe n'abantu 9814 | Ibitekerezo 4

Tariki 23 Kanama 2016, uruhinja rumaze igihe gisaga amezi abiri ruvutse, rwibwe mu karere ka Gicumbi rujyanwa mu gihugu cya Uganda, ariko nyuma y’iminsi itatu ruhita rugaruzwa ku bufatanye bwa Polisi n’ubuyobozi bw’akarere.

Kuri uyu wa Gatatu tariki 14 Nzeri 2016, ubwo hatangizwaga icyumweru cy’imiyoborere myiza mu karere ka Gicumbi, nibwo uyu mwana yeretswe abaturage ndetse hashimwa ubuyobozi bw’akarere na Polisi y’u Rwanda, bafatanyije umwana akagaruzwa nyuma y’iminsi itatu gusa yibwe.

JPEG - 89.5 kb

Umubyeyi w’umwana wari wibwe yashimiye cyane akarere. Photo: Kigali Today

Cyomugisha Béatrice, nyina w’uyu mwana, yashimiye cyane akarere ku bufasha bamuhaye nk’uko Kigali Today dukesha iyi nkuru ibitangaza. Avuga ko uretse kumenyesha inzego zose bireba, akarere kanabahaye amafaranga yabafashije mu kwiruka kuri iki kibazo.

Kugirango uru ruhinja rwibwe, hari umuryango nyina Cyomugisha Béatrice yasuye afite, aza kuhahurira n’undi mugore nawe wari wasuye uwo muryango, hanyuma uwo mugore aza gusaba ko bamuha umwana akamuterura barabimwemerera, umwana arize uwo mugore abasaba ingobyi ngo amuheke barayimuha, nyuma y’akanya gato baramushaka baramubura. Polisi n’akarere ka Gicumbi barabikurikiranye, umwana afatirwa mu gihugu cya Uganda.

JPEG - 80.8 kb

Umuyobozi w’akarere ka Gicumbi ateruye umwana wari wibwe. Photo Kigali Today

Mudaheranwa Juvenal uyobora akarere ka Gicumbi, yasabye ababyeyi kujya bita ku bana babo kandi bakirinda kubaha abo babonye bose, kuko icyaha cy’icuruzwa ry’abantu kigenda kirushaho gufata indi ntera.


Tanga Igitekerezo
Ibitekerezo 4
Janet Kuya 15-09-2016

ahubwose uwo wari wibye umwana webaramufashe ?ndumva yakurikiranwa akabazwa impamvu yabimuteye. ataba yaramugiriye nabi

bionce Kuya 15-09-2016

aba bagore barwaniye most kazi bararenzwe ntibazi ko abandi bakabuze.Umurengwe usiga inzara koko.Ubutabera bushyireho akabwo.

mico Kuya 15-09-2016

Abadamu biba abana akenshi hari igihe baba barabuze urubyaro bagatangira kwiheba. Mwegere komisiyo yabana ibafashe kubona Abana batagira imiryango mubabere ababyeyi. Murakoze

damac Kuya 15-09-2016

imanishimwe arikose ababagome bazakizwa ryarikoko jyendumiwe!!

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA