Mu gitondo cyo kuri uyu wa Gatandatu tariki 17 Werurwe 2018, nibwo ikipe ya Rayon Sports iherekejwe n’ubuyobozi bwayo bahuriye ku Kibuga cy’indege cya Kigali i Kanombe aho barahaguruka Saa tatu n’iminota cumi n’itanu berekeza muri Afurika y’Epfo aho bategerejwe n’urugamba rukomeye mu mukino wo kwishyura uzabahuza na Mamelod Sundowns mu mikino ya Total CAF Champions League.

Aya makipe yombi azacakirana kuri iki Cyumweru tariki 18 Werurwe 2018, Saa moya z’ijoro za hano I Kigali, mu gihe umukino ubanza wabereye I Kigali amakipe yombi akaba yarawurangije anganya ubusa ku busa

Mu baherekeje iyi kipe ntabwo harimo umutoza w’abazamu Nkunzingoma Ramadhan wabuze ibyangombwa by’inzira, umutoza Lomami Marcel nawe ntabwo yajyanye n’iyi kipe yageze ku kibuga cy’indege cya Kanombe ahagana saa kumi n’ebyri za mu gitondo.

Abakinnyi 18 bahagurukanye I Kigali na Rayon Sports ni Bimenyimana Bonfils Caleb, Irambona Eric, Kwizera Pierrot, Manzi Thierry, Mugabo Gabriel, Mugisha Francois Master, Mukunzi Yannick, Mutsinzi Ange, Ndayisenga Cassim, Ndayishimiye Eric Bakame, Niyonzima Olivier Sefu, Nyandwi Sadam, Ismaila Diarra, Rutanga Eric, Mbondi Christ, Usengimana Faustin, Shaban Hussein Tchabalala, Muhire Kevin,

Abatoza ni Ivna Jacky Minnaert, Janot Witakenge, Hategekimana Cornelle ushinzwe kongerera ingufu abakinnyi , Mugemana Charles umuganga, Kayiranga Albert uhagarariye FERWAFA, Itangishaka Bernard umunyamabanga uhoraho ndetse na Muhirwa Prosper Visi Perezida.