Umupasiteri wo muri ADEPR wafashwe asambana akiyahura yamaze gusimbuzwa undi

Chief Editor | 8-06-2016
Umupasiteri wo muri ADEPR wafashwe asambana akiyahura yamaze gusimbuzwa undi

Safari Théogène wafashwe asambana agahita yirukanwa, ni uwa kabiri ibumoso

Safari Théogène wari umupasiteri mu itorero rya ADEPR mu karere ka Rulindo ko mu Ntara y’Amajyaruguru, yamaze gusimburwa kuri uyu mwanya nyuma yo kwirukanwa akanamburwa inshingano zose azira icyaha cy’ubusambanyi yafatiwemo.

Mu byumweru bibiri bishize, nibwo Pasiteri Safari Théogène yafashwe asambana n’umugore wo mu karere ka Rulindo yayoboragamo itorero rya ADEPR, agifatwa akagira isoni n’ikimwaro agahita yimanika mu mugozi ariko akaza gukurwamo ari intere atarashiramo umwuka.

Nyuma yaho gato, Rev. Pasteur Jean Sibomana, umuvugizi mukuru w’itorero rya ADEPR, yatangarije Ukwezi.com ko Safari Théogène yamaze kwamburwa inshingano zose zo mu itorero, nk’igihano ku myitwarire ye idahwitse, none ubu yamaze gusimbuzwa uwitwa Rwigema Donatien wari usanzwe ayobora ADEPR ya Rwamagana.

Andi makuru agera ku kinyamakuru Ukwezi.com, ni ay’uko ibyabaye kuri uyu Safari Théogène byatumye n’abandi bavugabutumwa bayoboraga ADEPR mu turere dutandukanye bahita bimurwa bakavanwa mu turere bari bamazemo iminsi aho bari bamaze kumenyerana n’abayoboke babo, ibintu n’ubundi bizajya biba kenshi, umupasiteri ntamare igihe kirekire mu karere kamwe.

KANDA HANO UREBE VIDEOS UTASANGA AHANDI