konka coffee
KONKA

AMAKURU

UKWEZI

Perezida Kagame yunze mu ry’umuryango we wifuza ko yaruhuka kuyobora akawuba hafi

Perezida Kagame yunze mu ry’umuryango we wifuza ko yaruhuka kuyobora akawuba hafi
15-05-2017 saa 12:06' | By Chief Editor | Yasomwe n'abantu 23926 | Ibitekerezo 10

Nyuma y’imyaka ibiri Perezida w’u Rwanda, Paul Kagame, atangaje ko umuryango we wifuza ko yaruhuka kuyobora igihugu akawuba hafi biruseho kuko akazi ko akora babona kamwiharira, nawe yunze mu ryabo ashimangira ko naramuka atorewe manda ya gatatu mu matora azaba muri Kanama uyu mwaka, nta kabuza izaba ari yo manda ye ya nyuma nka Perezida wa Repubulika y’u Rwanda.

Mu kiganiro yagiranye n’ikinyamakuru Jeune Afrique tariki 4 Gicurasi 2017, Perezida Paul Kagame yabajijwe niba naramuka atorewe kongera kuyobora u Rwanda muri Kanama uyu mwaka izaba ari ye manda ya nyuma, maze asubiza ko rwose nta kabuza azanabigarukaho yiyamamaza akabisobanura neza.

Perezida Kagame ati: "Ni ko mbitekereza, ndetse bishoboka ko nzanabisobanura neza vuba mu gihe nzaba natangiye kwiyamamaza. Hari isezerano hagati yanjye n’ishyaka rya FPR ndetse no hagati yanjye n’abaturage. Bashatse ko habaho referandumu mu kwezi k’Ukuboza 2015 ngo nkomeze, ndabibemerera. Ariko igihe kirageze ngo mbabwire ko bagomba gutangira gutekereza undi utari njye."

Hari hashize igihe Perezida Kagame avuze ko n’umuryango we wifuza ko yawuba hafi kurushaho kuko akazi ko kuba umukuru w’igihugu, umufasha we n’abana be babona kamwiharira. Ibi Perezida Kagame yabitangaje muri Werurwe 2015 ubwo yabazwaga n’umunyamakuru wa Jeune Afrique niba icyemezo cyo kongera kwiyamamaza kireba abaturage gusa we kitamureba.

Icyo gihe Perezida Kagame yasubije agira ati: "Yego ariko icyo gihe ntikiragera kandi hari ibindi bizashingirwaho. Urugero umugore wanjye n’abana banjye bifuza ko nababa hafi kurushaho. Batekereza ko aka kazi kanyiharira, ko cyari cyo gihe ngo mbe ndi mu rugo. Simbarenganya, kuko iyaba ari njye gusa wihitiramo, ubuzima bwanjye bwashoboraga kuba bwaranjyanye mu nzira itandukanye n’iyangejeje aha. Ariko amateka n’ibyabaye ntibyashatse ko nita ku muryango wanjye gusa. Hari ibyo umuntu agomba gukora kandi adashobora guhunga atanakwiye guhunga."

Tugarutse ku byo Perezida Kagame yatangaje mu ntangiriro z’uku kwezi, yanavuze ko abibwira ko ntawundi waboneka wamusimbura nta gifatika bafite babishingiraho kuko ibyagezweho bishobora kugumaho Kagame ahari cyangwa adahari. Yasobanuye ko impinduka zabayeho mu gihugu mu nzego zitandukanye, zasigiye byinshi abaturage birimo ubunararibonye n’amasomo atandukanye.

Yashimangiye ko ibyo bamwe bavuga ko ntawabasha kumusimbura byaba bifite ishingiro mu gihe umuryango nyarwanda nta mpinduka zigaragara wagize, ariko kuba ziriho akabishingiraho yemeza ko n’ubundi iterambere mu nzego zinyuranye ryakomeza kugerwaho na nyuma y’uko yaba atakiri Perezida.


INKURU ZA :
Tanga Igitekerezo
Ibitekerezo 10
Shyaka Emmanuel Kuya 4-06-2017

Icyakora koko nta bundi buryo niba umuryango we umusaba kuwuba hafi kandi nawe akabona bikwiye. Impamvu benshi tugaruka kubutwari bwe no kuvuga ko ntawe twabona umeze nkawe ni ibyo yakoze bitaribyoroshye n’urukundo yagaragarije abanyanyarwanda.
Ndasaba ubuyobozi bwa Ukwezi.com kujya bubanza bugasuzuma ibitekerezo byacu mberey’uko bijya ahabona kuko nk’uwiyise oya biriya si ibitekerezo byubaka afite niba hari icyo apfa n’abanyarwanda kuko si HE gusa abivuge.

jane Kuya 30-05-2017

HE abakuyoborera nibo bakwangirizisura kuko ubu mumitima yabanyarwanda benshi hamaze gucurumwijima kubera injiji zikora ibyo utazitumye.

raymond Kuya 28-05-2017

YOOH KO NUMVA BIZATUGORA KUBYAKIRA NYAKUBAHWA HE PAUL K. KO MBONA KUZABONA UNDI BIZATUGORA.ABANA BARAKUZE AHUBWO BATANGIRA BATEKEREZE EJO HABO HAZAZA AHO KUGIRANGO BATANGIRE BABUZE HE KUYOBORA.NONE SE KO BATONKA BAREKE UMUSAZA ATUYOBORE UBU NIHO BIKENEWE IBYAGEZWEHO KUBISIGASISIGA. MURAGIRANGO ABASIRIKARE BAZRWANE NABAKIRE BA BA CIVILE KUBERA UBUYOBOZI AHH NZABANUMVA ARIKO MWITONDE UMUSAZA ARACYASHOBOYE

oya oya Kuya 22-05-2017

Abanyarwanda nabanyafurika mugira ikibazo mumutwe wanyu, hanyuma se Kagame atarabaho urwanda ntirwabagaho nigute mutinyuka mukavuga ngo ntawamusimbura? nimana c? ntimugakabye . lata president baragushuka kuko umunsi baguhararutswe bizazamba cyane. naho kuvuga ngo urananiwe iyo nimitwe yinkotanyi kuko ntawe utazi uko mukunda ubutegetsi. ibyo rero nukubesha abanyarwanda kd atari injiji. njyewe ndifuza ko uyumwaka utagusiga kubutegetsi

Sam Kuya 22-05-2017

HE Kagame yakoze ibitangaza rwose. Mfite ubwoba ko yazasimburwa n’igisahiranda, tugasubira mu kaga. To be honest, biragoye kubona umusimbura ukwiye, twakwizera, ubasha guhuza ibisambo, abicanyi, intagondwa.....bari muri iki gihugu. Igitinyiro n’igikundiro bye ni ikizere cyacu n’urubyaro rwacu. Ntuzatatire igihango Rwanda. Que Dieu vous prenne en garde.

Sam Kuya 22-05-2017

HE Kagame yakoze ibitangaza rwose. Mfite ubwoba ko yazasimburwa n’igisahiranda, tugasubira mu kaga. To be honest, biragoye kubona umusimbura ukwiye, twakwizera, ubasha guhuza ibisambo, abicanyi, intagondwa.....bari muri iki gihugu. Igitinyiro n’igikundiro bye ni ikizere cyacu n’urubyaro rwacu. Ntuzatatire igihango Rwanda. Que Dieu vous prenne en garde.

Innocent ngirimana Kuya 19-05-2017

Muzehe ntaribirye,yatuzahuye twaridupfuye rubi.azadutegurire uzamusimbura kuko niwe nararibonye.

Rugamba Kuya 16-05-2017

simpamya ko hari usa cyangwa uzasa nawe mubitekerezo nubushishozi bwawe. Rugira waguahanze akaguharaga ingabire y’ubwenge n’ubushishozi , igikundiro n’ubwema azakube hafi mu migambi yawe ninzozi zawe kugeza iherezo ryawe kandi azanaguhe iherezo ryiza! Ndagukunda uri Rudasumbwa ntugereranywa n’amacibiri!

kafk Kuya 15-05-2017

njye rwose nkunda muzehe wacu ariko nifuzagako yaba intanga rujyero muri africa agasyiraho undi akaruhuka ntako atagize mubihe bikomeye yanyuzemo bikomeye

janvier Kuya 15-05-2017

ntakundi nyine nonessential ko nawe ari umuntu, Alabama atatuyobora ubuziraherezo buriya Imana yamuduhaye izaduha undi umeze nkawe.gusa ni intwari kubwaho atugejeje Imana izamufashe no muri manda ikurikira.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...