Haruna Niyonzima ari na we kapiteni w’Ikipe y’Igihugu Amavubi na Salomon Nirisarike, babaye aba mbere bakina hanze y’u Rwanda bageze mu mwiherero w’ikipe y’Igihugu yitegura imikino ibiri ifite muri uku kwezi.

Haruna Niyonzima usanzwe akina muri Young African yo muri Tanzania akaba ari na Kapiteni w’Amavubi, yabimburiye abandi dore ko ari we wageze mu Rwanda mbere.

Salomon Nirisarike usanzwe akina muri Armenia na we yaje akurikiye Haruna Niyonzima, bose bakaba bahise basanga bagenzi babo mu mwiherero.

Biteganyijwe ko abandi bakinnyi barimo Mukunzi Yannick ukinira Sandvikens IF yo muri Sweden, rutahizamu Kagere Meddie ukinira Simba SC muri Tanzania, na bo bazagera mu Rwanda muri iki cyumweru kugira ngo bakorane imyitozo na bagenzi babo mbere y’uko bakina umukino wa mbere uteganyijwe mu cyumweru gitaha.

Amavubi afite imikino ibiri ; uzayahuza na Mozambique tariki 24 Werurwe 2021 uzabera i Kigali n’undi uzaba tariki 30 Werurwe, uzayihuza na Cameroon wo ukazabera muri Cameroon.

UKWEZI.RW