Freedom Group yashimwe cyane nyuma yo guha abatishoboye ubwisungane mu kwivuza

Chief Editor | 25-06-2016
Freedom Group yashimwe cyane nyuma yo guha abatishoboye ubwisungane mu kwivuza

Itsinda ryitwa Freedom rigizwe n’abantu batandukanye barimo abacuruzi, abahanzi n’abandi batandukanye, batanze inkunga ku batishoboye bo mu kagari ka Gasharu mu murenge wa Kinyinya, nyuma yo gukorana nabo umuganda.

Freedom Group, yatangijwe ku gitekerezo cy’umucuruzi Masumbuko Mugunga ufite iduka ricuruza imyenda ya siporo ryitwa Magasin Solution Sports, ahuriza hamwe abantu batandukanye bari bafite umutima wo gukora ibikorwa bifasha abatishoboye kandi biteza imbere umuryango nyarwanda.

Ni muri urwo rwego kuri uyu wa Gatandatu tariki 25 Kamena 2016, umunsi mu Rwanda hose hakorwaga umuganda rusange usoza uku kwezi, Freedom Group bifatanyirije hamwe bagakorera umuganda mu kagari ka Gasharu mu murenge wa Kinyinya, bakanatanga ubwisungane mu kwivuza ku baturage 40 batishoboye.

Umuhanzi Uncle Austin ni umwe mu bagize Freedom Group

Batangaje ko batekereje iki gikorwa mu rwego rwo gushyigikira gahunda ya Leta yo guharanira kwigira no kwihesha agaciro, kimwe no gushyira hamwe no kuzamurana nk’Abanyarwanda, bakora ibikorwa bizamura imibereyo y’abanyarwanda muri rusange.

Ubuyobozi bw’akagari n’umurenge bashimye cyane igitekerezo cya Freedom Group bifatanyije nabo mu muganda rusange bakanatanga inkunga ku batishoboye, basaba ko n’abandi banyarwanda batera ikirenge mu cyabo muri gahunda yo kwiyubakira igihugu.

Nyuma y’’umuganda bifatanyije n’abaturage mu nama

Iri tsinda ryashimwe cyane n’abaturage n’ubuyobozi bw’umurenge wa Kinyinya

Aba ni bamwe mu baturage ba Kinyinya bafashijwe na Freedom Group

KANDA HANO UREBE VIDEOS UTASANGA AHANDI