konka coffee
KONKA

AMAKURU

UKWEZI

Umushumba wa Kiliziya Gatolika ku isi, Papa Francis yaba azasura u Rwanda vuba?

Umushumba wa Kiliziya Gatolika ku isi, Papa Francis yaba azasura u Rwanda vuba?
18-05-2017 saa 18:37' | By Chief Editor | Yasomwe n'abantu 6787 | Ibitekerezo 3

Perezida wa Repubulika y’u Rwanda, Paul Kagame na Madamu Jeannette Kagame bagiriye uruzinduko i Vatican mu minsi ishize baherekejwe n’abandi bayobozi bakuru b’u Rwanda barimo Minisitiri Louise Mushikiwabo w’Ububanyi n’amahanga n’ubutwererane akaba n’Umuvugizi wa Leta y’u Rwanda. Nyuma y’uru ruzinduko, hari benshi barimo n’abayobozi bakuru bibaza niba Papa Francis na we azasura u Rwanda mu gihe cya vuba. Ibi Minisitiri Mushikiwabo yabigarutseho ubwo yabibarizwaga mu Nteko Ishinga amategeko.

Kuri uyu wa Kane tariki 18 Gicurasi 2017 ubwo Inteko Ishinga Amategeko, umutwe w’Abadepite, ibinyujije muri Komisiyo y’Imari n’umutungo by’igihugu yasuzumaga imbanzirizamushinga y’ingengo y’Imari y’umwaka wa 2017/2018, yakiriye Minisiteri y’Ububanyi n’amahanga n’ibigo biyishamikiyeho hamwe n’Inteko Ishinga amategeko n’ibigo biyishamikiyeho, basobanura ibyo bateganya gukora.

JPEG - 100.2 kb

Minisitiri Mushikiwabo mu Nteko Ishinga Amategeko kuri uyu wa Kane

Ubwo Minisitiri w’Ububanyi n’Amahanga, Louise Mushikiwabo, yagezaga kuri iyi Komisiyo ibyo Minisiteri ayoboye iteganya kuzakora mu mwaka utaha, yaje kubazwa n’umuyobozi w’iyi Komisiyo, Hon. Mukayuhi Rwaka Constance, akabazo k’amatsiko kajyanye no kumenya niba mu rwego rwo kurushaho gutsura umubano hagati y’u Rwanda na Leta ya Vatican kwa Papa Francis, uyu mushumba wa Kiliziya Gatolika nawe ateganya kuzasura u Rwanda vuba.

JPEG - 122.5 kb
JPEG - 119.7 kb

Hon. Mukayuhi Rwaka Constance abaza Minisitiri Mushikiwabo niba Papa Francis yaremeye kuzasura u Rwanda

Mu gusubiza iki kibazo, Minisitiri Mushikiwabo yasobanuriye iyi Komisiyo yo mu Nteko Ishinga Amategeko ko Perezida Kagame ubwo yari Vatican yasabye Papa Francis kuzasura u Rwanda ndetse yanagera mu Rwanda avuyeyo akamwandikira abimusaba, ariko kugeza ubu u Rwanda rukaba rugitegereje igisubizo kizava i Vatican.

Minisitiri Mushikiwabo yanasobanuye ko Intumwa ya Papa mu Rwanda itegerejwe muri Kamena uyu mwaka, nayo ishobora kuzakomeza gufasha u Rwanda na Leta ya Vatican gukomeza umubano n’ubutwererane. Yagize ati: "Ariko tunategereje Intumwa ya Papa hano i Kigali kuko uwari uhari yacyuye igihe, umushyashya azagera hano mu Rwanda mu kwezi gutaha kwa gatandatu, bizadufasha rero no gukomeza kugirana ibyo biganiro na Leta ya Vatican duciye muri Ambasade yabo hano i Kigali.”

Papa Yohani Pawulo wa Kabiri ni we mushumba wa Kiliziya Gatolika ku isi yose wabashije gusura u Rwanda mu mateka yarwo. Hari tariki 7 Nzeri 1990 ku gihe cya Perezida Juvenal Habyarimana. Yageze mu Rwanda icyo gihe hari inzara ica ibintu yari imaze igihe ihitanye ababarirwa muri 200. Icyo gihe u Rwanda rwari rufite abaturage babarirwa muri 6.900.000

JPEG - 125.7 kb
JPEG - 143.3 kb

Aba ni bamwe mu badepite bagize Komisiyo y’Imari n’Umutungo by’Igihugu


INKURU ZA :
Tanga Igitekerezo
Ibitekerezo 3
fisto Kuya 20-05-2017

Ahaaaa!abantu benshi bamaze kuba ibyihebe pe! nkuyu arahora iki papa koko?yeweyewe ndumiwe pe!

Karisa Kuya 19-05-2017

Eheee!!! Ndumiwe urwanda rukiyobowe na habyarimana rwari rugifite abanyarwanda bazima mu mitwe ngaho nyumvira nkuyu wiyise bagabo !!! Ubwose ubundi aje yataha amahoro ra ???

bagabo Kuya 19-05-2017

Turasaba mushiki Wacu NGO iyoshitani yamahembe menshi ayigumishe iRoma

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...