Polisi y’u Rwanda yatangaje ko yataye muri yombi abagabo babiri bakekwaho kugonga ku bushake umuturage mu Murenge wa Ndera, Akarere ka Gasabo mu Mujyi wa Kigali

Abafashwe ni uwitwa Siboniyo Jean Baptiste na Ndacyayisenga Jean Paul bakekwaho ubufatanyacyaha mu kugonga k’ubushake Dukuzumuremyi Sudi.

Itangazo ryanyijijwe ku mbuga nkoranyambaga za Polisi y’u Rwanda rivuga ko “Ibi byabereye mu Murenge wa Ndera mu Karere ka Gasabo.”

Polisi itangaza kandi ko abakekwaho icyaha bafungiye kuri sitasiyo ya Polisi ya Ndera mu gihe iperereza ririmo gukorwa n’urwego rubishinzwe.

Mwiriwe,

Twafashe Siboniyo Jean Baptiste na Ndacyayisenga Jean Paul bakekwaho ubufatanyacyaha mu kugonga k'ubushake Dukuzumuremyi Sudi. Ibi byabereye mu Murenge wa Ndera mu Karere ka Gasabo.
1/2

— Rwanda National Police (@Rwandapolice) December 10, 2020