konka coffee
KONKA

AMAKURU

UKWEZI

Zimbabwe: Bidasubirwaho, umukambwe Robert Mugabe yeguye ku butegetsi

Zimbabwe: Bidasubirwaho, umukambwe Robert Mugabe yeguye ku butegetsi
21-11-2017 saa 18:56' | By Akayezu Jean de Dieu | Yasomwe n'abantu 5738 | Ibitekerezo 2

Umukambwe Robert Gabriel Mugabe w’imyaka 93, wari umaze imyaka 37 ku butegetsi bwa Zimbabwe yamaze kwegura ku mugaragaro nyuma y’igitutu gikomeye yashyizweho n’igisirikare cy’iki gihugu cyafatanije n’uwahoze ari Visi Perezida akaza kwirukanwa kuri uyu mwanya na Mugabe.

Kuri uyu wa mbere tariki 21 Ugushyingo 2017 ku isaha ya saa munani nibwo byari biteganyijwe ko abadepite batangira kwiga ku ngingo yo kweguza uyu mukuru w’igihugu umaze imyaka 37 ku butegetsi.

Reuters ivuga ko ubwo ibiganiro byari bigitangira, Umuyobozi w’Inteko Ishinga Amategeko, Jacob Mudenda yavuze ko Robert Mugabe yohereje ibaruwa ihamya ko yeguye, abibwira inteko yabyakiranye ibyishimo. Mugabe yari yahamagaje inama isanzwe y’abaminisitiri isanzwe iba ku wa Kabiri haza bane gusa abandi 17 bajya mu yo kumweguza. Mugabe yirukanwe ku buyobozi bw’ishyaka ku wa Gatandatu asimbuzwa Emmerson Mnanganwa yari yavanye ku mwanya wa Visi Perezida.

Mu gitondo cyo kuri uyu wa Kabiri, Mnangagwa yasohoye itangazo avuga ko atakwitabira ibiganiro byari biteganyijwe hagati ye na Mugabe, amusaba kwegura cyangwa akabikorerwa ku ngufu. Yavuze ko akiri mu buhungiro kandi adateganya kuhazva Mugabe atarava ku butegetsi kuko afite impungenge z’umutekano we. Yahunze Mugabe amaze kumwirukana bigafatwa nk’uburyo bwo gushaka ko umugore we Grace azamusimbura.

Visi-Perezida Emmerson Mnangagwa w’imyaka 75, wirukanwe na Mubage kuri uyu mwanya niwe wabaye imbarutso yo kuba igisirikare cyarinjiye muri poltiki ndetse ziza gushyigikirwa n’abaturage bose ba Zimbabwe bamaze gutakariza icyizere Robert Mugabe.

Mugabe niwe Perezida rukumbi wayoboye Zimbabwe kuva yakwigenga ku bakoloni b’Abongereza mu 1980. Yabanje kuyobora nka Minisitiri w’Intebe aba Perezida mu 1987, akomeza gutorerwa izindi manda mu buryo butavuzweho rumwe ndetse yaniteguraga kongera kwiyamamaza nubwo ku myaka 93 ubuzima bwe busa nk’uburi mu marembera.


INKURU ZA :
Tanga Igitekerezo
Ibitekerezo 2
MUTABARUKA Cleo Kuya 22-11-2017

Zimbabwe ikeneye amaraso mashya y’abajeni naho abasaza nka MUGABE babe abajyanama/ kandi nshimye amakuru mudasiba kutugezaho

NDAYISHIMIYE .LUCIE Kuya 21-11-2017

UWO.MUSAZA,NAGENDE,ABAND.BAZANE.BISHASHA

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...