konka coffee
KONKA

AMAKURU

UKWEZI

Umuvugabutumwa wa ADEPR ari mu mazi abira, ibye byenda gutezwa kubera Dove Hotel

Umuvugabutumwa wa ADEPR ari mu mazi abira, ibye byenda gutezwa kubera Dove Hotel
10-02-2017 saa 14:01' | By Chief Editor | Yasomwe n'abantu 20735 | Ibitekerezo 28

Umuvugabutumwa (Evangeliste) Nsengimana Juvenal wo mu itorero rya ADEPR muri Paruwase ya Muyange mu karere ka Nyagatare, ndetse n’umugore we w’umudiyakoni muri iri torero, bari mu mazi abira ndetse benda guterezwa cyamunara bitewe n’umwenda batse kugirango habashe kuboneka umusanzu wo kubaka hoteli Dove yo ku Gisozi, uwo musanzu ukaba ari uwo ubuyobozi bwa ADEPR bwari bwaragennye ko abayoboke bo hirya hino mu gihugu bazatanga kugirango inyubako yuzure.

Nk’uko Nsengimana Juvenal utuye mu murenge wa Rwimiyaga muri Nyagatare yabihamirije ikinyamakuru Ukwezi.com, itorero rya ADEPR mu mudugudu wa Rukiri ryamusabye ko yarifasha kubona inguzanyo y’amafaranga baburaga kugirango buzuze ayo bari barasabwe nk’umusanzu wo kubaka Hoteli Dove ya ADEPR iri ku Gisozi, umugore we ahita afata inguzanyo mu ishyirahamwe ABISHYIZEHAMWE none ayo mafaranga amugeze kure kuburyo banamwihangirije ko bazamurega bagaterezwa cyamunara.

Tariki 14 Mutarama 2017, Ishyirahamwe ABISHYIZEHAMWE ryandikiye Mukamana Goreth, umugore wa Nsengimana Juvenal, babishyuza kandi babamenyesha ko barengeje igihe cyo kwishyura, bahita banahabwa itariki ya nyuma yo kuba bamaze gukemura ikibazo bitaba ibyo hakwitabazwa ubuyobozi bwite bwa Leta. Muri iyi baruwa Ukwezi.com dufitiye kopi, iri shyirahamwe rivuga ko batagomba kugeza tariki 14 Gashyantare 2017 batarishyura, nyamara Nsengimana Juvenal we avuga ko aya mafaranga batabasha kuyabona.

Mu ibaruwa dufitiye kopi Nsengimana Juvenal yandikiye umushumba wa Paruwasi ya Muyange tariki 15 Mutarama 2017, atakamba ngo bamutabare, yagaragaje mu by’ukuri uko ikibazo giteye ndetse n’icyo yifuza ko bamufasha. Muri iyi baruwa n’umugore we yasinyeho, agira ati: "Nk’uko biri mu mpamvu y’ibaruwa, tubandikiye dusaba itorero kudutabara kubera ikibazo dufite kidukomereye cyane. Ni ikibazo gifitanye isano n’umusanzu wa Gisozi (Dove Hotel), mu gihe watangwaga twafatiye umudugudu wa Rukiri umwenda ungana n’amafaranga ibihumbi magana acyenda (900.000 frw) yunguka 5%, twayafashe mu ishyirahamwe ABISHYIZEHAMWE.

Mu bwumvikane bwacu n’umufasha wanjye, twatanze ingwate; iyo ngwate ikaba ari inzu n’isambu, twishyizeho n’izo nyungu. Twatekerezaga ko ari igikorwa kitazarenza amezi atatu tukishyura inyungu nkeya zishoboka, none inyungu zimaze kugera ku mafaranga 648,656 frw bitewe no kutishyura neza, bikaba rero birenze ubushobozi bwacu. Akaba ari yo mpamvu tubandikiye nk’uko tutahwemye kubibabwira, kandi ntagikozwe bagurisha umutungo wari ugize umuryango, bityo njyewe n’umuryango wanjye tukajya mu kaga gakomeye. Twizeye ko mwasubiza amaso inyuma mukibuka umurava, ishyaka n’ubutwari twerekanye tugaragaza ko dukunze inzu y’Imana no guhesha ishema itorero ryacu n’ubuyobozi bwaryo, mukadukorera ubutabazi umutungo wacu utazatezwa cyamunara. Tubibutse ko iyo nguzanyo twayifashe tariki 14/05/2016. Dusoje tubashimira."

Mu kiganiro ikinyamakuru Ukwezi.com cyagiranye n’uyu muvugabutumwa, Nsengimana Juvenal, yadutangarije ko nyuma y’igihe iki kibazo cyaramubanye urusobe, ubu noneho amerewe nabi kuko habura iminsi mbarwa ngo itariki ntarengwa yahawe igere. Gusa avuga ko nyuma y’uko bimaze gusakuza, ubuyobozi bukuru bwemeye ko ku Cyumweru tariki 12 Gashyantare bashobora kuyashakisha bakamugoboka, akaba ategereje. Agira ati: "Batubwiye ko ku Cyumweru bazatwishyura. Bavuze ko barimo kubikorera amanama adasanzwe, urumva ni amafaranga baba bakura mu bakirisitu, mu bwitange, ariko bitewe n’uburemere bw’icyo kibazo twakigejeje ahantu henshi, hanyuma rero badusezeranyije ko ku Cyumweru ejobundi bazayashaka bakayaduha... Ni paruwasi ariko n’akarere karabizi, n’Ururembo rurabizi ntawe utabizi."

Iyi nyubako yatwaye asaga Miliyari eshanu nk’uko ubuyobozi bwa ADEPR bubitangaza, ifite Hoteli yiswe “Dove Hotel” y’ibyumba 72 byo kuraramo, birimo 12 by’abanyacyubahiro cyane (VIP). Bamwe mu bayubatse ubu baracyarira ayo kwarika bavuga ko batishyuwe, mu gihe aka kayabo kavuye mu misanzu y’abaturage nako kashegeshe benshi, ndetse hari n’abo iyi misanzu yatumye banga iri torero burundu barivamo, abandi bajya mu bibazo by’uruhuri nk’uko tuzabigarukaho mu nkuru yacu itaha.

JPEG - 262.3 kb
JPEG - 133.7 kb

Dufashe urugero, umudugudu wa Nyarugenge mu mujyi wa Kigali, wari waciwe miliyoni 62 z’amafaranga y’u Rwanda, kugirango aya mafaranga aboneke buri mukirisito yaba ukize yaba ukennye akaba yarasabwe akayabo, ndetse hari na bacye banze kuyatanga bibagiraho ingaruka mu itorero.

PNG - 524.4 kb

INKURU ZA :
Tanga Igitekerezo
Ibitekerezo 28
Nadia Kuya 18-02-2017

Hhhhhhhhgh azaze bamucumbikire muri uriya mutamenwa wa hotel harimo ibyumba byinshi ngo ndetse harimo ni VIP hhhhhhh ibaze iyo VIP ubwo ni iyande ko bigisha abantu guca bugufi? hhhh sha mwarayobye cyane ubu wasanga iyo hotel uwo mudiyakoni urira atanakandagirayo ngo arenge gate hhhhhhhhh ako abirabura wee. Biguhe isomo ryo kwiyemera kdi nta nicyo ufite. ubu byonyine ibyaha byo mumutima wirirwa ukora ubitekerezaho ni ishyano ryose. Umurokore ni yasu hamwe n’abandi bamwizeye nkanjye

Murangwa Ezechiel Kuya 15-02-2017

humura ikibazo cyawe kiroroshye mweneda kuko ukwabantu barikugutangaho amakuru bagusebya Niko bazasubira kumaradio batanga ubuhamya byuko imana yagukubihe inshuro utabara kubyo watanze tuza kuko nubona ikibazo gikomoye umenyeko kigiye kurangira

Umusomyi Kuya 13-02-2017

"Uwakwishinga iby’abayobozi b’amadini yarya ishingwe.Nk’abayehova babuza ababyeyi gushyira abana babo muri Kaminuza, abarangije kwiga bakababuza gushaka akazi, hakoreshwa itorero bakabuza abayoboke babo kuryitabira, ugiyeyo agatengwa (agacibwa mu idini) bagategeka abo basengana kutongera kumuvugisha habe no kumuramutsa. Kandi uwemeye akareka iby’Isi ku bwabo uretse kumwogeza ngo yarashikamye ntakindi bamumarira." Ariko se ubu nk’uwanditse ibi yari yasomye iyi nkuru? Cg yari yarabuze aho avugira ibimuri ku mutima? Ko numva ibyo avuga se bidateye inkunga arashishikariza abantu iki? Ibi ni ukwibasira abo mutumva ibintu kimwe kandi uretse n’Imana na Leta irabihanira rwose witonde!!!

cvvh Kuya 12-02-2017

Kuri Rukundo Alex, icyo nashakaga kwari ugutanga message kandi abo yagirira akamaro ? nibahmuke.Umupayiniya ararengera akazi kuko mu mpera z’ukwezi ajya kuri bank nibareke n’abandi barengere akabo bazi gushyira mu gaciro

Asyiigaliwe Kuya 12-02-2017

Uranyumvira agateramujinya ra!ubwo se muraboroga mubiki?injiji gusa,hanyumase ko wumva mwubakaga inzu y,IMANA niyihe mana?imana itererana abayo niyihe?wigeze wumva aho imana yubaka amazu yo gukoreramo ibyaha?hora wumve twebwe ubukode butumereye nabi none wowe uri kubitera inyoni ubiha ikiryabarezi(adpr)unteye umujinya ubwo rero wirirwa ubeshya abantu ngo urabarangira mwijuru nawe atahazi mbega!!

David Kuya 12-02-2017

Ndazi neza ko nta kibi cyenfa kubabaho kuko ADEPR ntabwo yabura utwo dufaranga kuko hoteli yubatswemo Uri mu nyungu yinjiza umunsi Ku munsi. Ndashimira ADEPR-GAKENKE uburyo yabikozemo kdi mbasaba ko bajya borohereza abakristu muri service ziyi hotel kuko Ni iyacu.

$ Kuya 12-02-2017

NANGE MBONYE ABA BUZUBWENGE NABABYAZA UMUSARURO. UBWOSE ARARIZWA NIKI HARUWAMUBWIYE NGO NABIGWATIRIZE. riko nkubu tuzajijuka ryari koko nubwo muvuga turacyafite ikibazo gikomeye cyubujiji kuko iyo ndebye ibibera hano Kigali mumatorero atandukanye ndatangara nkibaza aho tuzigishiriza abantu ngo barebe kure. Nibikorere business namwe muririre mumyotsi.

$ Kuya 12-02-2017

NANGE MBONYE ABA BUZUBWENGE NABABYAZA UMUSARURO. UBWOSE ARARIZWA NIKI HARUWAMUBWIYE NGO NABIGWATIRIZE. riko nkubu tuzajijuka ryari koko nubwo muvuga turacyafite ikibazo gikomeye cyubujiji kuko iyo ndebye ibibera hano Kigali mumatorero atandukanye ndatangara nkibaza aho tuzigishiriza abantu ngo barebe kure. Nibikorere business namwe muririre mumyotsi.

bimawuwa Kuya 11-02-2017

Ariko wowe ko ari ibikorwa byi terero wagiye kubishyiramo ibyawe wenyie gute. iyo ureka umuryango wose ugafata icyeezo cyu kuntu bari kubona umwenda udashizemo ibyawe ku giti cyawe. none nibagutereza ibyawe nawe uzasabe ayo washoye kuri iyo hotel bayagusubize maze wishure. ibyo nibigomba kumbera ikibazo rwose.

Eric nsabimana Kuya 11-02-2017

jw ndemeza ntakekeranyak gukorera,Imana ataruhombo rurimwo,ndaz neza k naho ivyabo bantu bobitez icamunara,bazobishumbushwa na,data wo mw,ijuru bakiriho knd bazobishumbushwa,incuro nyishi,ark kimw gusa,biragoy gutahura kuri bamw bamw.

Aline Kuya 11-02-2017

Ariko, ubu aba bantu bazahumuka ryari ra? Ntaho bataniye naba banyafrika yepfo bahora babwira ngo barye ibyatsi! Abandi bakabanwesha imiti yimbeba! Abandi ngo bishyure i ticket ibajyana mwijuru ahaa!!

mimi Kuya 11-02-2017

Ndihanganisha benedata ngiranti umuhate wabo si uwo ubusa ku mwami nyuma ya byose Hari ingororano.
Mbizeza ko mu 82 byose byubatswe ntibaburamo icyumba nubwo icyamunara cyatezwa ibyabo. nta gihombo cyo gukorera Imana

Rukundo alex Kuya 11-02-2017

Wowe usebeje abahamya ba Yehova ahubwose nirihe dini wabona riri organise nkabo kuvuga ko babuza abantu gukora akazi icyo wacyishe ikindi kutajya mwitorero nimyizerere yabo yo kutivanga mubikorwa bya politics ibyo ni gihugu kirabibemerera gusa ibindi bikorwa byo guteza imbere iguhugu barabikora nkumuganda ikindi uzatege amatwi ntagihe uzigera ubasanga mubinyamakuru bavugwaho ibikorwa byubusambo cg ibindi byo guhungabanya umutekano wigihungu nibo bantu batabwira abantu gutanga ibyacumi kndi ntabwo bakangurira abantu gutanga amaturo umuntu atura kubushake kandi bitewe nuko yifite kandi uzabirebe nibo bakoresha amafranga menshi basohora ibitabo reba insengero bubaka ahubwo icyo utaruzi bo uwufite byinshi niwe witanga cyane ariko nawe akabikora kubushake urukundo nkurwo uzanshakire ahandi warusanga,ukeneye kwiga indanga gaciro sibyiza gusebanya.

pazo Kuya 11-02-2017

Eeeeeee birababaje kabisa
Kristo rengera intama zawe

RUHIRWA Emmanuel Kuya 11-02-2017

Bakunzi b’Ikinyamakuru UKWEZI.COM mbanje kubasuhuza mugire amahoro no kumenya ijambo ry’Imana.

YESU ati: ukunde mugenzi wawe nkuko wikunda kandi nkuko byanditswe mumategeko Imana yari yahaye abantu bayo.
None ukunze itorero kuruta uko wikunda!
Byumvikane neza ko igihe wakunze ikintu, umuntu ukarusha uko wikunda uba wishe itegeko ariyo mpamvu ubona rimwe narimwe hagomba kuza ingaruka nkizo mwabonye muri iyi nkuru mwisomeye.

Kubaka urusengero nibyiza arikose kubaka Bizinesi nka Hotel nabyo nukubakira Imana? Ese iriya Hotel n’inzu y’Imana nk’iyo Dawidi yari yubakiye Uwiteka? Uretse ko Dawidi yayubatse nta muturage yatse ibiguzi n’inguzanyo kandi we icyari kigamijwe kwari ukubaka urusengero!
MUJYE MUSOMA BIBILIYA NEZA NIBWO MUZAMENYA AHO MUVA NAHO MUJYA.. NAHO AMADINI YO AZABAMBIKA UBUSA MUTAYITONDEYE!

Ushaka ko iyi nkuru tuyiganireho? Wakoresha 250788509771/ 250735000035 Cg WahtsApp 256777999284

adepr nkunda Kuya 11-02-2017

ndababaye pe gusa niba imana ikora ndayisabye igire icyo ikora mwitorero ryacu,ubu se koko iyi niyo mana nunva bavuga dukorera ? ubu jean ntamerewe neza !

SY Kuya 11-02-2017

ARIKO MU KURI KOSE IJURU KURIJYAMO NI UGUKIZA ABANTU WOWE UGASIGARA INZARA IKWICA ?! UGAKIZA ABANTU WOWE UBUKENE BUNUMA ?! MUZAREBE SIBOMANA NA TOM IMODOKA BAGENDAMO ! NI ZA V8 ZISHOBORA KUBA NGO ZIHENDA CYANE 80.000.000 ! NJYE MBONA HARI IBYO TWIBESHYEMO ;TUGAKEKA KO GUKORERA IJURU ARI UKUGENDESHA AMAVI MU RUSEKABUYE DUKEKA KO IMANA IRAREBA UMUBABARO NYAMARA NTAHO BIHURIYE NO GUKIRANUKA ! NKABURIYA SE KO UYU MUVUGA BUTUMWA YABIKOZE BUCECE KUBERA IGITUTU BABOTSA,BAFITE N’UBWOBA BWO KWIRUKANWA NONE ISI YOSE TUKABA TUBIMENYE ,UBU SE BIMAZE IKI ?!

SY Kuya 11-02-2017

ARIKO MU KURI KOSE IJURU KURIJYAMO NI UGUKIZA ABANTU WOWE UGASIGARA INZARA IKWICA ?! UGAKIZA ABANTU WOWE UBUKENE BUNUMA ?! MUZAREBE SIBOMANA NA TOM IMODOKA BAGENDAMO ! NI ZA V8 ZISHOBORA KUBA NGO ZIHENDA CYANE 80.000.000 ! NJYE MBONA HARI IBYO TWIBESHYEMO ;TUGAKEKA KO GUKORERA IJURU ARI UKUGENDESHA AMAVI MU RUSEKABUYE DUKEKA KO IMANA IRAREBA UMUBABARO NYAMARA NTAHO BIHURIYE NO GUKIRANUKA ! NKABURIYA SE KO UYU MUVUGA BUTUMWA YABIKOZE BUCECE KUBERA IGITUTU BABOTSA,BAFITE N’UBWOBA BWO KWIRUKANWA NONE ISI YOSE TUKABA TUBIMENYE ,UBU SE BIMAZE IKI ?!

Musenyeri Kuya 11-02-2017

Kiriziya Ni imwe itunganye!

cvvh Kuya 11-02-2017

Uwakwishinga iby’abayobozi b’amadini yarya ishingwe.Nk’abayehova babuza ababyeyi gushyira abana babo muri Kaminuza, abarangije kwiga bakababuza gushaka akazi, hakoreshwa itorero bakabuza abayoboke babo kuryitabira, ugiyeyo agatengwa (agacibwa mu idini) bagategeka abo basengana kutongera kumuvugisha habe no kumuramutsa. Kandi uwemeye akareka iby’Isi ku bwabo uretse kumwogeza ngo yarashikamye ntakindi bamumarira.

-xxxx- Kuya 10-02-2017

KO BITOROSHYE!

x Kuya 10-02-2017

Abarokore baritanga kbsa nibayiteza imana ixabaha indi wana hahahah

-xxxx- Kuya 10-02-2017

Icyonkundira A D P R Nayo Abarezi Bayizaniye Irabakosora

Mahoro Kuya 10-02-2017

Aba bantu barwanaga ku myanya yabo :umugabo ni umuvugabutumwa, umugore ni umudiyakoni. Bikunda kubaho mu matorero, igihe ubuyobozi buba bukeneye imisanzu, abantu bakunda gutanga nibyo badatunze, kugira ngo abayobozi bababone neza.

TAYEBWA Kuya 10-02-2017

uyu muryango uhumure ntabwo ubuyobozi bukuru bw’itorero bwarebera umuyoboke waburwaniye ushyaka amererwa nabi

Niko byakagenze ariko ntakizere ADEPER itanga

Misibo Kuya 10-02-2017

NIMWIHANGANE MUZIZE UBUJIJI BWANYU. NYAMARA SIBOMANA NA MYASIRO NTIBASHOBORA GUKORA IRYO KOSA. UBWOSE MWUMVAGA MURI MUBIKI?

tasiana Kuya 10-02-2017

Ibazenawe !imanitubwirako nitubura ubwenge izatureka.nonese gutanga igwate yinzu mubamo harahandi mwakuragamafaranga.ubwo nubuntu butiza urugi.ngaho nibabishyurire mudaseba.

divine Kuya 10-02-2017

hano Rutsiro umudugudu wa Bugrishya umudugudu waratanze bagurisha nikibanza cy urusengero aha muzaze murebe abakristo twarumiwe .

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...