konka coffee
KONKA

AMAKURU

UKWEZI

Diane Rwigara, Mwenedata na Barafinda bangiwe burundu guhatanira kuba Perezida

Diane Rwigara, Mwenedata na Barafinda bangiwe burundu guhatanira kuba Perezida
7-07-2017 saa 18:43' | By Vincent Nsengiyumva | Yasomwe n'abantu 15252 | Ibitekerezo 17

Kuri uyu wa Gatanu tariki 7 Nyakanga 2017, Komisiyo y’amatora yatangaje urutonde ntakuka rw’abakandida bemewe kwiyamamariza umwanya wa Perezida wa Repubulika. Diane Rwigara, Barafinda na Mwenedata Gilbert ntibisanze kuri uru rutonde.

Komisiyo y’Amatora yatangaje ko Perezida Paul Kagame uhagarariye ishaka rya FPR , Dr Frank Habineza uhagarariye Ishyaka Green Party ndetse n’Umukandida wigenga Mpayimana Philippe ko ari bo bakandida bemewe ku mwanya wa Perezida wa Repubulika mu matora ateganyijwe muri Kanama uyu mwaka kuko ari bo batanze ibyangombwa byuzuye.

Mu itangazo Komisiyo y’Amatora yasohoye mu masaha y’umugoroba ryavugaga ko Inama y’Abakomiseri yasanze Rwigara Nshimiyimana Diane , Mwenedata Gilbert na Barafinda Sekikubo Fred batujuje ibyasabwaga bityo bakaba batemerewe kuziyamamariza umwanya w’umukuru w’Igihugu.

Komisiyo y’Amatora yatangaje ko yasuzumye isanga Habineza Frank, Mpayimana Philippe na Kagame Paul bujuje ibyangombwa byose biteganywa n’amategeko maze yemeza ko aribo baziyamamaza ku mwanya wa Perezida wa Repubulika.

Iyi komisiyo ivugako Mwenedata Gilbert afite abamusinyiye 522 kuri 600 bateganywa n’Itegeko ariko ngo bikaba byaratewe ahanini n’uko nta lisiti y’abamusinyiye mu Karere ka Burera.

Diane Rwigara we yabonye imikono 572 ariko Komisiyo y’amatora ikaba yanamushinje kuba hari aho yakoresheje inyandiko z’abatakiriho bapfuye bigaragaza ko nta bunyangamugayo afite nk’uko byavuzwe na Perezida w’iyi Komisiyo Prof. Kalisa Mbanda.

NEC yagaragaje ko kuri lisiti y’abasinyiye Rwigara Diane mu Karere ka Gasabo hariho abantu babiri bapfuye kera umwe akaba yaraguye mu bitaro bya Kibagabaga tariki ya 16 Mata 2016, ashyingurwa tariki ya 17 Mata 2016 mu irimbi rya Busanza.

Iyi Komisiyo yanatangaje ko Rwigara Diane yafatanyije n’Umukorerabushake wa Komisiyo y’Igihugu y’amatora witwa Uwingabire Joseph basinyira abantu 26 ba baringa.

Naho mu byazitiye Barafinda Sekikubo Fred gukomeza guhatana ku mwaya wa Perezida harimo kuba atarashyikirije Komisiyo y’Igihugu y’Amatora icyemezo cye kigaragaza Ubwenegihugu Nyarwanda bw’inkomoko, kuba atari yujuje umubare w’abantu 12 bashyigikiye kandidature ye mu turere 18 ndetse akaba yari anafite imikono y’abantu 362 gusa kuri 600 bateganywa n’Itegeko.


INKURU ZA :
Tanga Igitekerezo
Ibitekerezo 17
hhjjfj Kuya 11-07-2017

Ubundi se batekerezaga ko batzinda? Hahahaha

annet Kuya 9-07-2017

ariko ngewe nukuri abantu barancanga wagirango bagira amaaso ntibareba cyangwa amatwi ntibumva koko ubuntibareba ahotujyezeze bakabaye bajya gupiganwa numusaza bakihanganye ko HE Ex kagame ko atatubereye umubyeyi mubi ko ntako abatagize kokobaragirango agitate

uwababyey shadia Kuya 9-07-2017

c

kabs turashak kagam wacu

Serge Kuya 8-07-2017

Ariko abakomamashyi !!!!nonese diane na rnc bahuriyehe?jyuvuga ibyubaka

ntakitagira iherezo Kuya 8-07-2017

iherezo ryanyu rirahari bidatinze mwogakotanira mubusundi bwa banyokomwe mwogashiramwe puu!

Daniel Brave Kuya 8-07-2017

Ndashima Ubutabera Bwurwanda Kuko Buri Gukora Ishungura Neza Nkuko Tubyifuza Thx

Tekinika Kuya 8-07-2017

tekinika rizadukoraho,en fait abatype baraseseye bakorera campain bakajya babazanira abapfuye kugira ngo bazahabafatire ,naho ubundi ubu ni ubwoba bw’ubusa niyo babareka bagakora campain Intare ntacyo bajyaga kuyitwara. Njye sinari nzi ko abarwanashyaka bandi mashyaka batemerewe gusinya ...birakaze bya bintu ariko ni ukuri gutekinika bizatwokama kuko ni ikinyoma kandi kibi

Mob Kuya 8-07-2017

Wowewiyita gahinda urigahinda koko

Nicos Kuya 8-07-2017

Nanjye nubwo muri bariya bangiwe ntawe nari kuzatoramo mfashe icyemezo cyo kutazatora.

ndizeye Kuya 8-07-2017

serge uvuga ni uwahe akora iki

Kayirangwa Illuminée Kuya 8-07-2017

Umva, Diane, nawe Barafinda, nimugende mucuruze cg mushushanye ubundi buzima, U Rwanda dufite uwo dushaka ntidushaka abadutobera, mugende n’isi ntizabemera, muri element mbi muri Africa. U Rwanda rw’abanyarwanda ntiruzongere kubona abanyarwanda nkamwe kugeza igihe isi izarangirira. Niyo twaba tutakiriho Imana yakohereza undi mucunguzi nkuko yatwoherereje Kagame wacu. Itsinzi ku banyarwanda itsinzi kuri Afrika. tora Kagame Paul.

gasombe Kuya 7-07-2017

wayobora utayobo uri umukobwa utarya iminwa mubitagenda neza nibyana niye abagabo warubishoboye niyo mbonye ifoto yawe mbona uri inyange izirusha kwera uri uwaso gahorane .ni.Imana kdi sinzakwibagirwa mumibereho yajye niyo wapfa tuzaguterekera umwari uvuga kurusha abagabo barya iminwa imbere yabaturage bakamamaza mucyeba diane komera ariko urubyiruko turakwemera

gasombe Kuya 7-07-2017

wayobora utayobo uri umukobwa utarya iminwa mubitagenda neza nibyana niye abagabo warubishoboye niyo mbonye ifoto yawe mbona uri inyange izirusha kwera uri uwaso gahorane .ni.Imana kdi sinzakwibagirwa mumibereho yajye niyo wapfa tuzaguterekera umwari uvuga kurusha abagabo barya iminwa imbere yabaturage bakamamaza mucyeba diane komera ariko urubyiruko turakwemera

gahinda Kuya 7-07-2017

diane kuva abuze kurutonde sinzatora ! sinzajya nokwikosoza kuri liste yitora mbega agahinda !!!!!!!!!!!!!

Mahoro Kuya 7-07-2017

Ibi nibyo nari ntegereje. Diane na Mwenedata bafite icyaha gikomeye, icyaha cyo kugira abayoboke benshi mu gihugu,kandi umukandida wacu dukunda cyane agomba kugira amajwi 99 %.

Hirwa Roul Kuya 7-07-2017

Muzehe wacuuu!!!!tuzamutora.

masengesho Kuya 7-07-2017

noneho uwitwa serge aracika ururondogoro kubera diane nunva yirirwa amwamamaza wagirango ni RNC yabo yamwohereje

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...