konka coffee
KONKA

AMAKURU

UKWEZI

Menya igisobanuro cy’ivara Madamu Jeannette Kagame yambaye i Vatican

Menya igisobanuro cy’ivara Madamu Jeannette Kagame yambaye i Vatican
23-03-2017 saa 21:47' | By Chief Editor | Yasomwe n'abantu 37295 | Ibitekerezo 9

Ubwo Perezida wa Repubulika y’u Rwanda, Paul Kagame, yajyaga i Vatican ari kumwe na Madamu Jeannette Kagame na Minisitiri w’Ububanyi n’amahanga n’ubutwererane, Madamu Louise Mushikiwabo, abantu benshi bibajije ku mwambaro Madamu Jeannette Kagame na Madamu Louise Mushikiwabo bari bambaye mu mutwe. Hari abatari bacye bagiye basaba Ikinyamakuru Ukwezi.com ibisobanuro kuri iyi myambaro, tukaba twabakoreye ubushakashatsi ku bisobanuro byayo n’abayambara abo ari abo

Ubusanzwe imyenda imeze nk’umwitandiro cyangwa se ivara yambarwa i Vatican ku bantu bagiye kubonana na Papa, irimo amoko abiri. Hari imyambaro y’ibara ryera yambarwa n’abagore barindwi gusa ku isi, ndetse n’imyambaro y’umukara yambarwa n’abandi banyacyubahiro. Ikidashidikanywaho cyo ni uko abayambara bose ari abagore b’abanyacyubahiro, dore ko kubonana na Papa ubwabyo ari ibintu bitapfa gushobokera buri wese.

Abambara umweru ni abagore barindwi (7) gusa ku isi, batoranyijwe ko ari abamikazi cyangwa abagore b’ibikomangoma, ariko bakaba bafite umwihariko ko ari abayoboke ba kiliziya gatolika bya nyabyo, mbese ko ari abemera gatolika b’abanyacyubahiro barusha abandi kugaragaza ukwemera kandi ibyo bemera bijyanye n’ukwemera gatolika bakabishyira mu bikorwa.

Abambara imyeru ni Umwamikazi w’u Bubiligi uriho ubu ndetse n’umwamikazi wacyuye igihe, Umwamikazi wa Espagne uriho ubu n’umwamikazi wacyuye igihe, Igikomangomakazi cya Naples, Umwamikazi wa Luxembourf n’umugore w’Igikomangoma cya Monaco. Aba bakaba bagomba kuyambara ariko bakipfuka mu mutwe kubera ikimenyetso cyo kwiyoroshya imbere ya Papa.

JPEG - 49.4 kb
JPEG - 745.7 kb

Aha umwami Philippe w’u Bubiligi yari kumwe n’umwamikazi Mathilde basuye Papa i Vatican. Uyu mwamikazi yari yambaye ivara ry’umweru

Ibara ry’umweru n’andi mabara aranga liturujiya ya gatolika agira igisobanuro gikomeye: Umweru ni ibara rya Nyagasani, ibara risobanura kutagira ubwandu. Mu ndimi z’amahanga babisobanura bagira bati: "White symbolizes purity, holiness, and virtue, as well as respect and reverence". Usibye kuba ari ibara ry’ubutungane ryagenewe Nyagasani, Umushumba wa Kiliziya nk’Intumwa ya Mutagatifu Petero (Saint Pierre) na we yambara umweru kuko ni umuhuza w’Isi n’ijuru (Pontife) nk’uko abemera kiliziya gatolika babyemera.

Abandi bagore n’abakobwa bose bo hirya no hino ku isi, bambara umukara, bakipfuka mu mutwe nk’ikimenyetso cy’uko ari abantu biyubashye ariko barangwa no kwiyoroshya ndetse no kwicisha bugufi. Iyi myambaro izwi ku bagore benshi biyubashye ku isi, ndetse uyambitswe n’ubwo biba bigaragaza ko yicishije bugufi, binagaragaza icyarimwe ko yiyubashye ariko yemeye kwiyoroshya.

JPEG - 531.5 kb
JPEG - 1010.9 kb
JPEG - 455.8 kb
JPEG - 735.5 kb

Madamu Jeannette Kagame na Minisitiri Louise Mushikiwabo bambaye uyu mwambaro umeze nk’ivara ubwo bajyaga i Vatican


Tanga Igitekerezo
Ibitekerezo 9
matsiko friday Kuya 28-03-2017

Very sorry!!! ni "UKWEZI" si "UMUSEKE"; ni ugucanganyikirwa!!!!
Mwakoze guhitisha igitekerezo.

matsiko friday Kuya 28-03-2017

Murakoze cyane "UMUSEKE" ku bushakashatsi mwakoze kuri iyi ngingo.
BigaraGARE ko Abayisilamu bafite imigenzo myiza cyane abandi batagira: kwitandira, gutawaza, n’iyindi myinshi. Byaba byiza n’abandi tugiye tuyigana, kuko kwigana ibyiza ntacyo bitwaye.

Gabriel Kuya 27-03-2017

Murakoze kurubu bushakahatsi. Ikibazo: kubera iki umugore agomba kwiyubaha no kwicisha bugufi imbere ya papa gusa ? mu yindi minsi no mubuzima busanzwe ntibabyemerewe? Ese abayisiramukazi babihorana ibihe byose ntibari mukuri?

sindikubwabo fidele Kuya 24-03-2017

Mana we padiri board imani ikomeze imufashe mu butumwa akora bwiza. Mademe WA perezida na mistiri Wacu rose mushikiwacu imana ibakomeze murugendo barimo I Vatican.

claumazi@yahoo.fr Kuya 24-03-2017

Thank you ntabwo twari dusobanukiwe noneho turabimenye. Ibi nibyo byiza byo kugira ikinyamakuru gusubiza ibibazo by’abaturage.

claumazi@yahoo.fr Kuya 24-03-2017

Thank you ntabwo twari dusobanukiwe noneho turabimenye. Ibi nibyo byiza byo kugira ikinyamakuru gusubiza ibibazo by’abaturage.

BYIZA Kuya 24-03-2017

murakoze cyane kurubwo busesenguzi mudukoreye nanjye byari byancanze. ndunva aba islam barii mukuri

Mucyo Aloys Kuya 24-03-2017

Ubu bushakashatsi mwakozi kuri iyi myenda ni bwiza, buratanga amakuru arambuye. Mukomereze aho!

xvgg Kuya 24-03-2017

Murakoze kuri ubwo bushakashatsi mudukoreye. Ikinyamakuru cyigisha turagikunda.
Ubutaha muzadukorere ubushakashatsi kuri ya Nkoni igenda imbere mu gihe cy’umutambagiro w’abarimu ba kaminuza iyo bagiye muri graduation z’abanshuri barangiza kaminuza. Murakoze.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA