konka coffee
KONKA

AMAKURU

UKWEZI

Ingingo 10 zerekana ko kuba Pasiteri ari umushinga woroshye gukorera muri Afurika

Ingingo 10 zerekana ko kuba Pasiteri ari umushinga woroshye gukorera muri Afurika
22-08-2016 saa 11:17' | By Chief Editor | Yasomwe n'abantu 3858 | Ibitekerezo 16

Ikinyamakuru Ukwezi.com, giha agaciro ibitekerezo by’abakunzi n’abasomyi bacyo, ninayo mpamvu twabageneye umwanya wo gutambutsa ibitekerezo byanyu ku ngingo zitandukanye mwihitiramo, mukavuga uko mubyumva maze abandi basomyi nabo bakinigura bakanenga cyangwa bagashima ibitekerezo byatanzwe. Iki nacyo ni igitekerezo bwite cy’umusomyi, ugaragaza impamvu 10 abona kuba Pasiteri ari umwe mu mishinga myiza buri wese yakorera muri Afurika bikamutunga.

1. Burya abapasiteri bose icyo bakora cya mbere na mbere ni ukugarurira abantu icyizere babizeza ko ejo habo ari heza, bakabumvisha ko hatanabaye heza nta kibazo kuko mu ijuru hazaba heza. Muri Afurika rero cyane cyane iyo munsi y’ubutayu bwa Sahara, hari abantu benshi bakennye byumvikana ko ari ho hari benshi kurushaho bashobora gufatwa vuba n’inyigisho z’abo bavugabutumwa.

2. Ni imirimo micye cyane muri Afurika aho umukozi uzasanga ahembwa ku Cyumweru, muri macye uba ugiye mu rwego rw’abakinnyi b’umupira w’amaguru babigize umwuga kuko n’abahano bahembwa ku kwezi. Muri Afurika rero, aka kazi ko kabafasha gufasha abagakora kubona indonke za buri cyumweru n’iyo baba bagenerwa undi mushahara wa buri kwezi.

3. Mu gihe mu yindi mirimo uba ugomba gukora cyane kugirango ubone agatubutse, mu bupasiteri ho siko bimeze, bisaba gusa kugira abayoboke benshi bifite kandi bitanga, batanabikora ukiga amayeri yo kuyabakuramo, upfa gusa kugena uburyo bubanogeye bugufasha kubumvisha ko bakwiye kwikora ku mufuka bakarekura agatubutse.

4. Kugirango ube Pasiteri muri Afurika, ntibisaba urwego runaka rw’amashuri kandi nta n’umuntu n’umwe uzakubaza ubumenyi ufite mbere y’uko umubwiriza, upfa kuba uzi kumvikanisha ibyo uvuga ndetse kenshi gashoboka ugahanika ijwi ryawe hejuru, ukamenya kuryoshyaryoshya abo ubwira ukabaganisha mu byiyumviro runaka ubona byatuma barushaho kwemera.

5. Nta ngengabihe y’ibyo ugomba kwigisha ibaho, birumvikana ko atari ngombwa gutegura ibyo uba ugiye kwigisha, igihe udafite umwanya ushobora kwigisha ibintu wigishijye kera ahandi hantu, ikindi kandi ibyo uri bwigishe ni wowe ubyihitiramo nta n’ikizamini kizabaho ngo ube wazagayirwa ko utigishije neza.

6. Mu gihe abandi bantu bakorera abandi yewe n’abikorera basabwa raporo z’ubudasiba n’abakoresha babo cyangwa se n’ibigo by’imisoro n’amahoro, wowe nuba Pasiteri uzaba witwa "Umukozi w’Imana" kandi Imana nta raporo izagusaba.

7. Ibyo wumva bitakumvikana kuko ari wowe ubivuze uba ufite ubushobozi n’uburenganzira bwo kubyitirira Imana ukavuga ko ari yo yabivuze kandi abo ubwira bakabyemera nta kukuburanya. Ibi ushobora kumva ko ari ukurengera ariko umuvuduko w’ijambo "Imana iravuze" uri mu kanwa k’abapasiteri utuma wibaza byinshi

8. Iyo uri kwigisha ntawe uzatinyuka kukubaza ikibazo, akazi ukora kaguha amahirwe yose igihe uvuga kuko igihe cyose uvuga uri wenyine, ibibazo usubiza n’ibyo uba wibajije wowe ubwawe. Aka kazi rero nta mbogamizi kandi abigishwa bagira ubwoba bwo kuguhinyura ngo hato bitavugwa ko baburanyije umukozi w’Imana.

9. Hejeru y’indonke uzakura muri aka kazi, hiyongeraho ko ari akazi kazaguhesha icyubahiro cyinshi cyane, uzubahwa n’abakire ndetse n’abakennye n’ubwo mu byukuri waba uri umunyabyaha kimwe nabo.

10. Ntugire ubwoba, nuramuka usengeye abantu cyangwa ukabizeza ibitangaza, uzaba witeze ko bizaba bakagushimagiza arko kandi nibyanga uzaba ugifite ijambo rivuga ngo "Ni ubushake bw’Imana", cyangwa "Niko Imana yabishatse" n’ayandi menshi kandi abo ubibwiye ntibazigera baguhakanya.

Iki gitekerezo cy’umusomyi urakivugaho iki?


Tanga Igitekerezo
Ibitekerezo 16
-xxxx- Kuya 11-09-2016

Iki gitekerezo sico 1.Imana yaka RAPORO nuko utabizi kuko utayikorera 2.ntabwo abakirisitu bose arinjiji uburyo bayoka ibintu bitabafitiye akamaro 3.ntamuntu uzamurusengero kugahato. 4.ikindi wabeshye muri afurika siho hari insengero zifite abayoboke benshi kuko nibihugu byateye imbere Nibyo bifite abapasiteri bafite abayoboke binsh ubwo rero impamvu watanze zirapfuye

-xxxx- Kuya 11-09-2016

Iki gitekerezo sico 1.Imana yaka RAPORO nuko utabizi kuko utayikorera 2.ntabwo abakirisitu bose arinjiji uburyo bayoka ibintu bitabafitiye akamaro 3.ntamuntu uzamurusengero kugahato. 4.ikindi wabeshye muri afurika siho hari insengero zifite abayoboke benshi kuko nibihugu byateye imbere Nibyo bifite abapasiteri bafite abayoboke binsh ubwo rero impamvu watanze zirapfuye

Anastase Kuya 10-09-2016

Hhhhh! Ibi uvuze nibyo kabsa! Gusa birazwi ko uramutse ukoze project idafite ikibazo ije gukemura cg idafite gap yuririraho ntabwo yakunguka. Gap iri muri subsaharian region abapastoro buririraho rero ni UBUJIJI n’UBUKENE bw’akarande.

Joanna Kuya 9-09-2016

njyewee rwosee nifuza kuzagera kuri uriya muprophet tb Joshua kuko njye arafasha. sinzi icon Ukwezi cyafasha. kuko
byarampagayikishije pe

Umubyeyi Kuya 31-08-2016

ark niba wumva aribyo nawe uzarushinge. wowe c ayo amafaranga urayanze. niwenda uzatubwire tugutwerere

emmy cloclo Kuya 24-08-2016

Mwiriwe? uyu muntu yanditse ibintu nkunda cyane,abakwiha ngo wakabije bikurenganya these tuzi kata zo mumadini nuburyo batekinika abakirisito bakabasahura bitwaje NGO ijuru mugihe uzigisha ijambo ryimana ukorera amafaranga ibyo byitwa business niba ubihakana usobanure impamvu havuaka amadini buri munsi kandi agashingwa nabayoboke bayo madini kubera ko hari ibyo batumvikanaho cyane amafaranga kuki niba hari ikibazo mu idini mutagikemurira hamwe mudashinze irindi dini nuko muba muharanira inyungu kuri buri umwe Jye nange nuko mbibona amadini nubuyobe kandi budashingiye Ku Mana rurema byose

emmy cloclo Kuya 24-08-2016

Mwiriwe? uyu muntu yanditse ibintu nkunda cyane,abakwiha ngo wakabije bikurenganya these tuzi kata zo mumadini nuburyo batekinika abakirisito bakabasahura bitwaje NGO ijuru mugihe uzigisha ijambo ryimana ukorera amafaranga ibyo byitwa business niba ubihakana usobanure impamvu havuaka amadini buri munsi kandi agashingwa nabayoboke bayo madini kubera ko hari ibyo batumvikanaho cyane amafaranga kuki niba hari ikibazo mu idini mutagikemurira hamwe mudashinze irindi dini nuko muba muharanira inyungu kuri buri umwe Jye nange nuko mbibona amadini nubuyobe kandi budashingiye Ku Mana rurema byose

kiki Kuya 24-08-2016

Ariko rero ndabona mwese mutanga ibitekerezo munenga uyu mwanditsi kdi njye nsomye neza ibyo yanditse ndetse nkanareba ibyo mbona mumadini dusengeramo, ndasanga ibyo avuga 90% ari byo pe. Abantu bubu nako amadini yiki gihe nayo yahindutse business. uzarebe aho usengera, ureste kiliziya gaturika(nubwo atariho nsengera) niyo yonyine itabyitaho. ariko ahandi umukirisito udatanga icyacumi cg amaturo uwo bamufata nkumupagani. ibyo mbabwira ndabizi kuko nkaho nagerageje kujya niko bimeze. ibyo yavuze rwose nibyo. ni business iriho rwose. kuko hari uwo twaganiriye ambwira ati njye narize ndangije mbura akazi ntangira kwiga uburyo najya mbwiriza abantu bagafashwa nkabagaruramo ibyiringiro, birya bajya bita ababwirizabutumwa bubushake, kdi ati mbona binyinjiriza mafaranga atubutse kuko yaravuze ati mbwiriza kucyumweru no mumibyizi kuburyo yavuze ati sinabura nka 200milles buri kwezi.
uyu muntu rero yarashishoje

J.P. Kuya 23-08-2016

Nari nibagiwe kuvuga ko Kiliziya yirinda ubuhanuzi bw’ibikabyo no guha amategeko Imana ngo nikore itya ( kuyitegeka ibitangaza igomba gukora )

J.P. Kuya 23-08-2016

Kiliziya nzayigwa inyuma tu. Ni ho honyine umuntu atigisha uko yabyutse, ni ho honine abashumba biga bakigisha ibyo bazi neza wongeyeho n’ubundi bumenyi rusange, ni ho honyine abashumba baba barigomwe byinshi kubera ingoma y’Imana, ni ho abashumba badakorera imishahara, ni ho badapfa amaturo, Kiliziya ni umuryango w’Imana wo ku ikubitiro, mu majyambere y’isi no mu Rwanda ni iya mbere: amashuri, imihanda, amavuriro, kwishira hamwe, ubwiyunge,.. Kiliziya we, Koko uri uw’Imana.

gahungu zenon Kuya 23-08-2016

Njye ndumva ahubwo uyu muntu yakanze ahababaye kuko bigaragara ko abenshi amarangamutima ariyo ariho asubiza: nta n’umwe uvuga ati kuri iyi ngingo runaka urabeshya; mu gihe igitekerezo cyanditse neza mu ngingo zumvikana kandi zifite numéro ku buryo ushoboye kumubeshyuza wagenda ubeshyuza ingingo ku yindi. Njye ndemeranya nawe 100% cyane cyane ariko kuri iriya ngingo ya 10: ndibaza nanjye; kuki abapasiteri batanga amatangazo yamamaza ko bazasengera abantu bafite indwara cg ubumuga byananiranye batajya bafata gahunda ngo bajye nko gusengera abarwayi mu bitaro runaka babakize batabanje gutakaza ibya mirenge ndetse rimwe na rimwe bakabura ayo kwishyura bagafungirwa mu bitaro?

gahungu zenon Kuya 23-08-2016

Njye ndumva ahubwo uyu muntu yakanze ahababaye kuko bigaragara ko abenshi amarangamutima ariyo ariho asubiza: nta n’umwe uvuga ati kuri iyi ngingo runaka urabeshya; mu gihe igitekerezo cyanditse neza mu ngingo zumvikana kandi zifite numéro ku buryo ushoboye kumubeshyuza wagenda ubeshyuza ingingo ku yindi. Njye ndemeranya nawe 100% cyane cyane ariko kuri iriya ngingo ya 10: ndibaza nanjye; kuki abapasiteri batanga amatangazo yamamaza ko bazasengera abantu bafite indwara cg ubumuga byananiranye batajya bafata gahunda ngo bajye nko gusengera abarwayi mu bitaro runaka babakize batabanje gutakaza ibya mirenge ndetse rimwe na rimwe bakabura ayo kwishyura bagafungirwa mu bitaro?

Dieudonne Kuya 23-08-2016

Rwose mujye mureka kudusetsa. mugihe ibintu utabikoze ngo ube ubutangaho ubuhamya ugaragaze ibyiza cyangwa ibibi byabyo mujye mwirind kugira icyo mubivugaho.uti mbonye igitekerezo.ndibaza ko uvugako babona amafaranga atubutse buriya uhemba pastor wawe angahe mu cyumweru,.ikintu utakoreye ubushakashatsi ntugapfe kugishyira public ngo wabonye igitekerezo kuko byafatwa nk’aho uba wisekereza abantu kandi si uko batera urwenya.

gahanga Kuya 23-08-2016

mbega umunyamakuru cyangwa umusomyi. none se sha, ko snhimye utubeshye, ubwo uyobewe ko ukorera intica ntikize? niba rero udashobora gukora ibi ngo nawe ayo mahirwe agutaheho, icecekere. ese mu muryango wanyu hari pasteri wawuvutsemo? uzamubaze azagusobanurira. niba ntawe kandi uzashake pasiteri nyawe akuganirize. urakoze.

gaby Kuya 22-08-2016

Sha wamusomyi we uzarushinge uzambwira nawe iryo faranga suryanze nirumara kabiri n’ Impano yimana no kugirango wigishe bunve uzagerageze uzambwira

boss Kuya 22-08-2016

Wowe ubivuga se waba ubikora?umwana bamubeshyeko azi kwiruka arenga iwabo nawe rero wibeshyako uzi ubwenge nyamara uri umuswa inyuma yabandi ahubwo ukwiye amasengesho.

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA