konka coffee
KONKA

AMAKURU

UKWEZI

Rulindo: Umugabo yishe umwana wa mukuru we amujombaguye ibyuma mu mutwe

Rulindo: Umugabo yishe umwana wa mukuru we amujombaguye ibyuma mu mutwe
13-09-2017 saa 10:26' | By Vincent Nsengiyumva | Yasomwe n'abantu 5367 | Ibitekerezo 6

Umugabo witwa Gatera Aime wo mu mudugudu wa Gatwa Akagari ka Bubangu Umurenge wa Murambi mu Karere ka Rulindo, yishe umwana w’imyaka 2 wa mukuru we amujombaguye ibyuma. Bivugwa ko uyu mugabo yari afite ikibazo cyo mu mutwe.

Mu gitondo cy’uyu wa Gatatu tariki ya 13 Nzeri nibwo uyu mugabo witwa Gatera Aime yishe umwana wa mukuru we ubwo yamusangaga mu rugo iwabo akamutera icyuma nk’uko bitangazwa n’abaturage bo muri aka gace.

Uyu mugabo Gatera ngo ubusanzwe yari afite imyitwarire idahwitse kuko mu minsi ishize aheruka gutema undi muntu witwa Mwiririza Jean de la Croix kugeza magingo aya uyu watemwe akaba akiri mu bitaro aho ari kuvuzwa.

Umuturage witwa Uwamahoro Christine yabwiye ikinyamakuru Ukwezi.com ko uyu mugabo Gatera wo mu kigero k’imyaka 30 ubyarwa na Wilson ndetse na Viviane yishe umwana wa mukuru we ndetse mu minsi ishize akaba yari aherutse gutema undi muntu.

Yagize ati “Nibyo koko mu gitondo cyo kuri uyu wa Gatatu umugabo witwa Gatera yishe umwana wa mukuru we amuteye icyuma.Yari aherutse gutema musaza wanjye ubu nawe aracyari mu bitaro.”

Bivugwa ko uyu mugabo yigeze kugira ikibazo cy’ihungabana biturutse ku bibazo byavutse mu muryango wabo bitewe n’ubushyamirane bagiranye kubera amasambu.

Abayobozi b’umudugugu bagejejweho ikibazo cy’uyu mugabo bavuga ko ngo nabo bamutinya kuko agendana ibyuma ( imihoro n’amacumu) n’ibindi bishobora kwangiza umuntu.

Umuyobozi w’uyu mudugudu wa Karwa, Nkurijimana Aimable yemeje amakuru y’ubu bwicanyi avuga ko uyu Gatera Aime wishe umwana wa mukuru we yari asanzwe afite ikibazo cyo mu mutwe.

Yagize ati " Gatera Aime yari asanzwe afite ikibazo cyo mu mutwe, ahagana nka saa mbili n’iminota 2 nibwo yagiye iwabo agezeyo arwana na mushiki we aranamukomeretsa ku gutwi, ubwo mushiki we yavugije induru ahita yiruka maze ageze ku irembo asanga akana ka mukuru we kicaye kari kurya agakubita ibintu by’ibyuma yagendanaga maze akana gahita gapfa."

Uyu muyobozi w’umudugudu yavuze ko akibimenya yahise ahamagaza ingabo na polisi maze baraza basanga Gatera aho yari yihishe mu kizu yabagamo bamukuramo, ubu akaba ari kuri sitasiyo ya polisi ikorera muri uyu murenge wa Murambi.


INKURU ZA :
Tanga Igitekerezo
Ibitekerezo 6
MUYOBOZI Kuya 20-09-2017

ABOBAYOBOZI BAREBERA IBINTU NKIBYO NTACYO BAMARIYE ABOBAYOBORA NIBA BAMUTINYA BABIBWIYE YE NDE KUKI BATABIMENYESHIJE ABABRUSHA UBUBASHA KUGEZA AHO UYU MUZIRANENGE AHASIZE UBUZIMA KOKO NGIRANGO NOKWIRENGAGIZA INSHINANO NI ICYAHA NABO BAKURIKIRANYWE NTACYO BAMAZE

Indatwa Forv Kuya 19-09-2017

Uwo Mugabo Ahanwe Byemewe Ntamategeko Kabisa.

Hirwa Kuya 14-09-2017

Bafunge ingegera burundu y’umwihariko ireke kwitwaza uburwayi,ubundi c yamarira iki igihugu kirwaye usibye guhekura igihugu gusa,asyiiii biteye umujinya mugishiremo burundi y’umwihariko kive mubantu icyo kigoryi gitera abantu agahinda,uwakinyereka nkakica wenda nkafungwa kuko birambabaje kbsa umwana wa 2 ans azira ubusa kubera urwo rukaritasi bajenjekeye.asyiiiiiiiii puuuuu.

mufunge Kuya 13-09-2017

mufunge ingegera ntiyitwaze ngo yarasaze nukwisharisha

Theo. Kuya 13-09-2017

Murambi Si Muri Gicumbi. Ni Rulindo Mukosore Iyi Nkuru.

Nshuti Kuya 13-09-2017

Oya ntibyumvikana,abayobozi ngo baramutinya?No,kuki batamushyikiriza inzego z’umutekano se ngo aryozwe ibyo akora?Ngo ni uguhungabana?Noneho abahunganye tubareke bakore ibyo bashaka ngo nihungabana kugeza aho umuntu atema undi bakamureka,akongeraho no kwica umwana kugirango yerekane ubudahangarwa bwe!Guhera kubayobozi binzego zibanze babaze impamvu mudatanga reports zumutekano kdi nuwo muginga ntasigare.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...