Rwanda Shima Imana yateguye Igiterane cy’urubyiruko kigiye gufasha benshi

Chief Editor | 5-08-2016
Rwanda Shima Imana yateguye Igiterane cy’urubyiruko kigiye gufasha benshi

Rwanda shima Imana yateguye igiterane cy’urubyiruko kigiye kuba ku nshuro yacyo ya gatatu, kikaba gifite insanganyamatsiko igira iti: "RWANDA MURIKA UMURIKIRE AMAHANGA."

Iki giterane cy’urubyiruko kizaba kuri uyu wa Gatandatu tariki ya 6/08/2016, kikaba kizabera ku rusengero rwa Zion Temple Celebration mu Gatenga ahazwi nko kwa Gitwaza, kikazitabirwa n’urubyiruko rwo mu matorero arenga magana ane 400 yo mu mujyi wa Kigali, guhera saa cyenda z’amanywa (15h00).

Rwanda Shima Imana itegurwa n’umuryango Peace Plan, ukaba ari umuryango uhuza amatorero yose ya Gikristo yo mu Rwanda. Ubu ni ku nshuro yawo ya gatanu iki giterane kigiye kuba. Iki giterane cy’urubyiruko nacyo gihuza urubyiruko rwose ruturuka muri ayo matorero yose yo mu Rwanda.

Umwigisha w’uwo munsi ni Pasiteri RUTAYISIRE Antoine, naho AZAPH choir ikazafasha abazakitabira mu kuramya no guhimbaza.

Intero y’Ubuyobozi bw’igiterane cy’urubyiruko muri Rwanda Shima Imana igira iti: "Rubyiruko muze mwese twibuke ibyo Imana yadukoreye, ikabikorera n’igihugu cyacu maze duhurize hamwe dushime Imana."

Ku bindi bisobanuro bijyanye n’iki giterane wahamagara: 0788 388 897; 0722 556 617; 0 731 000 074.

KANDA HANO UREBE VIDEOS UTASANGA AHANDI