konka coffee
KONKA

AMAKURU

UKWEZI

Ni ryari Perezida Kagame azashyiraho Minisitiri w’Intebe n’abandi bagize Guverinoma nshya?

Ni ryari Perezida Kagame azashyiraho Minisitiri w’Intebe n’abandi bagize Guverinoma nshya?
6-08-2017 saa 15:17' | By Chief Editor | Yasomwe n'abantu 14342 | Ibitekerezo 13

Perezida Paul Kagame watorewe gukomeza kuyobora u Rwanda mu yindi manda nshya y’imyaka 7, Itegeko Nshinga riteganya ko hari igihe ntarengwa agomba kuzaba yamaze kurahira, ndetse rikagena n’Igihe azaba yamaze gushyiraho Minisitiri w’Intebe bazafatanya gushyiraho abandi baminisitiri kimwe n’abandi bagize Guverinoma.

N’ubwo Paul Kagame asanzwe n’ubundi ari Perezida, nyuma yo gutsinda amatora ya tariki 4 Kanama 2017, bisa n’aho ubu ari Perezida mushya ugomba kurahira kandi agashyiraho abagize guverinoma nshya, n’ubwo bishoboka ko ashobora kubona abagize Guverinoma bose bagize ikipe isanzwe itsinda akanzura kubashyira muri guverinoma nshya.

Ingingo y’102 mu Itegeko Nshinga rya Repubulika y’u Rwanda ryo muri 2015, ivuga ko mbere yo gutangira imirimo, Perezida wa Repubulika arahirira mu ruhame, imbere ya Perezida w’Urukiko rw’Ikirenga. Iyi ngingo ikomeza isobanura ko Perezida wa Repubulika arahira bitarenze iminsi mirongo itatu (30) nyuma y’itorwa rye, indahiro ye ikakirwa na Perezida w’Urukiko rw’Ikirenga.

Ingingo y’116 mu Itegeko Nshinga rya Repubulika y’u Rwanda ryo muri 2015 isobanura ibijyanye n’Ishyirwaho ry’abagize Guverinoma, ikerekana uko Perezida ashyiraho Guverinoma, ndetse n’igihe ntarengwa agomba kuba yabikoreye. Iyi ngingo igira iti: "Minisitiri w’Intebe atoranywa, ashyirwaho kandi avanwaho na Perezida wa Repubulika. Abandi bagize Guverinoma bashyirwaho na Perezida wa Repubulika amaze kugisha inama Minisitiri w’Intebe. Minisitiri w’Intebe ashyirwaho bitarenze iminsi cumi n’itanu (15) nyuma y’irahira rya Perezida wa Repubulika. Abandi bagize Guverinoma bashyirwaho bitarenze iminsi cumi n’itanu (15) nyuma y’ishyirwaho rya Minisitiri w’Intebe."

Muri rusange, Itegeko Nshinga ry’u Rwanda rigaragaza ko Minisitiri w’Intebe nk’uhagarariye Guverinoma, agishwa inama na Perezida mu gihe bagiye gushyiraho abandi bagize Guverinoma, kandi iba ishingiye kuri Minisitiri w’Intebe kuko iyo yeguye cyangwa agakurwaho, na Guverinoma yose iraseswa nk’uko ingingo y’124 ivuga ko Iyo Minisitiri w’Intebe yeguye cyangwa avuyeho ku mpamvu iyo ari yo yose, bituma n’abandi bagize Guverinoma begura.

Perezida Paul Kagame watowe tariki 4 Kanama 2017, azaba yarahiye bitarenze tariki 3 Nzeri 2017. Bitewe n’igihe azarahirira, namara kurahira azaba agomba gushyiraho Minisitiri w’Intebe bitarenze iminsi cumi n’itanu (15) nyuma yo kurahira. Namara gushyiraho Minisitiri w’Intebe, nabwo azaba agomba gushyiraho abandi bagize Guverinoma bitarenze iminsi cumi n’itanu (15) nyuma y’ishyirwaho rya Minisitiri w’Intebe.


INKURU ZA :
Tanga Igitekerezo
Ibitekerezo 13
Jean Paul Kuya 12-08-2017

Gd mng, ariko njye nibaza umuntu wifata akavuga ngo bazamuvaniremo kanaka, nkawe KK iyo uvuga abantu bose bazi ko ari abakozi, wumva utarwaye, jya ugerageza kumva ko niba hari aho yakubangamiye kubera inyungu za benshi utabyitwaza ngo wirirwe muri bra bla bla

Mako Kuya 9-08-2017

Yeweeeee izibanze uziko nzijya kuba kimwe!!! Ibyo muvuze twajyaga tubiganira hano nkabakozi bumurenge twibaza ukuntu turi kubazwa raporo nizo nzego aho hamanutse abatekinisiye dukorana ngo banarebeko dufite ibihura nibyo tubaha, kumbi baba babamanuye bagirango babahe kurako gafaranga babaturishe bogutera za zohama kweli!!!!!! Nibyo akarere gafite imiyoborere mibi usanga kadatuje ntikaterimbere kuko abaturage nabakozi usanga aribicebice badatahiriza umugozi umwe!!! Uziko umuyobozi agutangira amacupa na cash police ikakwitendekaho ntakosa bakakuboha, ubwo nyobozi igateranubwo kowananiranye bakagukuzaho, nka mayor akaba arakwirengeje urengana uzirako utamuhereje. Procurement Nyaruguru Mayor yirukanishije Gitifu aziko agiye kwigarurira amasoko doreko nakanama yari yaragahinduye yarashyizemo aboyibonamo batibona muri Gitifu, nuwo mukozi ntiyamunaniye akamugira mu mategeko, ubu ntiyamwirengeje amubwirati rekankwereke ko amategeko aramatewori nange nyazi, ntari hanze!!! Yaziziki ubwo......

Placide Kuya 9-08-2017

President azadufashe azane minisitir ushinzwe transport gusa kuko birarenze kabisa.dusigaye turara ku mihanda dutegereje amamodoka.dusigaye tumara amasaha 4 ku cyapa nta modoka ihinguka,imodoka zisohoka muri gare zuzuye abategera ku byapa bitari gare tukahagorerwa

kk Kuya 8-08-2017

azadukurireho umuyobozi wa NIRDA na minister wa commerce Kanimba IMANA izaba itabaye benshi.

kk Kuya 8-08-2017

azadukurireho umuyobozi wa NIRDA na minister wa commerce Kanimba IMANA izaba itabaye benshi.

rudomoro Kuya 8-08-2017

Saho Nyaruguru honyine, nahano za Gakenke biracika!!! Mugihe twakatwaga agashahara ngo dushyigikire amatora harabari biteguye kuyakuramo ayabo kdi babigezeho harababitse kunnyo utumiliyoni twabo!!! Rebaka karere ka gakenke gasigaye katagira aho gakorera mu rwanda, ntikagire hotel nimwe niko gakennye mu rwanda cg kari gusahurwa!!!! Uravuga inzego zumutekano, iyo bazimeneyemo karubira mu gifu ziba zigikorera igihugu se kozikorera ubameneramo ako kakarubira, akabapanga mu ma terrain bagakuramo akobabika kukibuno!!! Wabonyaho hajya gusuzumwa imihigo mu mirenge aho gupanga abatekinisiye bayikurikirana bazinuko bahuza iyabo niyimirenge bakaagupangira kumanuka za NSS na Immigration cg abapolisi!!!! Ubusaba bihuriyehe nokuza kureba murizo document kweli uretse kubaha akogafaranga ngo badasakuza ko uturere tubayeho nabi turi gusahurwa!!!!!

Seba Kuya 8-08-2017

Abayobozi binzego zibanzesebo azabashyiraho ryari ngwadukize habitegeko kwatugeze ahabi akarere akarunduye kuzuye amahungabana namacakubiri ntawe ugifite umutima mugitereko arikwirirwa yirukanka agasahura gusa, nako nigihugu cyose arigusahura doreko asigayafite ubucuruzi naza kampani zitabaho ziri mumazina yumugore, benewabo ninshuti ze!!!! Nako Nyaruguru hakwiye guseswa byose bijyanye nubuyobozi ninzego zumutekano zikahimurwa kuko byaragaragaye kozabaye iza habitegeko ahokuba izigihugu!!!! Kazaterimbere gatese abaturage nabakozi imitima yarabavuye mubitereko barabaye abibice nihangana? Ariko harahandi hameze nkaho mwambwira utwo turere mutuyemo?

Sisi Kuya 7-08-2017

Ariko subu koko president nanjye yazampaye akanya muri gouvernement ko mpora mbirota koko

Sisi Kuya 7-08-2017

Ariko subu koko president nanjye yazampaye akanya muri gouvernement ko mpora mbirota koko

Wise Kuya 7-08-2017

Ikipe yo izahindurwamo bake,
Ahubwo abanyarwanda twese twitegure ko dushobora gutungurwa no guhabwa akanya ko gukina mw’ ikipe.

Wise Kuya 7-08-2017

Ikipe yo izahindurwamo bake,
Ahubwo abanyarwanda twese twitegure ko dushobora gutungurwa no guhabwa akanya ko gukina mw’ ikipe.

Wise N Kuya 7-08-2017

Azabitunganya neza turabyizeye,
Ikipe yo nubwo itakurwaho yose ariko ntihaburamo impinduka kuko biba bikwiye ko hongerwamo andi maraso mashya. Burya nubwo ikipe yaba iri gutsinda hari igihe uwari yicaye ku ntebe y’ abasimbura iyo agiriwe icyizere agahabwa umwanya umukino urushaho kuryoha.
Ubwo rero abanyarwanda twese twitegure ko twazatungurwa no guhabwa umwanya muri iyi kipe n’ ubundi imeze neza

c Kuya 7-08-2017

Ntureba ahubwo amakuru afite akamaro! Congratulations!
(Ko mutaraguje umutwe ngo mutubwire uwo mukeka kuba PM? Yaba se ari uwabaye uwa 2 mu matora? Cyangwa...?)

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...