konka coffee
KONKA

AMAKURU

UKWEZI

Gen James Kabarebe yasobanuye ubuswa bw’abakoze Jenoside n’iby’umupadiri watutse Inkotanyi

Gen James Kabarebe yasobanuye ubuswa bw’abakoze Jenoside n’iby’umupadiri watutse Inkotanyi
30-04-2017 saa 08:21' | By Muhizi Olivier | Yasomwe n'abantu 12625 | Ibitekerezo 4

Minisitiri w’ingabo z’u Rwanda, Gen James Kabarebe, kuwa Gatanu tariki 28 Mata 2017 ubwo yari mu muhango wo kwibuka abahoze ari abakozi ba Banki y’Iterambere "BRD" bazize Jenoside yakorewe abatutsi, yatangaje byinshi birimo kugaragaza ubuswa bw’abakoze Jenoside, iby’umupadiri watutse Inkotanyi n’ubutwari Inkotanyi zagize zigatsinda abasirikare bari bazikubye kenshi mu mubare.

Muri uyu muhango wo kwibuka abahoze ari abakozi ba BRD, iyi banki yifatanyije n’imiryango yabuze abababo bakoraga muri BRD ariko bakicwa muri Jenoside yakorewe abatutsi, muri uyu muhango umushyitsi mukuru akaba yari Minisitiri w’Ingabo, General James Kabarebe.

Mu ijambo rye, Gen James Kabarebe yibukije abari bitabiriye uwo mugoroba ko bagomba guhora bibuka kuko abagize uruhare mu gukora Jenoside bafite umurego mu kuyipfobya ndetse hari n’abafite intego yo kurwanya kwibuka aho bari iyo i Burayi na Amerika kuko bibatera ipfunwe. Yavuze ko bapangaga ko abantu bazashira ariko bikaba bitarabaye bityo bikaba bibatera ipfunwe kubona hari abagihari.

Gen Kabarebe kandi yagarutse ku butwari bw’Inkotanyi n’imbaraga zidasanzwe zakoresheje zikarwanya abasirikare bari bazirutaga cyane mu mubare. Aha yagize ati:”Nta musirikare n’umwe wa RPF mu gihe cyo guhagarika Jenoside nigeze mbona avuga ngo ararwaye cyangwa ngo ahabwe amabwiriza y’uko ari bukore akazi, kuko bari bazi ko ari intambara ya ngombwa bagombaga kwitanga kandi ndanabibashimira. Amezi atatu agaragara nk’aho ari menshi ariko kuri twe twarwanye urwo rugamba agaragara nk’aho ari macye cyane, twarwanye intamabara turi abasirikare ibihumbi 19,000 ariko abasirikare ba Leta tudashyizemo abafaransa bari 70,000 udashyizemo interahamwe zari kuri buri musozi mu gihugu".

Minisitiri Gen James Kabarebe kandi yagarutse ku buswa bw’abantu bateguye Jenoside ndetse n’ukuntu amadini yivanze mu bwicanyi, atanga n’urugero rw’umuzungu w’umupadiri watutse Inkotanyi. Aha Gen Kabarebe yagize ati: ”Bariya bantu bakoze Jenoside ni abaswa cyane, imbaraga bakoresheje bigisha interahamwe kwica abatutsi iyo bazikoresha bazigisha kurwanya Inkotanyi wenda baba baratsinze, kuko Interahamwe zari nyinshi cyane kandi zaratojwe ndetse bafite n’ibikoresho bya gakondo... Hari umupadiri w’umuzungu twahuriye i Ngarama adutuka mu Kinyarwanda gitomoye rwose ngo atuziza ko turi Inkotanyi, ndabyibuka yaduhagaze imbere aratubwira ati’ murajya he mwa nyana z’imbwa mwe? Niba muri abagabo murenge aho’... Ubwo yabivugaga ari kumwe n’abaturage kandi ngo ari abakirisitu be bakaraga imihoro bashinga amacumu ngo baturwanye ariko ubutwari no kumenya icyo turwanira byatumye dutsinda urwo rugamba”.

Gen James Kabarebe yakomeje asobanurira abari aho akamaro ko kwicuza ku bantu bakoze ibyaha bya Jenoside ndetse n’icyo bibamarira ubwabo iyo babikoze. Aha yagize ati: ”Buriya umuntu wicuza ni umunyabwenge kuko umuntu uticuza nta bwenge agira, iyo wicujije uraruhuka bigatuma ubaho utuje ariko reka mbabwire, buriya bariya bantu uzi ukuntu baba bayeho nabi? Aho ari hose aba yihisha ngo adafatwa, bahinduye amazina bahindura amasura bararorongotana, aho ari hose umutima uba ushiguka ngo noneho baraje bamfat...Ndakubwiza ukuri umuntu nk’uwo nta mutuzo yagira ntiyanashyira amaraso ku mubiri".

Muri uyu muhango wo kwibuka abahoze ari abakozi ba BRD, hatanzwe ubuhamya bwa bamwe mu bavandimwe b’abari abakozi ba BRD bazize Jenoside. Umuyobozi wa BRD, Kanyankore Alexis, yibukije abitabiriye uyu mugoroba wo kwibuka ko abari abakozi ba BRD bazize Jenoside ari imbaraga Banki yatakaje kuko bahereye ku muyobozi mukuru wa BRD bakamwica. Yasabye abitabiriye uwo muhango guteza imbere ubumwe n’ubwiyunge mu Rwanda.


INKURU ZA :
Tanga Igitekerezo
Ibitekerezo 4
sendanyoye Kuya 5-05-2017

Kwibuka ningombwa ,bituma abato bamenya ibibi byaranze urubabyara BIKABIGISHA KWITANDUKANYA NIBIBI

Niyomukiza Mathilde Kuya 3-05-2017

ihindagurika muburezi riri guteza ibibazo!

Habineza Kuya 2-05-2017

Mu myaka irenga makumyabili ishize, uyu general ahora ashyira ahagaragara ibyo yabonye wenyine ku rugamba.

bb Kuya 2-05-2017

bazita INKOTANYIIIII!!!!!naho ibindi byabaga bihugiye mu kurya no kwica abatutsi,erega sha abana b inkotanyi babaga bazi icyabazanye my friends,none bari guhumira mu mashyamba ya CONGO ngo bagaruke babatsinze muhaze none ngo muzaza mushonje muzaze baba bagire ibisigaaa babereke kabisa

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA