konka coffee
KONKA

AMAKURU

UKWEZI

Iby’indaya zo mu mujyi wa Kigali ziciwe igihe kimwe bikomeje kuba urujijo

Iby’indaya zo mu mujyi wa Kigali ziciwe igihe kimwe bikomeje kuba urujijo
15-05-2017 saa 10:25' | By Chief Editor | Yasomwe n'abantu 12475 | Ibitekerezo 5

Abakobwa babiri bakoraga umwuga wo kwicuruza mu mujyi wa Kigali, barimo n’umwe wari utwite, bishwe kuwa Gatandatu tariki 13 Gicurasi 2017, bicirwa igihe kimwe kandi bicirwa mu kagari kamwe ariko iby’uru rupfu kugeza ubu biracyateye urujijo. Gusa iperereza rya Polisi rirakomeje ngo iby’izo mpfu zombi bisobanuke.

Aba bakobwa barimo uwiyitaga Iradukunda Rosine ari nayo mazina yari azwiho ariko iperereza ry’ibanze ryakozwe na Polisi y’u Rwanda rikaba ryarasanze amazina ye nyakuri ari Tabu Delphine, undi akaba yitwa Iribagiza Josiane bombi bari batuye mu kagari ka Kagugu mu murenge wa Kinyinya mu karere ka Gasabo mu mujyi wa Kigali.

Bombi bari batuye mu kagari kamwe ariko buri wese yibanaga ukwe nk’uko umuvugizi wa Polisi y’u Rwanda mu mujyi wa Kigali, SP Hitayezu Emmanuel, yabishimangiye mu kiganiro yagiranye n’ikinyamakuru Ukwezi.com. Yavuze ko aho aba bakobwa bombi bari batuye ari mu gace abaturage bemeza ko gacumbikamo abakobwa bigurisha, ndetse kuwa Gatanu tariki 12 Gicurasi 2017 bakaba bari batahanye n’abagabo.

Umwe muri aba ngo abaturage bamubonye kuwa Gatandatu mu gitondo agiye kugura inzoga bikekwa ko yayiguriraga uwo mugabo bari bararanye, hanyuma mu masaha y’umugoroba abaturage baza kubona umuryango we ufunguye ariko hashira akanya nta muntu usohokamo, abaje kwinjira mu nzu basanga yapfuye. Mugenzi we na we utuye muri ako kagari, nyuma y’akanya gato byamenyekanye ko nawe yapfuye, Polisi itangira iperereza.

JPEG - 140.8 kb

Umuvugizi wa Polisi y’u Rwanda mu mujyi wa Kigali, SP Hitayezu Emmanuel

SP Emmanuel Hitayezu, yabwiye ikinyamakuru Ukwezi.com ko aba bakobwa basanzwe nta gikomere bafite kuburyo iby’urupfu rwabo bitahise bisobanuka, ubu hakaba bategerejwe ibizava mu isuzuma rya muganga. Yagize ati: "Ikigaragara nta kintu cy’ibikomere bafite, nta kintu kigaragaza ko bishwe, ubwo dutegereje ibizava kwa muganga twasabye ngo aturebere icyaba cyarabishe. Ntabwo twahita twemeza ko bishwe banizwe cyangwa se mu bundi buryo, turacyakora iperereza kugirango hamenyekane icyateye urupfu rwabo"

Hari abaturage batuye i Kagugu bari batangarije ikinyamakuru Ukwezi.com ko abakobwa b’indaya bishwe bagera muri batanu, ariko uyu mubare Polisi y’u Rwanda yawuhakanye, yemeza ko abapfuye ari babiri.

Ubusanzwe gukora uburaya si icyaha gihanwa n’amategeko y’u Rwanda n’ubwo hari ibijyanye nabwo bihanwa. Nk’uko bisobanurwa n’ingingo ya 204 mu gitabo cy’amategeko ahana ibyaha mu Rwanda, uburaya ni ukugira umwuga igikorwa cyo guhuza ibitsina hatanzwe ikiguzi, byaba bikozwe n’umugabo cyangwa umugore. Ingingo ya 205 yo ivuga ko umuntu wese ukora uburaya ategekwa kubahiriza mu gihe kitarenze umwaka umwe kimwe cyangwa byinshi mu bintu bikurikira: kutarenga imbibi zagenwe n’urukiko; kudatarabukira ahantu havuzwe n’urukiko; gufatirwa icyemezo cy’igenzura; kwivuza no kwitaba buri gihe inzego z’imirimo cyangwa z’ubuyobozi zagenwe n’Urukiko. Umuntu unyuranya na kimwe mu bitegetswe muri utu duce dutanu tw’iyi ngingo, ahanishwa igifungo kuva ku mezi atatu (3) ariko kitageze ku mezi atandatu (6).

Icyakoze ku bijyanye n’uburaya, amategeko y’u Rwanda ahana umuntu wese ushishikariza abandi gukora uburaya, utanga amazu akodeshwa ngo akorerwemo uburaya, usangira n’undi ibyatanzwe nk’ikiguzi cy’uburaya cyangwa ushora imari mu mazu akorerwamo uburaya.


INKURU ZA :
Tanga Igitekerezo
Ibitekerezo 5
Habimana pacifique Kuya 28-05-2017

Iyo mpanuka yashyorongi irababaje pepepe!!!!

binel Kuya 17-05-2017

ibi ntibyoroshye pe gusambana ukanicwa koko yewe rwanda

Kabatesi Kuya 16-05-2017

Lata y Urwanda nitabare kabisa ibibintu birakabije, buri munsi harapfa abantu bishweeee ibyo nibiki koko? Ngewe biba binteye ubwoba. Imana idutabare

tuyizere.Jeanbosco Kuya 15-05-2017

abanyarwanda.Twihane,pee

yvette Kuya 15-05-2017

ubwicanyi burikuba mu rwanda busigaye buteye ubwoba na munsi ukira hatishwe umuntu

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA