konka coffee
KONKA

AMAKURU

UKWEZI

Gusura inzibutso ni intwaro ishobora kurandura ingenganbitekerezo ya Jenocide

Gusura inzibutso ni intwaro ishobora kurandura ingenganbitekerezo ya Jenocide
13-05-2017 saa 17:40' | By Vincent Nsengiyumva | Yasomwe n'abantu 264 | Ibitekerezo

Abaturage bo mu mudugudu wa Nyakabungo akagari ka Kagugu umurenge wa Kinyinya basuye u Rwibutso rwa Jenocide rwa Kigali ruri ku Gisozi, bunamira imibiri y’Abatutsi bahashyinguye, banasobanurirwa amwe mu mateka yaranze u Rwanda mu gihe cya Jenocide. Nyuma yo gusura uru rwibutso abaturage bo muri uyu mudugudu basanze buri wese afashe umwanya agasura urwibutso ingengabitekerezo yacika burundu mu banyarwanda.

Kuri uyu wa Gatandatu nibwo abaturage basaga 200 bo mu mudugudu wa Nyakabungo basuye uru rwibutso maze bunamira inzirakarengane zigera ku bihumbi 250 bahashyinguye.

Umuyobozi w’umudugudu wa Nyakabungo, Kabayiza Emmanuel, yavuze ko abaturage aribo bagize igitekerezo cyo gusura u Rwibutso rwa Kigali ruri ku Gisozi mu rwego rwo kuhigira amateka.

Yagize ati “Abaturage bagize igitekerezo cyo kuza kwigira amateka hano ku rwibutso, maze nk’ubuyobozi tubafasha kubitegura. Ni byiza kuza kwigira ku mateka kandi nizeye ko bahakuye amasomo akomeye azabagirira akamaro.”

Bamwe mu baturage baje gusura uru rwibutso bavuze ko bahakuye amasomo atandukanye aho bagaragazaga ko amateka ahabitse yerekana neza ishusho nyayo y’ibyabaye mu Rwanda.

Umusaza Mpirimbanyi Deogratias yavuze ko gusura inzibutso bituma abantu barushaho kumenya neza Jenocide yakorewe abatutsi mu Rwanda, bakamenya uko yateguwe ndetse n’uko yashyizwe mu bikorwa kugeza ubwo itwaye inzirakarengane z’abatutsi zisaga Miliyoni.

Aba baturage bo muri uyu mudugudu bakomeje bavuga ko umuntu wese ugeze ku rwibutso agasobanurirwa amahano yabaye mu Rwanda mu 1994 ndetse akanabona bumwe mu bwicanyi ndengakamere bwakorewe abatutsi ngo n’iyo yaba afite ingengabitekerezo ntiyayitahana kubera inyigisho buri wese ahakura.

Abaturage banaboneyeho gushishikariza buri wese gufata umwanya agasura inzibutso ngo kuko zibitsemo amateka akomeye ashobora kubafasha gusobanukirwa aho u Rwanda rwavuye maze bakamenya n’icyerekezo kizima bagomba gufata.

Babanje gukora urugendo rwo kwibuka

Bakigera ku rwibutso bahawe ikaze n’abashyinzwe kwakira abasura uru rwibutso rubitse amateka akomeye

Basuye ibice bitandukanye bigize urwibutso ari nako bagendaga basobanurirwa amateka atandukanye

Nyuma yo gusura urwibutso bajyanye indabo ku mva ziruhukiyemo inzirakarengane
Umuyobozi w’umudugudu ndetse n’abandi batandukanye bashyira indabo ku mva


Biboneye amashusho n’amafoto agaragaza uburyo Jenocide yateguwe ndetse n’uburyo yashyizwe mu bikorwa


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...