konka coffee
KONKA

AMAKURU

UKWEZI

Tanzania igiye guteza cyamunara inka 10.000 ziganjemo iz’Abanyarwanda

Tanzania igiye guteza cyamunara inka 10.000 ziganjemo iz’Abanyarwanda
15-11-2017 saa 05:46' | By Akayezu Jean de Dieu | Yasomwe n'abantu 3297 | Ibitekerezo

Leta ya Tanzania yatangaje ko yafashe inka zirenga 10,000 zinjiye ku butaka bwayo zivuye mu Rwanda no muri Ugandam kuri ubu ngo izo nka zikaba zigomba gutezwa cyamunara nk’uko icyo gihugu giheruka kubikora ku nka zirenga 1.000 zafatiwe ku mupaka wa Tanzania na Kenya mu minsi ishize, ibintu byakuruye umwuka mubi hagati y’ibyo bihugu.

Minisitiri ushinzwe ubworozi n’uburobyi muri iki gihugu, Luhaga Mpina, ubwo yari mu Nteko Ishinga Amategeko y’iki gihugu kuri uyu wa Mbere yasabwe gutanga igitekerezo kuri gahunda y’iterambere ry’igihugu mu mwaka wa 2018/2019. Abadepite baje kumubaza icyo igihugu kiri gukora ku matungo yinjira muri Tanzania mu buryo budakurikije amategeko.

Minisitiri Mpina yashinje aborozi bo muri Uganda n’Abanyarwanda kuvogera amategeko ya Tanzania, bakajyana inka zabo kurisha hirya y’umupaka w’ibihugu byabo. Yahise yihutira no kuvuga ko umubano w’icyo gihugu n’abaturanyi bacyo mu Muryango wa Afurika y’Uburasirazuba umeze neza.

Ayo magambo aje akurikira ibyo guverinoma ya Kenya iheruka kwita “ibikorwa bigamije kwibasira Abanyakenya n’inyungu zabo mu bucuruzi", aho Tanzania yari yabafatiye icyemezo cyo guteza icyamunara amatungo yose yambuka ajya muri iki gihugu.Tanzania iheruka guteza cyamunara inka 1,325 z’Abanyakenya zinjiye muri icyo gihugu.

Mu cyumweru gishize, Perezida wa Tanzania, Dr John Pombe Magufuli, yatangaje ko Tanzania izakomeza gufata no guteza cyamunara amatungo yinjira mu buryo butemewe, avuga ko atari urwuri rw’inka zo mu bihugu bituranye na yo.

Umunyamabanga wa Leta ya Kenya ushinzwe imibanire n’amahanga mu bya politiki na dipolomasi, Tom Amolo, yanenze umwanzuro Tanzania iheruka gufata wo gutwika inkoko nzima zigera ku 6.400 zari zivuye muri Kenya no kugurisha inka zari ziturutse muri icyo gihugu binyuze mu cyamunara, hatabayeho kubanza kuvugisha ubutegetsi bw’i Nairobi.

Yavuze ko ibyo bikorwa bishobora gusubiza ahabi umubano w’ibihugu byombi. Hari amakuru avuga ko abaturage b’aba Masai bo muri Kenya, nabo mu minsi ishize bafashe inka 4.000 zo ku ruhande rwa Tanzania, mu buryo bwo kwihimura nk’uko The Citizen yabitangaje.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...