konka coffee
KONKA

AMAKURU

UKWEZI

Inzoka yateje impanuka y’imodoka abantu 8 bahita bapfa

Inzoka yateje impanuka y’imodoka abantu 8 bahita bapfa
28-04-2017 saa 12:22' | By Vincent Nsengiyumva | Yasomwe n'abantu 24278 | Ibitekerezo 2

Kuri uyu wa Kane tariki 27 Mata 2017, mu gace ka Malili mu muhanda wa Nairobi - Mombasa muri Kenya habereye impanuka ikomeye y’imodoka itwara abagenzi yatewe n’inzoka yari muri uwo muhanda, abantu 8 bahita bapfa abandi 10 barakomereka bikomeye.

Bamwe mu barokotse iyi mpanuka bavuga ko yatewe n’uko uwari utwaye imodoka yabonye inzoka nini cyane mu muhanda maze agerageza kuyihunga ahita ata umuhanda agonga ikamyo yari ibari imbere maze 8 bahita bapfa abandi barakomereka bikomeye bajyanwa mu bitaro.

Elizabeth Mwongeli w’imyaka 28 warokotse iyi mpanuka, yabwiye ikinyamakuru The Nation ko ubwo bakoraga impanuka bagiye kumva bakumva shoferi wari ubatwaye avugije induru agira ati ‘Ikiyoka kinini!’ akimara kubivuga bumva aragonze maze bose bamera nk’abapfuye.

Yagize ati Iyi mpanuka yatewe n’inzoka. Twumvize Shoferi avuza induru agira ati ikiyoka ikiyoka, nibwo twahise twumva ari nk’aho isi iturangiriyeho tuyoberwa ibibaye, ubu njye nashidutse ndi hano mu bitaro.”

Yakomeje avuga ko ubwo uwo wari ubatwaye yavuzaga induru avuga ko abonye inzoka mu muhanda, yahise ayobya imodoka maze agongana n’igikamyo cyari mu muhanda.

Daniel Kiasya n’umukunzi we Christine Kitivo barokotse iyi mpanuka ariko bakaba barakomeretse bikomeye, bavuga ko bahuye n’iyi mpanuka ubwo berekezaga mu gace kitwa Kibwezi.

Zacharia Bitok uhagarariye urwego rwa Polisi mu gace ka Kilungu yemeje iby’iyi mpanuka anavuga ko hagishakishwa amakuru y’impamo ku cyaba cyateje iyi mpanuka ngo kuko binashoboka ko abatwara bagenderaga ku muvuduko wo hejuru.


Abantu 8 nibo baguye muri iyi mpanuka abandi 10 barakomereka


INKURU ZA :
Tanga Igitekerezo
Ibitekerezo 2
francois Kuya 13-05-2017

iyi mpanuka yabereye mu kihe gihugu

faustin nsanzimana Kuya 29-04-2017

POLE

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...