konka coffee
KONKA

AMAKURU

UKWEZI

Abafite ibirarane by’amazi ya WASAC batishyuye kagiye kubabaho

Abafite ibirarane by’amazi ya WASAC batishyuye kagiye kubabaho
1-06-2016 saa 19:00' | By Chief Editor | Yasomwe n'abantu 4226 | Ibitekerezo 2

Ikigo gishinzwe amazi n’isukura mu Rwanda kizwi nka WASAC kigiye kujyana mu nkiko abafatabuguzi bacyo bagera ku 15.000, kubera umwenda w’amafaranga y’u Rwanda asaga miliyari ebyeri (2.000.000.000) babereyemo iki kigo.

Ubuyobozi bwa WASAC, buvuga ko hari bamwe mu bafatabuguzi banze kwishyura amazi, bamwe barabafungira abandi bandikirwa amabaruwa abasaba ko bakwishyura ibirarane ariko bakomeza guterera agati mu ryinyo, hakaba hagiye kwitabazwa inkiko.

Umwenda wose iki kigo kiberewemo n’abaturage, ugera ku mafaranga y’u Rwanda miliyari enye (4.000.000.000) ariko abafite ibirarane bimaze amezi arenga atandatu kuzamura batishyura, nibo bishyuzwa asaga miliyari ebyiri, bakaba ari nabo bazajyanwa mu nkiko. Gusa iki kigo kivuga ko mu gihe abatabuguzi bakwibwiriza bakishyura, ikibazo cyakemuka nta nkiko zitabajwe.

Ubuyobozi bwa WASAC buvuga ko mu mpamvu zituma bagomba gushyira imbaraga mu kwishyuza ku ngufu z’amategeko abafatabuguzi bambuye iki kigo, harimo kuha ubugenzuzi bukuru bw’Imari ya Leta nabwo bushyira igitutu kuri WASAC ngo yishyuze aka kayabo.


INKURU ZA :
Tanga Igitekerezo
Ibitekerezo 2
Niyonsaba Francine Kuya 23-08-2016

Nanjye ndagushyigikiye rwose,amafuti nayabo,ntakuntu umuntu yamara amezi agera kuri atanu yarabuze abamubarira ngo namara kuba menshi azabishobore kandi yarakwiye kujya yishyura make.Bisubireho naho ubundi bazahorana ibirarane bidashira.Kandi iba abakozi babo barakananiwe bazagahe abandi kuko abashomeri nibenshi cyanee muri uru Rwanda!!!!!!

narumiwe Kuya 11-08-2016

ariko murasetsa koko! WASAC nibanze icishe umweyo mu bareleveurs bayo n’abandi bakozi kuko na bo ni indangae ntacyo bitaho. ntibareleva kuk gihe ni na yo mpamvu y’ibirarane.

nkanjye maze amezi atatu nsaba gukosorerwa facture bankoreye ikuye kabiri iyo nagombaga kwishyura. kuva mu kwa gatanu nsaba gukosorerwa kugeza ubu. njyayo nibura rimwe mu cyumweru bakambwira ngo ubishinzwe ntawe uhari, bakampa undi munsi w’icyumweru gikurikira, bityo bityo!
niba ngomba kwishyura hafi 300 000frws kdi atari njye njyenyine bimeze gutyo kdi atari uko nanze kwishyura, urumva mu ntara zose z’u Rwanda hari bangahe?

ubundi se ni gute bica facture y’umuntu bakamwishyuza badakurikije compteur?

rwose ubuyobozi bwa Wasac nabwo bugerageze gukurikirana abakozi bayo kuko biragayitse kwicara mu kazi ntutunganye ibyo ushinzwe kdi ugategereza umushahara w’ukwezi udatekereza ko uzava mu byo utari gukora.

banyamakuru mudutangire iki gitekerezo kigere no ku bayobozi, abakozi badatunganya akazi kabo bamenye ko ari bo bahombya leta.

murakoze.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...