Ibitaro bya Kabgayi byarekuye umurambo byari byagwatirije, umuryango urushaho gushavura

Nyuma y’uko ikinyamakuru Ukwezi.com kibagejejeho inkuru y’uko ibitaro bya Kabgayi byari bimaze icyumweru bigwatirije umurambo bikawima umuryango ngo ujye kuwushyingura kuko bari babuze amafaranga yo kwishyura ubuvuzi nyakwigendera yakorewe, abantu benshi bagaye ibi bitaro cyane, nabyo ku bw’ipfunwe bihita byemera kuwurekura, gusa umuryango we waguye mu kantu urushaho gushavura.

Umugabo witwa Munyaneza Samuel yageze mu bitaro bya Kabgayi tariki 24 Kanama 2016, yoherejwe n’ikigo nderabuzima cya Shyogwe. Ageze muri ibi bitaro, yahamaze icyumweru kimwe maze mu ijoro ryo kuwa Gatatu tariki 31 Kanama 2016 aza gushiramo umwuka, ariko kugeza kuwa Gatatu tariki 7 ibi bitaro byari byanze kurekura uyu murambo ngo umuryango we ubanze ubone ubwishyu bw’amafaranga 154.400.

Uyu muryango utuye mu kagari ka Mbare mu murenge wa Shyogwe ho mu karere ka Muhanga mu Ntara y’Amajyepfo, wahise uhabwa umurambo nyuma gato y’uko ikinyamakuru Ukwezi.com gitangaje iyi nkuru yababaje abatari bacye.

Violette Nyiraminani, ni umugore wa nyakwigendera Munyaneza Samuel. Yatangarije ikinyamakuru Ukwezi.com ko umurambo w’umugabo we wari wafatiriwe mu bitaro bya Kabgayi aho wari umaze icyumweru, bawubonye bakaba baranamushyinguye kuri uyu wa Kane.

Nyiraminani Violette ariko, avuga ko icyamushenguye kurushaho, ari uko uyu murambo w’umugabo we bawumuhaye warangiritse bikongera kumutoneka mu bikomere yari asanganywe ku mutima, kuko yibeshyaga ko wenda uyu murambo waba warafashwe neza mu buruhukiro kuburyo utazangirika. Gusa avuga ko ubu yishimye mu mutima, kuko byibura we n’umuryango we n’inshuti babashije kwishyingurira nyakwigendera.

Uwizeyimana alice Kuya 15-09-2016

Ntimukajye murengera amakosa,ibitaro biba bigomba kwishyurwa wapfa cg wakize.nonese imiti bakoresha no niyubuntu ?gusa uwo muryango mubigaragara nta mituelle bagiraga kd ni abakene ndabazi.gusa jye mfushije UMUNTU mubitaro ntamafr NGO nishyure,namubarekera bakazamwihambira cg barambirwa bakazantumaho nkajya kumufata ariko sinashora urubanza NGO banyimye umurambo kd ntarimo no kubishyura amafr yabo.ahubwo sinzi nicyo uwo mugore yaburanaga,abandi iyi babonye ntako babigenza bashaka ago baca bagacika ibitaro bikazirwariza.

tedy Kuya 11-09-2016

Ubundi we barishyuza iki KO batamuvuye NGO akire ?Numva igihe badashoboye kuvura umuntu NGO akire batakagombye kwishyuza.None se baba bishyuza KO batanze uwuhe musaruro ?

uwera Kuya 10-09-2016

Bibaho rwose ko ubukene bubaho. Ariko na none tuzirikane ko ibya mukorewe ni services yagombaga kwishyurwa ntago biba byoroshye. Ntitwumve ko ba nyir, ugupfusha aribo bari mu kuri gusa. Nonese bo bamujyanye kwa muganga bazi ko ari ubuntu azavurirwa ? Uko birikose impande zombi zigomba kwitabwaho

CHRISTINE Kuya 9-09-2016

Gusa nikibazo gikomeye kireba umunyarwanda niba umuntu agira ikibazo nkicyo uboyobozi bushyira abaturage mubyiciro byubudehe ntibugire icyo bufasha umuntu nkuwo !

mukama Kuya 9-09-2016

Buri wese ntagahunge inshingano ze, ariya mafaranga arenga ibihumbi 140, ni menshi. kwishyuza nta kosa, inzego zose zijye zifashanya mugukemura ibibazo by’abaturage.

fifi Kuya 9-09-2016

Erega uwo mugore ibinyamakuru byamushyuhije nawe arashyuha ubwose arumva nta kosa yakoze ?ubwose ibitaro bigiye bireka abantu bakigendera amaherezo yaba ayahe ?abantu natwe tujye dushyira mu gaciro uretse service zo kwa muganga hari izindi muzi zitangirwa Ubuntu ?zo ko ibinyamakuru bidahurura ngo bivuze induru

keza Kuya 9-09-2016

kuba umuntu apfuye ntibivugako batagomba kwishyura ubuvuzi bwamukorewe namwe ntimukarenganye ibitaro !! nonese mutekerezako ariwe wambere ufatiriwe cg aruwanyuma !! abamuvuye imiti yakoreshwejwe byose si amafaranga ntitukikunde ahubwo ikibazo banyirumurambo bagombye kuba barerekanye ko ntabushobozi bafite ese ubwo bagiraga mutuel kugirango babace ayo frs yose !! urababara se ngo umurambo bawuguhaye wangiritse aho mushyize wowe urawungabunze !!! tujye tuba abanyakuri twe kugira aho duhengamira imiti igitanga byose birishyurwa ndetse nabaganga bamuvuye bagomba guhembwa kuko ntako batagize !! ahubwo njye numva inzega zibanze zagombye gukoresha ukuri ziha mutuel abatishoboye koko kuko ntekereza neza ko iyo aza kuba ayirimo frs aba atageze aho hose atari no kuburirwa ubwishyu kuko numugira neza yayatanga

Uwababyeyi Alexie Kuya 9-09-2016

Jyewe igitekerezo cyajye ndumva ibyobitaro byarakoze amakosa ntago bikwiye ko bakwimana umurambo kubera amafaranga.