konka coffee
KONKA

AMAKURU

UKWEZI

Bombori bombori mu kigo cy’amashuri cy’Abanyekongo giherereye i Gikondo

Bombori bombori mu kigo cy’amashuri cy’Abanyekongo giherereye i Gikondo
14-09-2017 saa 10:12' | By Akayezu Jean de Dieu | Yasomwe n'abantu 3998 | Ibitekerezo 1

Hari ukutavuga rumwe ku izamurwa rikabije ry’amafaranga y’ishuri hagati y’ubuyobozi n’ababyeyi barerera mu kigo cy’ishuri rizwi nk’iry’Abanyekongo riri i Gikondo mu mujyi wa Kigali, bikaba byateje impagarara zikomeye hagati y’impande zombi kugeza ubwo ababyeyi batakambira inzego bwite za Leta y’u Rwanda ifatanyije na Ambasade y’igihugu cya Repubulika Iharanira Demukarasi ya Kongo mu Rwanda, iyi ambasade bakaba bayishinja guterera agati mu ryinyo nyuma yo kugezwaho iki kibazo aho kugishakira umuti ikabatererana.

Groupe Scolaire Consulaire Congolais de Kigali, Ikigo cy’ishuri cy’Abanye Congo gikorera mu Mujyi wa Kigali, mu karere ka Kicukiro, mu murenge wa Kigarama, mu kagari ka Rwampara mu mudugudu wa Karugira, kiravugwamo umwuka wo kutumvikana hagati y’ababyeyi barerera muri iki kigo n’ubuyobozi bwacyo nyuma y’uko umuyobozi w’iki kigo afashe umwanzuro wo kuzamura amafaranga y’ishuri akava ku 26.000Frw akagera kuri 36.000Frw ku banyeshuri bo mu mashuri y’incuke n’abanza naho ku mashuri yisumbuye amafaranga y’ishuri yavuye ku mafaranga 52.000Frw agera kuri 66 000Frw bivuze ko aha hongeweho 14.000 Frw.

Umwe mu babyeyi barerera muri iki kigo ufitemo abana batatu yabwiye ikinyamakuru Ukwezi.com ko kugeza ubu babangamiwe n’iri zamurwa ry’amafaranga y’ishuri anavuga ko byabagizeho ingaruka zikomeye cyane ko nk’ubu uyu we batasubiye ku ishuri kuko nta mikoro yabasha kubona. Uyu mubyeyi kandi akomeza avuga ko Ambasade yabo yananiwe kubumva bifuza ko Leta y’u Rwanda yabafasha iki kibazo kigakemuka.

Iki kibazo bakigejeje kuri Ambasade ya RDC ikorera hano mu Rwanda inshuro 4 nta gisubizo bahabwa.

Perezida w’inama y’ababyeyi muri iki kigo, Biyongozi James, nawe uvuga ko afite abana 5 arerera muri iki kigo, ahamya ko atigeze agishwa inana ndetse ko nta n’inama y’ababyeyi yigeze iba igendanye no kwemeza iby’iri hindurwa rya minerivali.

Uyu muyobozi kandi yabwiye Ukwezi.com ko bagerageje gusaba ubuyobozi bw’ikigo ko bwagirana inama n’abagize komite y’inama y’ababyeyi cyane ko ari nako amategeko avuga ariko ubu buyobozi bwabateye utwatsi bigera n’ubwo bafashe umwanzuro wo kuza kuri iki kigo gukora inama y’abagize komite ariko ubuyobozi bw’ikigo bwanze kubafungurira imiryango inama bayikorera hanze y’urupangu rw’iki kigo

James yagize ati “Iki kibazo kiraduhangayikishije ku buryo bukabije cyane ko ibintu Diregiteri yakoze yabikoze wenyine none ababyeyi bose bararakaye kuko mu nama rusange bakoze mu kwezi kwa gatanu umwaka ushize bari basabye ko mu mashuri y’incuke n’abanza hakongerwaho ibihumbi bitanu gusa nayo agahabwa abarimu nk’agahimbazamusyi ariko ibi byose umuyobozi w’ikigo yabirenzeho arangije yikorera ibye yandika itangazo rigaragaza ko ibiciro by’amafaranga y’ishuri byahindutse anemeza ko inama yakorewe kuri Ambasade ariko muby’ukuri arabeshya ari naho twahise dufata umwanzuro wo kujya ku ishuri gukorerayo inama y’ababyeyi ngo iki kibazo gikemuke ariko twagezeyo banga kudufungurira inama tuyikorera hanze y’ikigo (ibi byabaye mu kuwa Gatanu w’Icyumweru gishize)”

Perezida w’inama y’ababyeyi muri iki kigo, Biyongozi James nawe avuga ko icyemezo cyafashwe atagishijwe inama/Photo:Ukwezi

Inyandiko Ikinyamakuru Ukwezi.com gifitiye kopi zigaragaza ko abahagarariye ababyeyi bageze kuri Ambasade ya Repubulika Iharanira Demokarasi ya Kongo mu Rwanda ndetse bakanashyirirwaho imikono yerekana ko ubutumwa bwabo bwageze aho bugomba kugera ariko kugeza ubu nta gisubizo bahawe.

Umuyobozi w’ikigo ategereje itegeko riturutse kuri Ambasade kugirango avugane n’itangazamakuru

Ubwo umunyamakuru wa Ukwezi.com yageraga ahari iki kigo mu murenge wa Rwampara, Jean Maurice Masengesho Burasa ari we muyobozi w’iki kigo ushinjwa uku kuzamura ibiciro atagishije inama abafatanyabikorwa, yatwemereye kumuvugisha ariko aduhakanira kumufata amajwi n’amafoto cyane ko mu byo yadutangarije harimo ko kugirango abashe kugira icyo avuga mu itangazamakuru abanza kwaka uburengenzira kuri Ambasade yabo.

Nimero za Telefone igendanwa yaduhaye z’Umunyamabanga muri iyi Ambasade nazo twagerageje kuzihamagara inshuro zigera kuri 10 kugeza ubwo twatunganyaga iyi nkuru atarasubiza n’ubutumwa bugufi twamwandikiye tumusaba kutuvugisha ntibwasubijwe.

Iri shuri kuri ubu abarirereramo bararira ayo kwarika basaba ko Leta y’u Rwanda ifatanije na Amabasade ya DR Congo yabatabara/Photo :Ukwezi Uyu ni umwe mu babyeyi barerera muri iki kigo nawe uvuga ko abana be batatu batakijya ku ishul kubw’amafaranga y’ishuli yiyongeye akaba nta mikoro n’ubushobozi bwo kuyabona afite


INKURU ZA :
Tanga Igitekerezo
Ibitekerezo 1
Papa Raissa Kuya 15-09-2017

Aba ni abo gushaka guharabika u Rwanda ahubwo minisiteri ibishinzwe ikurikirane hakirikare

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...