konka coffee
KONKA

AMAKURU

UKWEZI

Uganda:Abaturage babyukiye ku Nteko basaba ko Itegeko Nshinga rihindurwa - Amafoto

Uganda:Abaturage babyukiye ku Nteko basaba ko Itegeko Nshinga rihindurwa - Amafoto
12-09-2017 saa 14:32' | By Akayezu Jean de Dieu | Yasomwe n'abantu 4818 | Ibitekerezo 1

Abaturage biganjemo abamotari n’abanyonzi bazindukiye ku Nteko Ishinga Amategeko ya Uganda basaba ko hahindurwa Itegeko Nshinga ry’iki gihugu mu gihe byari biteganyijwe ko kuri uyu wa Kabiri tariki 12 Nzeri 2017, abagize Inteko Ishinga Amategeko bafata umwanzuro wa nyuma wemeza niba koko hahindurwa Itegeko Nshinga by’umwihariko ingingo igendanye n’imyaka ntarengwa umukuru w’igihugu agomba kuba afite iyi akaba ari nayo ngingo yazitiraga Perezida Museveni mu gihe yari kuzaba ashaka kwiyamamariza kuyobora iki gihugu muri manda itaha.

Ingingo ya 102 (B) mu Itegeko Nshinga rya Uganda ivuga ko Perezida w’iki gihugu agomba kuba afite hagati y’imyaka 35 na 75 mu gihe amatora y’umukuru w’igihugu cya Uganda azaba muri 2021 ubwo Museveni azaba afite imyaka 76 y’amavuko bivuze ko atazaba yemerewe kwiyamamaza mu gihe Itegeko Nshinga ryaba ritavuguruwe.

Iyi ngingo itaragiye ivugwaho rumwe n’abatabarizwa mu ishyaka rya NRM (Nation Resistance Movement) riri ku butegetsi riyobowe na Perezida Museveni, aho abatavuga rumwe n’iri shyaka bakunze kumvikana barwanya igitekerezo cyo guhindura ingingo y’i 102.

Mu gitondo cyo kuri uyu wa Kabiri nibwo Abadepite 245 babarizwa muri iri shyaka rya NRM bemeje ihindurwa ry’iyi ngingo bose ukuyemo Depite Monica Amoding wenyine watoye Oya(Bivuze ko atari ashyigikiye ihindurwa ry’iyi ngingo) nk’uko ikinyamakuru New Vision dukesha iyi nkuru cyabitangaje.

Perezida Museveni w’imyaka 73 yavutse mu mwaka w’1944 akaba yaratangiye kuyobora iki gihugu cya Uganda mu 1986 kugeza ubu akaba amaze imyaka 31 ari ku butegetsi.

Ubusanzwe Museveni yari kuzuzuza imyaka iteganywa n’itegeko muri 2019 aho yari azaba yujuje imyaka 75 isanzwe ariyo igenwa n’Itegeko Nshinga rya Uganda mu ngingo yaryo y’102.

Perezida Museveni w’imyaka 73 y’amavuko yifuzwa n’abaturage ku bw’icyerekezo cyiza bamubonamo Abagize Inteko Ishinga Amategeko ya Uganda bo mu ishyaka rya NRM babyutse batora ku guhindira ingingo y’102 bose batoye YEGO ukuyemo umwe gusa watoye OYA Abaturage nabo bari babucyereye bashaka ko iyi ngingo ihinduka


INKURU ZA :
Tanga Igitekerezo
Ibitekerezo 1
Cacana Kuya 13-09-2017

Bazaze tubatize ibiseke twakoresheje turacyabibitse.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...