konka coffee
KONKA

AMAKURU

UKWEZI

NAEB mu rugamba rwo gukangurira abanyarwanda kunywa kawa

NAEB mu rugamba rwo gukangurira abanyarwanda kunywa kawa
22-09-2017 saa 08:39' | By Akayezu Jean de Dieu | Yasomwe n'abantu 804 | Ibitekerezo

Mu gihe umubare w’abanywa kuri kawa ihingwa hano mu Rwanda ukiri ku kigero cyo hasi ndetse bamwe mu banyarwanda bakaba barishyizemo umuco w’uko iawa ar’iyabazungu, kuri ubu binyuze mu bukangurambaga buri kugenda bukorwa hirya no hino mu Rwanda n’ikigo cy’igihugu gishinzwe guteza imbere ibyoherezwa mu mahanga bikomoka ku buhinzi n’ubworozi (NAEB), bamwe mu baturage bamaze gusobanukirwa akamaro ko kunywa ibiva mu musaruro wabo.

Nyuma yo kuva mu turere twa Nyaruguru na Muhanga, ubu bukangurambaga buri ukorwa na NAEB bwakomereje mu Kuri uyu wa Kabiri, Tariki ya 19 Nzeri 2017, mu Murenge wa Muhura, akarere ka Gatsibo aho abaturage bo muri aka karere gasanzwe gafatwa nka tumwe mu tuza imbere mu gihinga iki gihingwa cya kawa aho kuri ubu gafite hafi kimwe cya kabiri cya kawa ihingwa mu gihugu cyose.

Bamwe mu bahinzi ba kawa muri aka karere baganiriye n’ikinyamakuru Ukwezi.com bavuze ko nabo batari basanzwe banywa kuri kawa n’ubwo bayihinga. Bashima iyi gahunda ya Leta yo kubafasha mu buryo bwo gutunganya ikawa bwiza kandi buciriritse aho bazajya batunganya kawa itabanje kunyura mu nganda.

Bwiruka Silas utuye mu kagari ka Mamfu, umurenge wa Muhura muri aka karere yavuze ko ari ubwa mbere anyoye kuri iyi kawa. Ati “rwose mfite ikawa 582 ariko ntabwo ndanywa kuri kawa , impamvu ni uko iyo nzisaruye mpita nzijyana kuzigurisha ku ruganda”

Uwitwa Tuyisenge Marie Chantal yagize ati “Ni ubwa kabiri nyoye ku ikawa n’ubwo nsanzwe ndi umuhinzi wayo, gusa ubwa mbere nayinyoye ku ruganda aho nakoraga, gusa banatwigishije kuyikora aho batubwiye ko tuyikaranga twamara kuyikaranga tukayisekura ubundi ukayanika yamara kuma ukayiyungurura ukayitekamo icyayi ukanywa”

Munyankera Pontien, Umuyobozi ushinzwe kurwanya ibyonnyi muri NAEB avuga ko impamvu y’ubu bukangurambaga ari ugushishikariza abanyarwanda gukunda kawa yabo no kuyikorera neza batana kandi n’umuco wo kumva ko ikawa izaba iyo kunyobwa n’abazungu cyane ko baba bavuga ihenda.

Uyu muyobozi kandi yavuze ko iyo bari muri ubu bukangurambaga barebera hamwe urugendo rwa kawa y’u Rwanda n’umusaruro wayo ahanini harebwa ku byiza iba imaze kugeza kubahinzi bayo n’igihugu muri rusange.
Munyankera Pontien, Umuyobozi ushinzwe kurwanya ibyonnyi muri NAEB Abayobozi bafatanije n’abahinzi ba kawa mu karere ka Gatsibo mu gikorwa cyo gukorera no gusasira kawa Nyuma yo gukangurira abaturage kunywa kuri kawa biyezereza, Abayobozi basangiye n’abahinzi ku ikawa y’ u Rwanda


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...