AMAKURU

UKWEZI

Nahimbye ikinyoma kirafata, nararemye nk’Imana - Pasiteri Ezra Mpyisi

Nahimbye ikinyoma kirafata, nararemye nk’Imana - Pasiteri Ezra Mpyisi
6-07-2016 | By Chief Editor | Yasomwe n'abantu 10723 | Ibitekerezo 7

Pasiteri Ezra Mpyisi, umukambwe wamamaye cyane mu ivugabutumwa mu itorero ry’Abadivantisiti b’umunsi wa karindwi mu Rwanda, avuga ko yahimbye ikinyoma cy’itariki ye y’amavuko ndetse akumva ibyo yakoze ari ukurema nk’uko Imana yaremye, ndetse n’ubwo yiyemerera ko ari ikinyoma, asanga atarakoze icyaha nk’uko Imana ijya kurema umuntu itari ikoze icyaha.

Ibi Pasiteri Ezra Mpyisi yabitangaje mu minshi ishize mu kiganiro Amahumbezi gica kuri Radio Rwanda, ubwo yari abajijwe igihe yavukiye. Mpyisi ati: “Navutse mu 1922, amatariki ntitwayamenyaga ariko nahimbye itariki y’impimbano, nahimbye tariki 10 y’ukwezi kwa Karindwi, kuko ntibandikaga, bakurikizaga ikintu cyabaye, aho nigiye nabajije data ikintu cyabaye mu gihe navukaga, mpera kuri icyo… Twagiye mu majyambere, nahimbye ikinyoma kirafata. Nonese wajyaga kumbaza ngo wavutse ryari ndi pasitoro nkavuga ngo simbizi? Ariko ni ikinyoma.”

JPEG - 35 kb

Abajijwe niba ajya abyicuza nk’icyaha kuko avuga ko ari ikinyoma yihimbiye, Pasiteri Ezra Mpyisi yagize ati: “Nahimbye ikintu kitari kiriho kibaho, nararemye nk’Imana. Imana se yaracumuye irema? Yaremye umuntu utari uriho nanjye ndema ikitari kiriho ntabwo ari icyaha, icyaha ni iyo wari uzi ko ikintu ari cyo ukagihindura, nahubundi nticyari kiriho. Icyaha ni iyo wamenye ko ikintu ari kibi, ukarenga ukagikora.”

Pasiteri Ezra Mpyisi, avuga ko iyi tariki yahimbye ko ari yo y’amavuko, iyo igeze ayishimira nk’uwagize isabukuru y’amavuko, nyamara akaba abizi mu mutima we ko iyi tariki ari ikinyoma yihimbiye, ndetse umuntu avuga ko yari abizi neza ko itariki nyayo yavutseho atayizi, ngo ntawundi utari se umubyara yabajije akamubwira ko atabizi ariko akamurangira ibihe yavutseho undi nawe akagenekereza.


Tanga Igitekerezo
Ibitekerezo 7
hhsss Kuya 24-07-2016

NUKURI MPYISI IBYO AVUGA NI U
KURI ku byumva biragoye ariko muzabyumva amadini menshi ni umugambi wa shitani

J.P Kuya 13-07-2016

Nongeyeho ko akavuyo kadaturuka ku Mana n’umunsi n’umwe

J.P. Kuya 13-07-2016

Umuntu ariyemerera ko yabeshyaga abantu akabakuramo amafranga maze mukumva nta kibazo?
Cyokora abahimbahimba amadini uyu munsi na bo bafite ikibazo, ariko cyane cyane ababakurikira. Kuko Imana ni Umubyeyi utifuza ko abana be bacikamo ibice. Guhimbahimba amadini, ni ikinyoma, ni amaco y’inda

bester Kuya 10-07-2016

mubuzima umuntu ntakavuge ukuri ngwabantu bamwange Ezra mpyisi njye ndamwemera cyane ibi byubuhanuzi njye mbona rwose ari imyuka ya satani naho ibyo byuko yabeshye itariki ntacyaha kirimo

Muzuri Kuya 9-07-2016

Umusaza adusaziye na bi weee

mfura Kuya 9-07-2016

Ese icyokiganiro kinyuraho ryari sangahe kuri Radio

Bintunimana Kuya 7-07-2016

Uyu musaza yararangiye mushatse nk’itangazamakuru mwamureka! Nta kizima akivuga.Ubuse mubona ibintu avuga harimo logique kweli?

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA