konka coffee
KONKA

AMAKURU

UKWEZI

Ibintu 5 bitangaje kandi byavugishije benshi byatangajwe na Pasiteri Ezra Mpyisi

Ibintu 5 bitangaje kandi byavugishije benshi byatangajwe na Pasiteri Ezra Mpyisi
19-09-2016 saa 05:50' | By Chief Editor | Yasomwe n'abantu 24480 | Ibitekerezo 14

Pasiteri Ezra Mpyisi wo mu itorero ry’Abadivantisiti b’umunsi wa karindwi mu Rwanda, ni umwe mu bavugabutumwa batangaje cyane, bitewe n’ibintu akunda kuvuga ntibivugweho rumwe. Muri iyi nkuru, turagaruka ku bintu 5 bitangaje yavuze bikavugisha benshi.

Mu bihe bitandukanye, Pasiteri Ezra Mpyisi yagiye avuga ibintu bigaragaza we ubwe ibibi yicuza yakoze, ariko kandi hakaba n’ibyo avuga ku bandi bavugabutumwa agaragaza amanyanga bakora, ndetse n’amadini yose muri rusange. Ibi nibyo tugarukaho muri iyi nkuru.

1. Namaze imyaka 50 mbwiriza ibinyoma mbeshya abantu

Pasiteri Ezra Mpyisi w’imyaka 94 y’amavuko, yivugira ko n’ubwo amaze imyaka 65 abwiriza ubutumwa, muri iyo myaka yose harimo imyaka 50 yabwirizaga abeshya abantu.

Mpyisi ati: "Namaze imyaka 50 mbeshya abantu, mbabwiriza inyigisho z’ibinyoma zibayobya. Ubu mfite imyaka 94 ariko ndimo ndakora ibishoboka byose, ndimo kwandika ibitabo ndetse ndimo no gutegura ama videos azasigara avuga ubutumwa bukosora ibyo nagiye mbeshya hirya no hino ku isi. Nabaye umuvugabutumwa w’ikirangirire ku isi ariko nabwirizaga ibinyoma. Birababaje ariko sinabikoraga nigiza nkana nanjye ntabwo nari nsobanukiwe, abazungu ntabwo badusobanuriye neza kiriya gitabo Bibiliya, ariko nabo ubwabo ntabwo bakizi."

Pasiteri Ezra Mpyisi, avuga ko mu byo yagiye abeshya abo yabwirije mu gihe cy’imyaka 50 yose, yababeshyaga ko icyo Imana ishaka ari amasengesho n’indirimbo kimwe no kudakora ku isabato, nyamara icyo Imana ishaka kikaba ari ukuyikorera no gukora ibitunganye bijyanye n’ubushake bwayo. Yemeza ko abavugabutumwa b’iki gihe benshi bagenda babwiriza babeshya, kuko Bibiliya yanditse mu buryo bw’amarenga bisaba kwitonda ngo hatabaho kuyibeshyaho.

2. Aya madini yose ni aya Satani, n’iryo mvugamo ubutumwa ni irye

Nk’inararibonye mu by’iyobokamana n’ivugabutumwa, Pasiteri Mpyisi ntiyemeranywa na gato n’abavuga ko amadini n’amatorero ari iby’Imana, ahubwo ngo amadini yose ni aya satani, kuko adakurikiza ibyo Bibiliya yigisha ahubwo agakurikiza inyungu z’abantu ku giti cyabo basobanura Bibiliya mu buryo bugoretse.

Ku bijyanye n’itorero ry’Abadivantisi b’umunsi wa Karindwi, naryo avuga ko ari irya satani kuko ari ryo mu gitabo cy’Ibyahishuwe bita "Lawodokiya", kandi ngo bagenzi be basengera muri iri torero bamenye ko bafite akaga gakomeye, kuko ngo Imana ivuga ko badashyushye cyangwa ngo babire ahubwo bakaba ari akazuyazi.

Mpyisi akomeza ashimangira ibi agira ati: "Aya madini yose ndayazi, nta rya Yesu na rimwe ririmo, yose ntarihuje na Bibiliya. Ariko Satani ni umukenya, ayo madini akagira ibyo avuga bya Yesu, ariko akavuga n’ibya satani. Nta rikorero Yesu wenyine rihari, nta n’irikorera satani wenyine rihari. Uba uw’Imana cyangwa ukaba uwa Satani ariko Satani we ntashaka ibyo, ashaka ko uba uw’Imana ukaba n’uwe."

3. Nahimbye ikinyoma kirafata, nararemye nk’Imana

Pasiteri Ezra Mpyisi avuga ko yahimbye ikinyoma cy’itariki ye y’amavuko ndetse akumva ibyo yakoze ari ukurema nk’uko Imana yaremye, ndetse n’ubwo yiyemerera ko ari ikinyoma, asanga atarakoze icyaha nk’uko Imana ijya kurema umuntu itari ikoze icyaha.

Ibi uyu mukambwe yabivuze ubwo yari abajijwe itariki ye y’amavuko, maze mu gusubiza agira ati: “Navutse mu 1922, amatariki ntitwayamenyaga ariko nahimbye itariki y’impimbano, nahimbye tariki 10 y’ukwezi kwa Karindwi, kuko ntibandikaga, bakurikizaga ikintu cyabaye, aho nigiye nabajije data ikintu cyabaye mu gihe navukaga, mpera kuri icyo… Twagiye mu majyambere, nahimbye ikinyoma kirafata. Nonese wajyaga kumbaza ngo wavutse ryari ndi pasitoro nkavuga ngo simbizi? Ariko ni ikinyoma.”

Abajijwe niba ajya abyicuza nk’icyaha kuko avuga ko ari ikinyoma yihimbiye, Pasiteri Ezra Mpyisi yagize ati: “Nahimbye ikintu kitari kiriho kibaho, nararemye nk’Imana. Imana se yaracumuye irema? Yaremye umuntu utari uriho nanjye ndema ikitari kiriho ntabwo ari icyaha, icyaha ni iyo wari uzi ko ikintu ari cyo ukagihindura, nahubundi nticyari kiriho. Icyaha ni iyo wamenye ko ikintu ari kibi, ukarenga ukagikora.”

4. Iyo wagize idini uba wakize... nanjye nahanuraga mbeshya bakampa ibifaranga

Ezra Mpyisi ashimangira ko impamvu amadini agenda arushaho kwiyongera mu Rwanda, ari uko abayashinga baba bakurikiye inyungu zabo, kandi koko akaba abakiza. Aha ninaho yahereye ahakana abiyita abahanuzi, avuga ko nawe yigeze kujya abeshya abantu agahanura bakamuha amafaranga.

Mpyisi ati: "Ni inyungu zabo, iyo wagize idini uba wakize, ni nka business. Vuga uti kuki abantu bahora bubaka amaduka muri Kigali, bubaka amashuri hirya no hino mu Rwanda? Ni urufaranga! Ni inyungu zabo kandi barashaka gukira, kandi uko arishinze niko abantu binjira, iyo binjiye n’urufaranga rukaba rwinjiye. Amadini azahora avuka! Kandi bafite Bibiliya imwe, bafite Yesu umwe. Imana ni imwe, idini igomba kuba imwe kuko n’Imana ari imwe... Biriya by’abahanuzi, ni ubuhanuzi bw’ibinyoma, sinemera ibinyoma. Ubuhanuzi bwa Bibiliya ntibabuvuga, bavuga ubwabo buri mu nyungu zabo. Barahanurira umugore bati wari inguma ugiye kubyara, ingumba zose se ntizizajyayo? Imana yagirira umugore imbabazi akabyara, bati ntureba? Baravura indwara, barakora ibitangaza babeshya, Yesu ntiyaje gukiza imibiri yaje gukiza ibitekerezo... Njye ntawe nemera ko ahanura, nemera Bibiliya. Nanjye nta buhanuzi bwanjye, mvuga Bibiliya. Ntabwo ngira, ntabwo nigeze, ariko igihe nari ntarabimenya, narahanuraga bigacika. Nabivuyemo, ariko nari igitangaza. Ukaza ngo ngwino ngusabire, ngwino nguhe imigisha kandi ntayo mfite, nkayiguha nawe ukampa urufaranga, nanjye narababeshye, nararikoze. Ariko n’ubu ndicuza, ubu sindi Mpyisi wawundi."

5. Nitwa umudivantisiti w’umunsi wa karindwi ariko sinkora nkabo, sinkora nk’ibyo bakora, sinigisha nk’uko bigisha

Ezra Mpyisi avuga ko itorero ry’abadivantisiti b’umunsi wa karindwi abwirizamo ubutumwa, ataryemera ariko aribamo byo kugirango agire aho abarizwa. Ati: "Sinshaka kuba gahuru, gahuru ni umuntu utagira indangamuntu, utagira iwe, urara aho bwije, yagera mu gihuru akakinjiramo akakiraramo. Sinshaka kuba gahuru rero. Ariko ni iby’aha munsi y’izuba, ariko idini yanjye y’ukuri ni iyo hejuru y’izuba, ni Bibiliya. Nitwa iryo zina (umudivantisiti w’umunsi wa karindwi) ariko sinkora nkabo. Ngira itorero, ngira aho mbarizwa ariko sinkora nk’ibyo bakora, sinigisha nk’uko bigisha, nigishaga nkabo ariko sinkigisha nkabo. Ndi kumwe nabo ntari kumwe nabo. Idini nyirimo, ntacyo bantwaye n’ubu barampemba, bampa pansiyo (pension) yanjye, n’ubu nitwa Pasitoro sha, n’ubu ndashyingira..."


Tanga Igitekerezo
Ibitekerezo 14
manzi marie Kuya 21-12-2016

baravuga ngo ubwenge bwari bwiaza iyo butamennywya nabose niba muvuga ko ashaje se ubu arakerakera muli Aerika ahashaka iki nigisambo gusa

HABYARIMANA Kuya 20-12-2016

Mpyisi ubanza ari mpyisi koko kuko ngo ashobora kuba yaranaguriwe agahitana Umwami muri Amerika. Isi we, ibaze kweli ngo ni pastoro nkuwo. Niba koko yarabikoze azabibazwa umunsi we numwe nababimutumye bose

musirimu Kuya 12-10-2016

njyewe mbona aya magambo ayaterwa nuko ashaje kuko iyo ugenda usaza nubwonko bura saza uka vuga ibyabana!!

Kirori Kuya 21-09-2016

Uyu musaza yanze gupfa adasize ukuri. Iki kintu avuze ku madini ni cyo, kuko sinibaza impamvu abantu bashobora kuba bakorera Imana imwe bakarenga bakagira amadini n’amatorero agahuri. Umwami bakorera ni inda zabo rwose!!!!!

Natacha Kuya 20-09-2016

Mzehe Mpyisi aransetsa, nkenda gupfa. Hahaha. Hahaha.

samuel Kuya 20-09-2016

Gudaza n’ugusahurwa yarasahuwe

Gad Kuya 20-09-2016

uyumusaza mumureke yasubiye ibwana.
nagize amahirwe yokugira muzehe washaje akuze cyane. iyo umuntu yagize 85 ara depriment agatekereza bya cyane. MPfisi rero nagira inama abanyamakuru kudakomeza kumutesha umutwe koko arinkokubaza umwana wa 5 ans ibibazo wakabajije uwa 18 ans. mumureke asaze neza

Philisophe Kuya 20-09-2016

Genda Mpyisi uranshimisha nkumva nagukora mu ntoki! Turi mu modoka z’ibinyoma (amadini), zitagira feri (agakiza), zitwaewe n’abashoferi basinze (Abapasitori b’inda nini), zirimo ba convoyeurs b’abatekamutwe (Abahanuzi b’ibinyoma), zikagendera mu mihanda iriho amateme yenda kuriduka (inyigisho z’ibinyoma)!!! Muzehe we, ni uko ushaje naho ubundi uri inararibonye (Umweege-Philiosophe) w’ i Rwanda!!!

HABIMANA Kuya 19-09-2016

Uyu musaza yarakoze pee! Ariko amazegusaza kabisa.

HABIMANA Kuya 19-09-2016

Uyu musaza yarakoze pee! Ariko amazegusaza kabisa.

Miz Kuya 19-09-2016

Genda Mpyisi uvugisha ukur! Ariko ukuri kose.......!!!!

karebu Kuya 19-09-2016

avuge ibya abadive kuko babeshya abantu isabato thé first is Jésus

Ruhago Kuya 19-09-2016

INDONDOGOZI !! IBYAHIISHUWE 18 : 4 HAGIRA HATI : NIMURISOHOKEMO NIBA MUDASHAKA GUFATANYA IBYAGO !! Ko WAVUZE NGO AMADINI NAYA SHITANI UKABA UKITWA UMUDIVANTISTE WASOHOTSEMO UGASHAKA IRINDI ZINA ??

Enock Kuya 19-09-2016

Haribyo yavuze ariko biri byo pe

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA