Mbuye: Filime yatumye urubyiruko rwifuza gusura Urwibutso rwa Gisozi

Chief Editor | 26-06-2016
Mbuye: Filime yatumye urubyiruko rwifuza gusura Urwibutso rwa Gisozi

Abagize komite z’urubyiruko mu kagari ka Kizibere, mu murenge wa Mbuye wo mu karere ka Ruhango, kuwa Gatanu tariki 24 Kamena 2016 bagiye gusura urwibutso rwa Kigali ku Gisozi, muri gahunda ya Ndi umunyarwanda no kurwanya ingengabitekerezo ya Jenoside.

Nzabonimpa Théophile, umunyamabanga nshingwabikorwa w’akagari ka Kizibere, yatangarije Ukwezi.com ko igitekerezo cyo gutegura uru rugendo cyavutse mu gihe cy’icyumweru cyo kwibuka Jenoside yakorewe abatutsi, nyuma yo kureba filime ya Ndi umunyarwanda.

Avuga ko nyuma yo kureba iyi filime, abagize komite z’urubyiriko bagiye bahura bagakomeza kubigarukaho maze ubuyobozi bukabibafashamo, intego yabo ikaba yaragezweho kandi buri wese akaba yarahakuye ubutumwa bumufasha gutegura ejo hazaza nk’uko babigarutseho.

Nyuma yo gusura urwibutso rwa Jenoside rwa Kigali, uru rubyiruko rwahakuye ubutumwa bwo guharanira kumenya amateka ya Jenoside, gukundisha urubyiruko ubuyobozi bagira uruhare muri gahunda za Leta no kuziba icyuho cy’abazize Jenoside yakorewe abatutsi bahabwa agaciro.

KANDA HANO UREBE VIDEOS UTASANGA AHANDI