konka coffee
KONKA

AMAKURU

UKWEZI

Amafoto: I Kinshasa byakomeye abantu barimo gupfa. Byaba bigiye kumera nk’i Burundi?

Amafoto: I Kinshasa byakomeye abantu barimo gupfa. Byaba bigiye kumera nk’i Burundi?
19-09-2016 saa 15:40' | By Chief Editor | Yasomwe n'abantu 10019 | Ibitekerezo 7

Kwica abaturage bikozwe n’inzego zishinzwe umutekano, kurwana kw’abaturage n’abashinzwe umutekano bikagera n’aho bapfa, kwibasira abatavuga rumwe n’ubutegetsi buriho no gufunga abanyamakuru, nibyo birimo kuranga imyigaragambyo n’imvururu zamaze gufata indi ntera i Kinshasa muri Repubulika Iharanira Demokarasi ya Kongo, ibintu bishobora kwibutsa benshi ibyabaye mu Burundi mu mwaka ushize wa 2015.

Imyigaragambyo y’abamagana ko Perezida Joseph Kabila yakomeza kuyobora Repubulika Iharanira Demokarasi ya Kongo, yatangiye kugwamo abantu muri iki gihugu cyane cyane mu murwa mukuru i Kinshasa. Guhera mu gitondo cyo kuri uyu wa mbere, abatavuga rumwe n’ubutegetsi bwa Kabila batangiye guhangana n’abapolisi bashakaga kuburizamo imyigaragambyo, abapolisi babiri bakaba bishwe.

Imiryango itegamiye kuri Leta yo kugeza ubu iravuga ko abasivili benshi bataramenyekana neza umubare baba bamaze kugwa muri iyi midugararo. Mu gace k’umuhanda witiriwe Lumumba mu murwa mukuru i Kinshasa, hagaragaye urubyiruko rwateraguraga abapolisi amabuye, abandi nabo bagerageza kwihagararaho babarwanya. Uru rubyiruko, rwaririmbaga indirimbo zisaba ko Perezida Kabila arekura ubutegetsi vuba na bwangu nta mananiza, hagategurwa amatora y’uzamusimbura kuko manda yemerewe n’Itegeko Nshinga zizarangira tariki 20 Ukuboza uyu mwaka.

Abigaragambya kandi, uretse ibyapa byamagana Kabila, baniganjemo abafite amabendera y’ubururu n’umweru y’ishyaka rya UDPS (’Union pour la démocratie et le progrès social) rya Étienne Tshisekedi, umwe mu bakomeye batavuga rumwe n’ubutegetsi bwa Kabila.

Martin Fayulu, umwe mu batavuga rumwe n’ubutegetsi wanamaze gutangaza ko aziyamamariza kuyobora iki gihugu, yakomerekejwe bikomeye mu mutwe aho bamuremye uruguma. Inyubako zitandukanye kandi zatwitswe mu bice bya Kinshasa na Goma.

Radio mpuzamahanga y’abafaransa, RFI, ivuga ko umunyamakuru wayo Sonia Rolley ndetse n’undi ukorera TV5 batawe muri yombi bazira gutangaza amakuru ku midugararo irimo kubera muri iki gihugu, gusa Lambert Mende, umuvugizi wa Guverinoma yabwiye RFI ko aba banyamakuru bagomba kurekurwa byihuse. Lambert Mende kandi avuga ko haba hamaze gupfa abantu 4 nyamara abatavuga rumwe na Leta bakemeza ko abamaze gupfa basaga 25.

Aya ni amafoto agaragaza ubukana bw’imyigaragambyo n’imidugararo iri muri Repubulika Iharanira Demokarasi ya Kongo


INKURU ZA :
Tanga Igitekerezo
Ibitekerezo 7
Mob Kuya 20-09-2016

Regis aravuga neza ahubwo ruhago niwe mbwa

athar Kuya 20-09-2016

Regis we na Jenoside mwakoze mushaka kutumara ntiyabakundiye icyamushoboje kubahagarika ninacyo kitazabemerera kubizana iwacu i rwanda.

jams Kuya 20-09-2016

wowe witwa regis.nicyi ukunda kurwanda?kutangiye kudutega iminsi?ngo ibizaba ku rwanda,werekwa ibizaba.

yayayayayaaaaa Kuya 20-09-2016

Ahubwo ni mumbwire iriya ni kinshasa isa kuriya? umurwa mukuru? cg ni ahandi? mbega umwandambega umwanda numiwe nafashe kumunwa. njye munsobanurire. Ariko mbabwire niba ari umurwa mukuru usa kuriya yewe kongo ntaho yavuye ntanaho ijya pe. Genda Rwanda uri nziza pe. nabuze naho nahagereranya naho mubyaro byo mu Rwanda.
Muzehe wacu tuzagutora twongere tugutore umva uzatuyobora keretse nuba utagishoboye. naho ubundi tukuri inyuma . aho ugejeje igihugu cyacu dore isuku i rwanda dore iterambere nibindi byinshi ntashobora kuvuga.
Ariko baje bakigira kurwanda koko.
Gusa Imana irinde abaturage

Watachoka Kuya 20-09-2016

Erega ibihugu byose nibize byigire ku Gihugu cy’Urwanda kuko Umuyobozi wacyo INTORE IZIRUSHA INTAMBWE Paul Kagame aho kumusaba kwegura abaturage nitwe tumwinginga ngo akomeze atuyobore kandi ni mu gihe afite ibigwi by’aho yavanye igihugu n’aho akigejeje.Yewe ibikorwa birivugira si muri Afrika yamamaye gusa ahubwo ni ku Isi yose.Bravo our President!!!

regis Kuya 20-09-2016

najye ndabishyigikiye ko kabila agenda.sinkunda abayobozi bigize cg baziko aribo bashobora kuyobora ibihugu.ndizera ko n’iwacu umunsi 1 bizashoboka

Ruhago Kuya 19-09-2016

AFRIQUE ET LES AFRICAINS !!!!!!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...