konka coffee
KONKA

AMAKURU

UKWEZI

Miss Iradukunda Elsa yiyemeje gufasha mu myaka 6 yose abanyeshuri 10 batishoboye - Amafoto

Miss Iradukunda Elsa yiyemeje gufasha mu myaka 6 yose abanyeshuri 10 batishoboye - Amafoto
31-03-2017 saa 15:54' | By Chief Editor | Yasomwe n'abantu 12074 | Ibitekerezo 8

Miss Rwanda 2017, Iradukunda Elsa, muri iki cyumweru yasuye Intara y’Uburengerazuba yari ahagarariye mu marushanwa ya Miss Rwanda, akora ibikorwa byinshi bitandukanye birimo no guhemba abana bitwaye neza mu masomo yabo ndetse yiyemeza no gufasha abana 10 batishoboye, akazabafasha mu gihe cy’imyaka itandatu yose.

Ku munsi wa mbere w’uruzinduko rwe, Miss Iradukunda Elsa yagiye mu karere ka Rutsiro mu murenge wa Boneza aho yasuye ikigo cy’amashuri akaganiriza abana bagiye kujya mu biruhuko ko bagomba kwitwararika cyane, anabibutsa ko n’ubwo ibiruhuko bivuze kuruhuka ariko bitavuze kuraruka no kwibagirwa ko ishuri ribaho. Ikindi yagarutseho ni ukubibutsa ko ntacyo wageraho udafite ikinyabupfura.

Uruzinduko yarukomereje ku ruganda rwitwa New Vision rwatangijwe n’urubyiruko rukora inkweto, imikandara, amasakoshi n’ibindi. Yazengurukijwe aho bakorera akanasobanurirwa ibihakorerwa anasabwa ubufatanye mu gukomeza gushishikariza abanyaranda gukunda no gukoresha ibikorerwa mu Rwanda, ndetse na we yahaguze inkweto z’abakobwa ndetse anabasezeranya ko azakomeza kubakorera ubuvugizi n’ubundi bufatanye bazakenera. Bamushimiye cyane umushinga yiyemeje wo guteza imbere ibikorerwa mu Rwanda.

Uruzinduko yarukomereje mu karere ka Rubavu aho yasuye ikigo cy’amashuri cya Lycee Notre Damme d’Afrique de Nyundo. Yahuye n’abanyeshuri b’abakobwa basaga 700 abaganiriza ku ndangagaciro no kwihesha agaciro bikwiye umwana w’umukobwa w’umunyarwandakazi cyane cyane ko ari bo babyeyi b’ejo hazaza bazarerera u Rwanda. Yagiranye nabo ikiganiro kirekire aho yabasangije urugendo rwe nka Nyampinga anabereka ko iyo wigiriye icyizere ntacyo utageraho kandi ko kuba abakobwa barahawe agaciro atari bo bagasubiye inyuma ngo bakiyime.

Aha yahavuye ajya hafi yaho gusura ikigo kigisha imyuga itandukanye cya Nyundo aho yasuye ishami ryigisha ibijyanye n’umuziki akaganira nabo kubyo biga ndetse bakanamugaragariza ko bari kumwe na we mu mushinga we wo guteza imbere ibikorerwa mu Rwanda, ndetse baranamutaramiye biratinda.

Miss Iradukunda Elsa kandi yasuye anahemba abanyeshuri bitwaye neza mu kigo cy’amushuri cya Rusamaza mu karere ka Rubavu mu murenge wa Nyundo. Yahembye abana bitwaye neza guhera mu mwaka wa mbere kugeza mu wa gatandatu aho yabageneye ibikoresho by’ishuri birimo amakaye, amakaramu, ibikapu batwaramo ibikoresho n’ibindi. Si uguhemba abana bitwaye neza gusa ahubwo Miss Rwanda 2017 yaniyemeje gufasha abana 10 batishoboye bari mu mwaka wa mbere, akazabafasha mu myigire yabo abaha ibikoresho; imyenda; inkweto ndetse n’ibindi bikenerwa n’abanyeshuri aho azabafasha guhera mu mwaka wa mbere kugeza barangije kwiga amashuri abanza.

Kuri uyu wa Kane uruzinduko rwe yarukomereje mu karere ka Karongi aho yifatanyije n’ikigo cy’igihugu cy’imiyoborere RGB ubwo hatangizwaga ku mugaragaro gahunda yo gukangurira abantu gutanga serivisi nziza yiswe "Nk’uwikorera" Ni igikorwa cyarimo abayobozi benshi barimo na Minisitiri w’Intebe wari n’umushyitsi mukuru, hari ndetse n’abandi bayobozi batandukanye ari ab’intara ndetse n’ab’uturere dutandukanye. Mu ijambo rye, Miss Iradukunda Elsa yibanze ku byiza byo gutanga serivisi nziza anerekana ko ari ikintu kitagoye igihe cyose waba wishyize mu mwanya w’uje kugusaba serivisi.

Ubwo yajyaga i Rubavu kandi, Miss Iradukunda Elsa yahuye na Miss Uwitonze Sonia Rolland, umunyarwandakazi ufite ubwenegihugu bw’u Bufaransa ndetse wanaciye agahigo ko kwambikwa ikamba rya Miss France mu mwaka wa 2000. Miss Sonia yanavuze ko yishimira cyane intambwe umushinga wa Miss Rwanda umaze gutera.


INKURU ZA :
Tanga Igitekerezo
Ibitekerezo 8
Kabura J.Bosco Kuya 18-04-2017

Uyomukobwa Afise Akazina Keeeza Cane Arikowe Pu Ntaziriko

Rudibura Kuya 2-04-2017

Ni mwiza kandi afite izuru ry’Abagabo.

tasiana Kuya 1-04-2017

Utangiye neza komerezaho,nibyiza gufashabatishoboye God bless you

denyse Kuya 1-04-2017

ahhhh mutekerez ibyo ba miss bose bahize ntibabikore nukubizeza ibitangaza gusa reka dutegereze turebe ko haricyo azabarusha

denyse Kuya 1-04-2017

ahhhh mutekerez ibyo ba miss bose bahize ntibabikore nukubizeza ibitangaza gusa reka dutegereze turebe ko haricyo azabarusha

dos Kuya 31-03-2017

egoko,muransekeje pe,wasanga uriya wiyise cost Atari umufana we,ariko miss komereza aho turakwikundira mama,bene bariya ujye ubaca amazi wikomereze ibyawe

Ego Kuya 31-03-2017

Ego nkurikije ukuntu usebanyije ufite umutima mubi.kandi Imana ikubabarire ntuzongere urunva

cost Kuya 31-03-2017

ayayaaya!ariko rata uyumukobwa nimubi,uziko nari ntara mwitejyereza!ngo ni miss?ayiwe!nihajyire ufora agakoko basa uretseko we yitukuje naho ubundi ni foto copy yako neza neza,puuu!

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...