konka coffee
KONKA

AMAKURU

UKWEZI

AMAFOTO: Irebere ubuzima busekeje bw’abo mu bwoko bw’aba Bodi batunzwe n’amata n’amaraso

AMAFOTO: Irebere ubuzima busekeje bw’abo mu bwoko bw’aba Bodi batunzwe n’amata n’amaraso
29-03-2017 saa 19:00' | By Vincent Nsengiyumva | Yasomwe n'abantu 30471 | Ibitekerezo 9

Bumwe mu bwoko bw’abantu bo muri Ethiopiya bwitwa Bodi, bukora ibintu bitangaje aho abagabo bo muri ubu bwoko bitabira amarushanwa ngarukamwaka yo kwishakamo umubyibuho ufatika, aya marushanwa agakorwa mu ntangiriro z’umwaka, aho abayitabira bafata amezi 6 yo kunywa amata n’amaraso y’inka ari byo gusa bibatunze kugirango babyibuhe bikabije.

Aya marushanwa ngarukamwaka yitabirwa n’abagabo bo mu miryango yo muri ubu bwoko bwa Bodi, amara amezi 6 yose aba bagabo binywera amata agikamwa (inshyushyu) ndetse n’amaraso y’inka mu rwego rwo gushakisha umubyibuho, mu gihe cyo gusoza irushanwa uwabyibushye kurusha abandi agahembwa kuba intwari muri ako gace maze akajya yubahwa na buri wese.

Daily Mail yakurikiranye imibereho n’imyitwariye y’abagabo bitabira aya marushanwa amara amezi 6 yose,yatangaje ko aba bagabo muri iki gihe cyose bataba bemerewe gutera akabariro ndetse ntibaba bakiba mu ngo zabo. Abagore n’abakobwa bo muri ubu bwoko bahabwa inshingano zo kuzajya bagemura amata aho amarushanwa aba arimo kubera buri gitondo.

Gusa n’ubwo nta gihembo gifatika gihabwa uwegukanye umwanya wa mbere muri aya marushanwa, ngo ahakura icyubahiro gikomeye ndetse bikamuhesha no gukundwa n’abagore bo muri ubu bwoko.

Iyo umwaka mushya ugiye gutangira, buri muryango utanga umusore utararongora, maze akitabira aya marushanwa igihe cyo gutangira cyagera akajya aho amarushanwa azabera kandi akayarangiza adakoze imibonano mpuzabitsina.

Umunyamakuru Eric Lafforgue wa Daily Mail wafashe amafoto aba bagabo bari mu marushanwa, yavuze ko abagabo bitabira aya marushanwa baba binywera amata ndetse n’amaraso y’inka buri munsi. Yakomeje avuga ko aya maraso bayanywa agishyushye bayatanguranwa kugirango atavura (adafata).

Gusa Guverinoma ya Ethiopiya ikunda kugaragaza ko idashyigikiye imigenzo y’imiryango yo mu bwoko bwa Bodi dore ko ifite na gahunda yo kwimura abasaga 300,000 bo muri ubu bwoko bakabakura aho batuye bakabatuza mu tundi duce tw’igihugu .

JPEG - 143.1 kb

Uku niko baba bameze bari mu marushanwa

JPEG - 158.5 kb
JPEG - 62.8 kb

Baba binywera amaraso y’inka agishyushye

JPEG - 180.4 kb

Aba bari mu myiyereko yo gusoza amarushanwa

JPEG - 131.1 kb

Uku niko babasiga ibintu iyo bagiye kwigaragaza basoje amarushanwa

JPEG - 93.5 kb

Abakobwa n’abagore bazindukira aho bakorera amarushanwa bagemuye amata agikamwa

Inka zirakomeretswa izindi zikabagwa kugira ngo babone amaraso banywa

Ubu bwoko bugira imigenzo n’umuco udasanzwe

JPEG - 51 kb
JPEG - 86.5 kb
JPEG - 119.5 kb

INKURU ZA :
Tanga Igitekerezo
Ibitekerezo 9
Mahoro Kuya 5-07-2017

Nyumvira nawe ngo uyu muco ntuzagere mu Rwanda, uyu ni umuco gakondo w’aba Bodi bo muri Ethiopia, iki gihugu nicyo muri Afrika kitigeze gikoronizwa, ariyo mpamvu hari abagikomeye kuri gakondo yabo, natwe kera mbere y’umwaduko bw’abazungu biberagaho bambara ishabure itwikira ku gitsina kubamaze kuba inkumi, ababyeyi bakambara inkanda ikoze mu ruhu rw’inka ndetse n’abagabo bubatse bakambara uruhu cg impuzu. icyo gihe bari bakomeye ku muco gakondo
None ubukoroni bwarababohoye ubusambanyi bufatwank’ibisanzwe, birarenga bigera no ku butinganyi, kwihekura tubigira umuco (umubyeyi akica umwana, umugabo akica umugore, umugore akica umugabo, umwana akica umubyeyi...) none abanze kuvangirwa babaye ikibazo, umva ko na Leta Ethiopia ishaka kubatatanya babimura kngo irebe ko uwo muco wabo wacika.
Icyo aba Bodi twabigiraho: gukomera ku muco wacu, ntibibe kuririmba ingagaciro na kirazira by’abanyarwanda bihera muri politiki nta ngamba zifatwa, nka TZ yafashe ingamba yo kurwanya ubutinganyi (uburyo bwo gusegasira umuco) naho twe tukananirwa gukora ibyihutirwa bibangamiye umuco wacu (kurwanya ibyonnyi) ahubwo tukajya guhindura imyandikire y’ikinyarwanda ngo tworohereze abanyamahanga kukivuga, none bo bakora iki ngo batworohereze kuvuga indimi zabo? Njye mbona u Rwanda rwacu rwarabaye isibaniro ry’ibibazo byinshi bigatuma n’ireme ry’uburezi hashira imyaka 23 ritajya mu buryo kubera kuvugaruzanya mu bitekerezo abana b’u Rwanda bagahera mu gihirahiro cyane cyane abakabishyize mu bikorwa abana babo batarebwa nizo gahunda (biga muri programs zihamye z’ibihugu byateye imbere).

pike Kuya 9-04-2017

sha kbs ndumiwe pee ubu ntabwo arubuzima

pike Kuya 9-04-2017

sha kbs ndumiwe pee ubu ntabwo arubuzima

J.Bosco Kuya 31-03-2017

uyu muco ntacyo utwaye mugihe cyabo ,kuko ushobora gusanga mumyaka 105 abadukomokaho ubu bazajya bagaya iyi mibereho yacu. bareba firme ziriho ubu bakazinenga.mwibuke aho somaliya igeze,mwibuke uko amrika yarimeze

x2 Kuya 30-03-2017

XXXX,
Uhumure rwose ntabwo iyi mico azagera mu Rwanda, yarahahoze kera ntabwo izagaruka. Niko bigenda mu bantu bose, ibi natwe byarahahoze ariko twagiye ku yindi ntambwe y’imyumvire, ntibizagaruka, ubu turahangana n’ibindi bibizo aba nabo badafite, bijyanye n’ibikenewe, bijyanye n’iterambere, dushaka ubu.

alphonse mvuyekure Kuya 30-03-2017

birarenze kbs

-xxxx- Kuya 29-03-2017

iyi mico turayamaganye ntizatugerere mu Rwanda

Mimi Kuya 29-03-2017

Aba bagabo se ubu bararongora bakabishobora nizi nda zingana gutya. Eehhhh!!! Kabisa jyewe umugabo uteye gutya sinamwemera, keretse aba gutya tubana.

dada Kuya 29-03-2017

Mama ndagushima Ko ndumunyarwanda.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...