konka coffee
KONKA

AMAKURU

UKWEZI

U Rwanda mu bihugu bitekanye kurusha ibindi ku isi, imbere ya byinshi by’i Burayi n’Amerika

U Rwanda mu bihugu bitekanye kurusha ibindi ku isi, imbere ya byinshi by’i Burayi n’Amerika
13-04-2017 saa 06:10' | By Chief Editor | Yasomwe n'abantu 8460 | Ibitekerezo 10

U Rwanda ruri mu bihugu bya mbere bitekanye kurusha ibindi ku isi yose nk’uko bigaragazwa n’icyegeranyo cyakozwe na World Economic Forum, aho bigaragara ko ruri imbere y’ibihugu byinshi by’ibihangange byo ku mugabane w’u Burayi, Amerika na Asiya. U Rwanda kandi ruza imbere ku mugabane wa Afurika.

Igihugu cyashyizwe ku mwanya wa mbere kuri uru rutonde ni Finland, United Arab Emirates ku mwanya wa kabiri, Iceland ku mwanya wa gatatu, Oman ku mwanya wa kane, Hong Kong ku mwanya wa gatanu, Singapore ku mwanya wa gatandatu, Norway ku mwanya wa karindwi, Switzerland ku mwanya wa munani naho u Rwanda ku mwanya wa cyenda aho rukurikiwe na Qatar iri ku mwanya wa 10.

Byinshi mu bihugu bikomeye ku isi ntibigaragara ku mwanya wa mbere, cyane ko ibindi byose bitavuzwe haruguru bisobanura ko biri inyuma y’u Rwanda. Ibyinshi muri ibi bihugu, mu myaka ishize byagiye byibasirwa cyane n’ibitero by’abiyahuzi. Turebye nka bimwe mu bihugu by’ibihangange bibamo umubare munini w’abanyarwanda, twbonamo nka Canada iza ku mwanya wa 23, u Buyapani ku mwanya wa 26, u Bubiligi ku mwanya wa 32, u Budage ku mwanya wa 51, u Bufaransa ku mwanya wa 67, u Bwongereza ku mwanya wa 78, Leta Zunze Ubumwe za Amerika ku mwanya wa 84, u Bushinwa ku mwanya wa 95 n’u Buhinde ku mwanya w’114.

JPEG - 168.9 kb

Kigali; Umurwa mukuru w’igihugu gitekanye kurusha ibindi muri Afurika

Mu bihugu bya Afurika biza imbere bikurikiye u Rwanda, harimo Maroc iri ku mwanya wa 20, Ibirwa bya Maurice ku mwanya wa 33, Gambia ku mwanya wa 52, Zimbabwe ku mwanya wa 60, Ghana ku mwanya wa 62 na Senegal ku mwanya wa 64. Imyanya y’ibi bihugu igaragaza ko u Rwanda rubiri imbere cyane.

Mu karere u Rwanda ruherereyemo, igihugu gikurikira u Rwanda ni Tanzania iri ku mwanya wa 92, hakaza Uganda iri ku mwanya w’104, u Burundi ku mwanya w’111, Repubulika Iharanira Demokarasi ya Kongo iri ku mwanya w’117 na Kenya iri ku mwanya w’129. Kenya, Misiri (Egypt) na Nigeria nibyo bihugu bya nyuma ku mugabane wa Afurika.

JPEG - 163.5 kb

Reba uko ibihugu byose bikurikirana mu kuba bitekanye


Tanga Igitekerezo
Ibitekerezo 10
giti Kuya 13-04-2017

kereka niba ari Kgl gusa iwacu abantu baratemagurwa bibye imyaka Kubera inzara ivuza ubuhuha.ahaaaa

giti Kuya 13-04-2017

kereka niba ari Kgl gusa iwacu abantu baratemagurwa bibye imyaka Kubera inzara ivuza ubuhuha.ahaaaa

rubibi martial Kuya 13-04-2017

Mureke gushinga abarescaoes bariho baruwa ngo hari umutego!

murera Kuya 13-04-2017

Nkurikije uko mbona tubayeho muri Kigali mbona ahubwo bahaye umwanya wa kure kuko. Umunyarwanda ararya icyo ashatse, akanywa icyo ashatse akaryama kandi akabyukira igihe ashakiye twagombaga kuba abambere kuko rwose Finland ntacyo iturusha.

- Kuya 13-04-2017

Kuki mukoresha ifoto ishaje ya Kigali kandi hari inshya!

Simeon Kuya 13-04-2017

Vraiment ku rwanda nibyo kuko hari umutekano pe,ariko abakoze iki kegeranyo hari aho mwabogamye cyaneeee nka congo n’Uburundi bibona uyu mwanya bite.nikoko se bariya bantu birirwa bapfayo amanywa na nijoro nibyo mwita gutekana,mwoye kubeshya ahubwo Imiryango mpuza mahanga mubishakire uko babona umutekano usesuye cg niba bibananiye mutubwire u Rwanda tubibafashemo doreko n’uwacu twawishakiye mukanuye murebera uko abantu bapfaga,mwebwe miryango mpuza mahanga nka UN wagira ngo inyungu yanyu ni ukubona amaraso aho kuyahagarika.Mwaradutereranye mu Rwanda amaraso Ya million zabanyarwanda bazize Genocide yakorewe abatutsi muzayabazwe!

alfa Kuya 13-04-2017

Aha nanjye ndemeranya n’iyi raporo. Kuko najyaga mpura n’abashinwa mu mugi wa Kibungo bagenda n’amaguru nkabaza abo twabaga turi kumwe niba izo saha iwabo umuntu yaba akigenda mu nzira ntapfe. Ni byiza rero tubikomereho.

damas Kuya 13-04-2017

Aha nanjye ndabihamya ko Rwanda ku mutekano ari vrai.komerezaho Rwanda yacu dukunda.

damas Kuya 13-04-2017

Aha nanjye ndabihamya ko Rwanda ku mutekano ari vrai.komerezaho Rwanda yacu dukunda.

Sure! Kuya 13-04-2017

Genda Rwanda uri nziza, uhumeka amahoro!!!!!!

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA