konka coffee
KONKA

AMAKURU

UKWEZI

Minisitiri Mushikiwabo yagaye gufunga no kugenzura imbuga nkoranyambaga mu matora

Minisitiri Mushikiwabo yagaye gufunga no kugenzura imbuga nkoranyambaga mu matora
31-05-2017 saa 06:24' | By Chief Editor | Yasomwe n'abantu 7200 | Ibitekerezo 11

Minisitiri w’Ububanyi n’amahanga n’ubutwererane akaba n’umuvugizi wa Leta y’u Rwanda, Madamu Louise Mushikiwabo, yagaragaje ko adashyigikiye na gato icyemezo cya Komisiyo y’amatora cyo kugenzura imbuga nkoranyambaga cyangwa ibijyanye no kuba bashobora kuzifunga birinda ko zakoreshwa nabi mu gihe cy’amatora.

Kuwa Mbere tariki 29 Gicurasi 2017, Perezida wa Komisiyo y’amatora mu Rwanda, Prof Kalisa Mbanda, yatangarije ibiro ntaramakuru by’Abafaransa AFP ko abakandida biyamamaza ku mwanya wa Perezida wa Repubulika, bazajya babanza kwerekana ibyo bagiye gutangaza ku mbuga nkoranyambaga mbere y’uko babishyira hanze, kugirango bigenzurwe niba nta binyuranyije n’amategeko bashobora gutangariza rubanda birimo kubiba urwango n’amacakubiri cyangwa ikindi cyahungabanya umudendezo wa rubanda.

Ibi kandi byaje bishimangira ibyavugiwe mu kiganiro Komisiyo y’amatora yagiranye n’abanyamakuru kuwa Kane tariki 25 Gicurasi 2017, ubwo hasobanurwaga ibijyanye n’imyiteguro y’amatora, bikemezwa ko mu gihe bizagaragara ko imbuga nkoranyambaga zikoreshwa mu buryo butemewe bishoboka ko zazaba zifunzwe igihe gito ngo zitazabangamira imigendekere myiza y’amatora.

Ibi ariko Minisitiri w’Ububanyi n’amahanga n’ubutwererane akaba n’umuvugizi wa Leta y’u Rwanda, Madamu Louise Mushikiwabo, yagaragaje ko n’ubwo yubaha iyi Komisiyo, adashyigikiye na gato iki cyemezo. Abinyujije kuri twitter yagize ati: "Nubaha cyane Komisiyo y’Amatora, ariko sinemeranya nayo ko Abanyarwanda mu matora bagomba ikibari (uruhushya) cy’ubutumwa ku mbuga nkoranyambaga!"

Minisitiri Mushikiwabo avuga ko yemeranywa na Komisiyo y’Amatora ku ntego yo kwirinda amacakubiri, imvugo z’urwango n’ibindi byahungabanya umudendezo wa rubanda, ariko akavuga ko uburyo iyi Komisiyo ishaka gukoresha bwo atabwemera kuko u Rwanda ari igihugu kigendera ku mategeko kuburyo uwakora ibinyuranyije nayo yabihanirwa.

Minisitiri Louise Mushikiwabo ati: "Gukumira ko imbuga nkoranyambaga zikoreshwa nabi nibyo ariko kuniga ibitekerezo bya rubanda sibyo. Abanyarwanda bagomba kuvuga ibyo batekereza mu bwisanzure mu gihe cy’amatora, amategeko yacu ahana abatukana ntahana abavuga... "

Minisitiri Mushikiwabo avuga ko abanyarwanda benshi bajijutse, bakuze kandi basobanukiwe iby’amategeko, bityo ko abazakoresha imbuga nkoranyambaga babiba urwango, batukana cyangwa bakora ibindi bidakurikije amategeko, bazakurikiranwa bagahanwa uko amategeko abiteganya aho kugirango abenegihugu baniganwe ijambo babuzwa kugaragaza ibitekerezo byabo.


INKURU ZA :
Tanga Igitekerezo
Ibitekerezo 11
Nzarubara Kuya 3-06-2017

Minister,Nibyo Koko ko misiyo y’amatora yari yagize igitekerezo kiza ariko aho u Rwanda rugeze naho rugeze n’urutonde amategeko ya bimubaza,nibyiza rero ko habaye kubyumva kimwe twese nka batahiriza umugozi umwe kandi erega burya ""umubyeyi mube nta kambare injamba""Murakoze Minister ndetse na komisiyo y’amatora kutureberera!

Nzarubara Kuya 3-06-2017

Minister,Nibyo Koko ko misiyo y’amatora yari yagize igitekerezo kiza ariko aho u Rwanda rugeze naho rugeze n’urutonde amategeko ya bimubaza,nibyiza rero ko habaye kubyumva kimwe twese nka batahiriza umugozi umwe kandi erega burya ""umubyeyi mube nta kambare injamba""Murakoze Minister ndetse na komisiyo y’amatora kutureberera!

Ntambara venuste Kuya 2-06-2017

Turashimira cyane nyakubahwa minister ,kugikorwa kiza cyo kurengera uburenganzira bwa rubanda nyamwinshi mugihe cyamatora .nibyo koko itegeko rihana uwagaragaje imvugo isenya rirahari rigomba gukurikizwa aho kugira ngo
umunyarwanda wec abuzwe kuvuga icyo atekereza murakoze.

Shema Kuya 31-05-2017

Thanks a lot Hon
Minister u re right

Jojo Kuya 31-05-2017

Nibyiza kuvugira abanyarwanda kubera yuko aribyo ahemberwa!
N’abandi baduhagarariye bagombye kumukurikira kandi mubintu byose.
Arakoze

Kelly Kuya 31-05-2017

Nyakubahwa Minister uvuze ukuri!You are really a wise woman!Nkwifuriza ibyiza byinshi

Kuvuga ibyubaka ntako bisa Kuya 31-05-2017

Ubundi ntago umuntu umwe,yagakwiye kubangamira inyungu zabandi kuko nubundi ndatecyereza ko hari uburyo bwogukurikirana abo bagerageza kubiba amacakubiri mubanyarwanda,bakabihanirwa. so ndumva rero gufunga ibitecyerezo byabanyarwanda byaba bishimangira byabindi dohora dushinjwa namahanga ko tuniga ubwisanzure bwokuvuga icyumuntu atecyereza.

Mos Kuya 31-05-2017

Bravo our minister uvuze neza amatora ntagomba guhagarika ubuzima bwaburimusi uzabirengaho azabihanirwe

Mos Kuya 31-05-2017

Bravo our minister uvuze neza amatora ntagomba guhagarika ubuzima bwaburimusi uzabirengaho azabihanirwe

Mos Kuya 31-05-2017

Bravo our minister uvuze neza amatora ntagomba guhagarika ubuzima bwaburimusi uzabirengaho azabihanirwe

alfa Kuya 31-05-2017

Merci bcp Madame Ministre. Nari naratinye kuvuga kuri iriya ngingo, ariko ni ukuri hari ababirenganiramo bakeneraga gutambutsa ubundi butumwa. Uwakoresha nabi urubuga urwo ari rwo rwose yabihanirwa ku giti cye bitewe n’uburemere bw’ikosa

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...