konka coffee
KONKA

AMAKURU

UKWEZI

Komisiyo y’amatora izahindura amabwiriza yamaze kwemeza arimo no kugenzura imbuga nkoranyambaga?

Komisiyo y’amatora izahindura amabwiriza yamaze kwemeza arimo no kugenzura imbuga nkoranyambaga?
1-06-2017 saa 10:52' | By Chief Editor | Yasomwe n'abantu 3549 | Ibitekerezo 8

Nyuma y’uko Komisiyo y’amatora mu Rwanda itangaje ko izagenzura imbuga nkoranyambaga mu gihe cy’amatora, abayobozi batandukanye banenze iki cyemezo ndetse Ikigo Ngenzuramikorere RURA cyo kivuga ko ibi bitari mu nshingano za Komisiyo y’amatora. Nyamara amabwiriza agomba kugenga amatora ya Perezida wa Repubulika, agaragaramo n’ingingo zishimangira ko ibyo kugenzura imbuga nkoranyambaga byamaze kwemezwa n’iyi Komisiyo. Ibyo RURA ivuga biramutse byubahirijwe, byaba bisobanura ko amabwiriza agenga aya matora nayo hari impinduka zigomba kuzamo.

Kuri uyu wa Gatatu tariki 31 Gicurasi 2017, Ikigo Ngenzuramikorere RURA cyashimangiye ko ibyo gufunga no kugenzura imbuga nkoranyambaga, bitari mu nshingano za Komisiyo y’amatora. Itangazo ryashyizwe ahagaragara na RURA rigashyirwaho umukono n’umuvugizi wayo Anthony Kulamba, rigaragaza ko iki kigo nacyo gishyigikiye ko abanyarwanda bisanzura.

Iri tangazo riragira riti: "Nyuma y’ibyatangajwe na Komisiyo y’amatora bijyanye no kugenzura imbuga nkoranyambaga mu gihe cy’amatora mu Rwanda, RURA irashaka kumenyesha buri wese ko hashingiwe ku mategeko agenda ikoreshwa ry’ikoranabuhanga n’amategeko agenga itangazamakuru, Komisiyo y’amatora idafite uburenganzira na bucye bwo kugenzura cyangwa kubuza abenegihugu gukoresha imbuga nkoranyambaga"

Iri tangazo rikomeza rigira riti: "RURA nk’ikigo ngenzuramikorere kibifitiye ububasha, nta biganiro kigeze kigirana na Komisiyo y’amatora ku bijyanye n’iyo ngingo kandi turashaka gushimangira ko abenegihugu bafite uburenganzira mu kwisanzura bagaragaza icyo batekereza ku mbuga nkoranyambaga n’izindi z’ikoranabuhanga, mu gihe cyose bubahiriza amategeko"

Amabwiriza yamaze kwemezwa na Komisiyo y’amatora arimo n’ibyo kugenzura imbuga nkoranyambaga

Amabwiriza No 1/2017 yo kuwa 04/04/2017 ya Komisiyo y’igihugu y’amatora, agenga itora rya Perezida wa Repubulika ryo muri 2017, mu ngingo yayo ya 38 hagira hati: "Mu kwiyamamaza no kwamamaza, gukoresha ikoranabuhanga biremewe. Hashobora gukoreshwa SMS n’Imbuga nkoranyambaga zikurikira: (1) Facebook, (2) Instagram, (3) Twitter, (4) Website, (5) WhatsApp, (6) YouTube, hubahirizwa amategeko n’amabwiriza ya Komisiyo y’Igihugu y’Amatora. Nta bundi buryo nkoranyambaga bw’ikoranabuhanga bwemewe gukoreshwa mu gikorwa cyo kwiyamamaza no kwamamaza. Mu gikorwa cyo kwiyamamaza, birabujijwe gukoresha imbunga nkoranyambaga za Leta n’iz’ibindi bigo bigamije inyungu rusange"

Ingingo ya 39 yo ivuga ko Umutwe wa Politiki cyangwa umukandida wifuza kwiyamamaza akoresheje ikoranabuhanga babimenyesha Komisiyo y’Igihugu y’Amatora mu nyandiko, hasigaye nibura amasaha mirongo ine n’umunani (48) ngo atangire kwiyamamaza. Muri iyo nyandiko, ushaka kwiyamamaza agaragaza uburyo bw’ikoranabuhanga azakoresha mu kwiyamamaza.

Ingingo ya 40 ari nayo igena ibijyanye no kugenzura izo mbuga nkoranyambaga, ivuga ko Umukandida wifuza kwiyamamaza akoresheje ikorabuhanga ashyikiriza mu nyandiko Komisiyo y’Igihugu y’Amatora ubutumwa bwose, amafoto n’ibindi byose ateganya kuzifashisha mu gikorwa cyo kwiyamamaza hasigaye nibura amasaha mirongo ine n’umunani (48) ngo atangire kwiyamamaza.

Nyuma yo gusuzuma ubwo butumwa n’amafoto, Komisiyo y’Igihugu y’Amatora irabyemeza cyangwa igasaba ko bihinduka. Iyo isanze ubwo butumwa bugomba guhinduka igaragariza umukandida impamvu mu nyandiko, hasigaye nibura amasaha cumi n’abiri (12) ngo atangire kwiyamamaza.

Nyuma yo kubona ko RURA yamaze gutangaza ko ibyo kugenzura imbuga nkoranyambaga bitareba Komisiyo y’amatora, ikinyamakuru Ukwezi.com cyagerageje kuvugana na Prof Kalisa Mbanda uyobora iyi Komisiyo ariko mu nshuro zose twamuhamagaye kuri telefone ye igendanwa ntiyatwitabye.


INKURU ZA :
Tanga Igitekerezo
Ibitekerezo 8
hahahaha Kuya 2-06-2017

uyu muyobozi agaragaje ko adasoma kbs. yihutira gufata icyemezo atagishije inama atanasomye ibyo itegeko rivuga! Overconfidentce

hahahaha Kuya 2-06-2017

uyu muyobozi agaragaje ko adasoma kbs. yihutira gufata icyemezo atagishije inama atanasomye ibyo itegeko rivuga! Overconfidentce

hahahaha Kuya 2-06-2017

uyu muyobozi agaragaje ko adasoma kbs. yihutira gufata icyemezo atagishije inama atanasomye ibyo itegeko rivuga! Overconfidentce

Mahoro Kuya 1-06-2017

Ariya mabwiriza ya komisiyo y ’amatora amaze amezi 2 ashyizweho , ariko biragaragara ko RURA na Mushikiwabo bayamenye uyu munsi!!!DRAMA.

Vuguziga Kuya 1-06-2017

ABAHIGI BESHI BAYOBYA IMBWA UBURARI ! NUMUGANI WAKINYARWANDA

Vuguziga Kuya 1-06-2017

ABAHIGI BESHI BAYOBYA IMBWA UBURARI ! NUMUGANI WAKINYARWANDA

Keza Kuya 1-06-2017

Ajye Abanza ababipe bamuhamagare bamuhe amabwiriza.

uwayo Kuya 1-06-2017

Uyu mugabo wa NEC ntiyabihakanye NGO ni ukubabeshyera NGO twumvise nabi ibyo yatangaje ra none ndorera burya biri no mu nyandiko ARIKO NKUBU UYU UBESHYA AKANABESHYERA UMUVUGIZI WA GOVT ARACYAMARA IKI KUKI ATEGURA ubu ubunyangamugayo bwe bushingiye he ?

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...