konka coffee
KONKA

AMAKURU

UKWEZI

VIDEO: Umukecuru yabwiye Meya ko umwana we yasaze bigatuma ashyirwa mu cyiciro cy’abakire

VIDEO: Umukecuru yabwiye Meya ko umwana we yasaze bigatuma ashyirwa mu cyiciro cy’abakire
1-11-2017 saa 12:18' | By Chief Editor | Yasomwe n'abantu 9279 | Ibitekerezo 5

Umukecuru wo mu murenge wa Runda mu karere ka Kamonyi mu Ntara y’Amajyepfo, yatakiye umuyobozi w’aka karere w’agateganyo Tuyizere Thadée avuga ko yashyizwe mu cyiciro cy’abakire bigatuma adahabwa ubwisungane mu buvuzi, nyamara abaturage nabo bazi ko atishoboye. Icyatunguye abantu cyane, ni uko yanabwiye uyu muyobozi ko yahoze ari mu cyiciro cya kabiri, hanyuma umwana we yagira uburwayi bwo mu mutwe bigatuma ashyirwa mu cyiciro cya gatatu cy’ubudehe, ibintu abayobozi benshi bananiwe kwiyumvisha.

Ibi byabereye mu nteko rusange y’abaturage, aho umuyobozi w’akarere ka Kamonyi w’agateganyo n’abari bamuherekeje hamwe n’abashinzwe umutekano ndetse n’ubuyobozi bw’umurenge wa Runda, basuye abaturage bo mu tugari twa Gihara, Muganza na Kabagesera yo muri uyu murenge wa Runda, bakaganira ku bintu bitandukanye bijyanye n’umutekano n’imibereho myiza y’abaturage.

Uyu mukecuru w’imyaka nka 75 uvuga ko atuye mu kagari ka Kabagesera, yateje impaka ubwo yahagurukaga avuga ikibazo cye. Yagize ati: "Banshyize mu cyiciro cya gatatu, dore ngibi... Nari mu cyiciro cya kabiri, umwana wanjye amaze gusara nibwo banshyize mu cyiciro cya gatatu."

REBA VIDEO UKO UMUKECURU ABISOBANURA HANO:

Amakuru Ikinyamakuru Ukwezi.com cyabwiwe n’abaturanyi b’uyu mukecuru, ni uko atishoboye ndetse uwo mwana we wagize uburwayi bwo mu mutwe akaba ari we yari afite washoboraga kumufasha ngo ashyirwe mu cyiciro cy’abatishoboye barihirwa na Leta, nyuma yo yagira uburwayi bikazamba kuko uwo muryango wabuze undi ubakurikiranira ikibazo.

Uyu mukecuru yababaje benshi ubwo yavugaga ko uburwayi bw’umwana we bwatumye ikibazo cy’icyiciro cy’ubudehe kizamba

Ikibazo cy’ubwisungane mu kwivuza muri Kamonyi gisangiwe n’abaturage benshi bavuga ko bashyizwe mu byiciro by’ubudehe butajyanye n’uko bameze, ndetse hari n’abandi bagaragaje ko barenganywa n’inzego z’ibanze, nk’uwavuze ko umukuru w’umudugudu yamubeshye ko Leta itajya yishyurira umuryango w’abantu barenga batanu.

REBA VIDEO UKO UYU NAWE BYAMUGENDEKEYE HANO:

Uyu nawe yasobanuye uko byamugendekeye amaze guterwa inda, iby’ubwisungane n’iby’uwo babyaranye wanze kwandikisha umwana

Mu bibazo bitandukanye abaturage bagejeje ku bayobozi, ibyinshi wasangaga byibanda ku bavuga ko batishoboye ntibafashwe, aho hakaba harimo nk’umusaza bigaragara ko ageze mu za bukuru wakuwe klu rutonde rw’abahabwa inkunga y’ingoboka, aha umuyobozi w’akagari akaba yasobanuye ko byatewe n’uko uyu musaza ngo yashatse umugore ukiri inkumi ushobora gukorera urugo.

REBA VIDEO UKO UYU MUSAZA ABISOBANURA HANO:

Gusa muri rusange, ubuyobozi bw’akarere n’ubw’umurenge wa Runda, bwagaragaje ubushake bwo gukurikirana ibibazo by’aba baturage bigakemuka vuba na bwangu, abarenganyijwe bagafashwa gukemurirwa ibibazo vuba na bwangu.

REBA IZINDI VIDEOS Z’IBYARANZE IYI NTEKO Y’ABATURAGE N’UBUYOBOZI BW’AKARERE:

Inzego z’umutekano zakanguriye abaturage kwirinda ibihungabanya umutekano

Tuyizere Thadée, umuyobozi w’akarere ka Kamonyi w’agateganyo

Nyirandayisabye Christine, Umunyamabanga Nshingwabikorwa w’umurenge wa Runda


INKURU ZA :
Tanga Igitekerezo
Ibitekerezo 5
NIZEYIMANA theogene Kuya 5-11-2017

abakuru bimi dugudu bashobo kuba bataribazi ikiciro icyobivuga

J Kuya 4-11-2017

Iy ugeze mu giturage ho usanga biteye agahinda umuntu no kurya ntibimworoheye inzu abamo ntihomye ariko ngo ari mu kiciro cya 3 ibi bintu rwose bizongere byigweho neza kuko harenganiye benshi pe

Didy Kuya 3-11-2017

Natwe nuko umuryango wacu twe badushyize mucya president ntanigare twigirira,ahaaa nzaba ndeba ibyo mururu Rwanda

-xxxx- Kuya 3-11-2017

Ariko kweli nago babyizeho bihagije ibaze ko bashize muciciro cyambere kandi nagikwira gya kukagari nibatinze kunsiba ariko iyo umuntu agiye kugirango bamushire muciciro akwiriye kuko arumukene bakamugora ryose bagomba kubisubiramo kuko haramakosa menshi cyane

Natal Kuya 1-11-2017

Ibi by’ubudehe rwose uwabizanye ntacyo yize, nta plan yasobanuriwe. Nk’ubu nagiye kumva mudugudu ngo bankuye mu cyiciro nari ndimo banzamura mu kindi. Mbajije executive w’akagali ngo n’uko babonye nsobanutse mu mutwe! Ukibaza niba abize bose ari ko bifite, cg ahari ubwo budehe ni amashuri? Nayo se ko nta menshi niyiziho ahubwo nanibanira n’ubumuga! Bizagende uko bigenze aba basarisha umuntu guhora twiruka ngo guhinduza... Gusa biragayitse.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...