RURA yamaganye iby’ihinduka ry’ibiciro by’ingendo mu modoka

Chief Editor | 12-05-2016
RURA yamaganye iby’ihinduka ry’ibiciro by’ingendo mu modoka

Ikigo ngenzuramikorere mu Rwanda kizwi nka RURA, cyamaganye amakuru yatangiye gukwirakwizwa guhera kuri uyu wa Gatatu tariki 11 Gicurasi avuga ko ibiciro by’ingendo mu mamodoka ajya n’ava hirya no hino mu gihugu yahindutse, gishimangira ko ibi ari atari ukuri kandi nta mpinduka zigeze zibaho.

Mu itangazo ryashyizweho umukono na Maj Patrick Nyirishema uyobora RURA by’agateganyo, abantu bose batanga n’abakenera serivisi zo gutwara abantu n’ibintu mu mamodoka, bamenyeshejwe ko amakuru ajyanye n’ihinduka ry’ibi biciro atari ukuri, kuko ibiciro byari bisanzwe ari nabyo birimo gukoreshwa kugeza n’ubu.

RURA kandi yibukije abakora umurimo wo gutwara abantu ko umuntu wese waramuka ashyizeho ibiciro binyuranye n’ibyemejwe n’iki kigo, azabihanirwa nk’uko amategeko n’amabwiriza abiteganya.

KANDA HANO UREBE VIDEOS UTASANGA AHANDI