konka coffee
KONKA

AMAKURU

UKWEZI

Gihundwe: Umuforomokazi yagize uruhare mu rupfu rw’umwana, ibitaro bibigira ibanga rikomeye

Gihundwe: Umuforomokazi yagize uruhare mu rupfu rw’umwana, ibitaro bibigira ibanga rikomeye
9-09-2016 saa 14:18' | By Chief Editor | Yasomwe n'abantu 10163 | Ibitekerezo 13

Hashize igihe mu bitaro bya Gihundwe biri mu karere ka Rusizi mu Ntara y’Uburengerazuba habaye ikibazo cy’imikorere mibi y’umukozi w’ibi bitaro wanze gutabara ku bushake umurwayi wari urembye akeneye ubutabazi bwihutirwa bikamuviramo gupfa, ariko ibi bitaro byabigize ibanga rikomeye kandi yarakoze icyaha gihanwa n’amategeko y’u Rwanda.

Ibitaro bya Gihundwe, muri rusange biravugwamo imikorere mibi igaragarira cyane mu kurangarana abarwayi no kutabitaho uko bikwiye rimwe na rimwe bagapfa kubera kudatabarwa n’abaganga. Urugero rufatika, ni urw’umwana w’imyaka itatu n’igice uherutse gupfa mu mezi asaga abiri ashize, akaba yarapfuye bigizwemo uruhare n’umuforomokazi w’ibi bitaro. Uyu mwana kandi, yari uw’umwe mu bakozi b’ibi bitaro, bagenzi be bakorana bakemeza ko niba uwo ataritaweho ari uw’umukozi w’ibitaro, abandi baturage basanzwe bo bahura n’akaga gakomeye.

Umwe mu bakozi b’ibitaro bya Gihundwe utashatse ko amazina ye atangazwa, yaganiriye n’ikinyamakuru Ukwezi.com aduhamiriza ko tariki 31 Kamena 2016, umwana w’imyaka itatu n’igice yapfuye nyuma y’igihe kirenga ukwezi avurirwa muri ibyo bitaro aho yari yarashyizwe mu byuma bimwongerera umwuka (Oxygen) bikoreshwa n’umuriro w’amashanyarazi, icyo gihe apfa umuforomokazi witwa Uwamahoro Janviere akaba yari yanze kumutabara ku bushake kuko umuriro wari wabuze akanga kumushyira mu bindi byuma bitanga umwuka (oxygen) hakoreshejwe bomboni, bigatuma abura umwuka agahita apfa.

Uyu mwana wapfuye, yari uw’umushoferi w’imodoka itwara indembe (ambulance) y’ibi bitaro bya Gihundwe, uwo akaba ari Habiyaremye Fidele. Uyu mukozi w’ibi bitaro niwe wari umaze iminsi arwaza umwana we, ariko umunsi umwana yaje gupfa, Se yari yavuye i Rusizi ajya i Kigali muri gahunda yari ahafite, asiga umwana arwajwe na nyina. Umuriro waje kubura, nyina w’umwana amujyana mu gice cy’ibitaro gitangirwamo ubutabazi bwihutirwa aho yasabye umuforomokazi Uwamahoro Janviere kumufasha agashyira umwana we ku byuma bitanga umwuka hakoreshejwe bomboni, undi abyanga ku bushake, avuga ko ntabyo akora ngo nategereze umuriro w’amashanyarazi uze kugaruka. Bidatinze, ikibazo cyo kubura umwuka cyatumye uyu mwana ahita apfa.

Uyu mukozi ukorana na Habiyaremye Fidele yahamirije ikinyamakuru Ukwezi.com ko uyu mugabo yababajwe cyane n’ibyabaye ndetse agahita yandikira ubuyobozi bw’ibitaro asaba ko iyi mikorere mibi ituma abantu bapfa idakwiye kwihanganirwa, ndetse ngo yanavugaga ko uyu muforomokazi nadahanwa we azamwihanira, kuburyo hari abagize ubwoba ko uburakari yagize bwashoboraga no gutuma yamugirira nabi.

Nyuma yo kwandikira ubuyobozi bw’ibitaro, inama ishinzwe imyitwarire n’ubuyobozi bw’ibitaro muri rusange bakoranye inama n’uyu mubyeyi ndetse n’umuforomokazi wavugwagaho uburangare, ndetse icyo gihe umuforomokazi yiyemerera ko umwana koko bamumuzaniye akamubona ariko akaba ntacyo yamumariye na kimwe kugeza ubwo yaje gupfa. Yasabye imbabazi Habiyaremye Fidele arazimwima, ariko ubuyobozi bw’ibitaro bubunga ku ngufu, busaba uyu mugabo wapfushije umwana akaba ari n’umushoferi w’ibi bitaro, ko ikibazo yagiceceka ntikirenge aho, babizinzika gutyo.

N’ubwo ubuyobozi bw’ibitaro iki kibazo bwakigize ibanga rikomeye, uyu muforomokazi uniyemerera ko yarangaranye ku bushake umwana akarinda apfa, aramutse akurikiranwe yahanwa n’Ingingo y’160 yo mu gitabo cy’amategeko ahana ibyaha mu Rwanda, ivuga ko umuganga cyangwa undi mukozi ukora iby’ubuganga, mu kazi ashinzwe, iyo hapfuye umuntu ku bw’umwete muke, kudakurikiza amabwiriza cyangwa ubundi buteganye buke cyangwa ubuteshuke bwose, ahanishwa igifungo kuva ku mwaka umwe (1) kugeza ku myaka itatu (3) n’ihazabu y’amafaranga y’u Rwanda kuva ku bihumbi magana abiri (200.000) kugeza ku bihumbi magana atanu (500.000).

Ikinyamakuru Ukwezi.com cyavuganye na Dr Nshizirungu Placide uyobora ibi bitaro bya Gihundwe, tumubaza iby’iki kibazo ariko aratsemba avuga ko ntacyo yadutangariza ku murongo wa telefone. Habiyaremye Fidele nawe twavuganye ku murongo wa telefone, tumubaza niba koko we n’umuforomokazi wagize uburangare umwana we agapfa barabunze ku ngufu, ashimangira ko ari birebire kuburyo yabisobanura abonye umwanya uhagije akavugana n’umunyamakuru amaso ku maso.


INKURU ZA :
Tanga Igitekerezo
Ibitekerezo 13
Uwizeyimana alice Kuya 15-09-2016

Abaganga barikwica abantu byahatari.ariko ubundi ntanzego zibakuriye ko mbona bakoruko bishakiye?ntamurwayi ukitabwaho pe.nibakurikirane ibyo bitaro.ahasigaye minisante nayo ijye igerageza igere no kuri terrain barebe imikorere ya ama hospital na za centre de sante kuko abaturage twaragowe pe.utubashye mugenzi we bakorana,azubaha umuturage ntazamutera urumukuraho?minisante rwose nimushyiremo akabaraga MWe kwiyicarira mu bureau gusa,abantu bashira.

kiki Kuya 12-09-2016

polisi imukurikirane ark nuwo muyobozi nawe akuricyiranwe asobanure impamvu bahishira ibintu nkibyo uwo muyobozi wibitaro nawe ahamwe cyane

kiki Kuya 12-09-2016

polisi imukurikirane ark nuwo muyobozi nawe akuricyiranwe asobanure impamvu bahishira ibintu nkibyo uwo muyobozi wibitaro nawe ahamwe cyane

Petero Kuya 11-09-2016

bakurikiranwe nikobamye

Mbabazi Kuya 11-09-2016

Uyu muryango wagize ibyago niwihangane naho uyumuganga nibamukanirire urumukwiye nuyumuyobozi adasigaye kuko ibyobimenyekanye kubera uburangare bwakorewe umukozi wibitaro naho rubandarugufi rwarahashiriye urumvakowe yandikiye ibaruwa ubuyobozi witaro nizonama zikabona guterana zikabahuzakungufu nkumuturage usanzwe ibyontiwabimenya utarumukozi waho namwe murazi ubujiji bwacu abaturage burwanda kenshi ntitumenya ahotwabariza ibibazo bwacu ngoturengerwe knd niyo utazwi ibyawe ntibihabwa agaciro aho usaba service runaka ukitabaza uhazwi kugirango urebeko wakumva murwanda iyo umuntu yawe gukora kuri service runaka ugira ngo yahawe kurenganya abamugana aribo yakagobye kurenganura sinzi Muzehe wacu nawe yaragowe ngoburikimwe cyose azahamagarwa ntazabivamo keretse aribishoboka tukamushyira muruganda akavamo abandi banyarwanda nkawe bazigukora inshingano bawe batitaye kucyuricyo icyobarangajimbere arumunyarwa ibyorero ntibyendagushoboka kko ntawuremwakabiri Paul Karame Niwomutima Imana yamwihere gusa dukeneye muma service yose abantu nkawe nibwo urwandazamuka knd buriwese akisanga muriburi service atikandagira!

NANI Emery Kuya 11-09-2016

Uwo muyobozi nawe azahanywe nicyo kizatuma Bose bamwigiraho kuko bigaragara ko nta ndanga gaciro zubunyarwanda nubuyobozi yagize atazanabyongera mumuretse ntacyo mwaba mudukoreye nkabanyarwanda iryo nishuri mumuhane abere ikigisho abandi ninabwo muraba mukemuye ikibazo mugihereye mumizi murakoze cyane.

wangu Kuya 10-09-2016

Aho ni ahagaragaye ! ahandi se ho bite! ikibabaje nuko nabakabikemuye usanga basa naho babishyigikiye ,ubwo se murashaka kuvuga ko mubyukuri ntawundi muyobzi wamenye icyo kibazo ! ariko mwaretse tugakorera igihugu nkabikorera koko? tugakorera abanyarwanda bagenzi bacu nkabacu bwite ? ubu munzego zose ibi ntu bizajya bikemuka ari uko umusaza H E yihagurukiye munzego zose ? ubwo nubundi nahagurukabizakemuka ,ariko se ibyo bizageza ryari ? banyarwanda twigaye pe?kandi twisubireho ,aho ugeze hose muriservice za reta abantu baba bataka guhabwa service nabi ,ingaruka zabyo aikagaragara hose !!!ubwo ibyo nibiki koko?

ange Kuya 10-09-2016

Ariko muziko turimuri bus tugane he kweli?wamugani president niyigire kuri terrain ahatangire amanota kuko birakabije nonese wamugani bati igitwe barangaranye umubyeyi umwana arapfa ejobati umubyeyi yabyaye iruli bamwiba umwana kabgayi umurambo bawimanye bawutanga wangiritse ejobundi umu Dr akubise umwana wumuturanyi aramwishe koko ubu buvuzi ni bwoko ki?nkuwo muforomokazi arumva afite ubwenge?ubundi ko abizi niyo uwo mwana atashoboraga kuzakira nurugero mu Rwanda tutemerewe gukora eutanasie cg guhuhura mukinyarwwanda yishe umwana en plus wa mugenzi we bakorana yumva atazabiryozwa koko?ese ubwo we ni umubyeyi?president ejo yavuze neza kwiga kwishyira muri place yuwo ugiye gukorera ikibi nibwo uzumva agaciro kabyo.gusa umenya abantu basigaye bajya kwiga ikiganga bitari umuhamagaronka kera ahubwo ari ugushaka umushahara kubibamo udafite impuhwe byo ntibyavamo.uwo mubyeyi wabuze umwana niyihangane

Lita Kuya 9-09-2016

Mbanje kwihanganisha uwo muryango.ariko murabona ibintu biri kwa muganga ari ibiki mwabantu mwe?ngo umuganga yakubise umwana aramwica ,ngo umuforomo yanze gutabara umuntu kugeza ubwo apfuyeundi ngo yibye umwa ni ibibazo pe.gusa ntago numva umuntu utinyuka kuvuga ngo bigume hagati yabo ntibisohoke ku muntu uzi agaciro k umuntu yakavuze gutyo?uwo muyobozi w’ibitaro nawe azahanwe kuko ndumva asa nkubishyigikiye .uwo muforomo akwiriye gukurikiranwa n ’amategeko kuko bitabaye ibyo abantu bazajya bahitamo gupfira mu ngo zabo aho gupfira aho wizeye ubufasha.mission yabo niyo gutabara abarwayi ntago ariyo kwica kuko iyo uretse umuntu nkuwo kubushake ninko kumwica.

Oola Kuya 9-09-2016

Ntibyoroshye

Le Sage Kuya 9-09-2016

Turinginze Polisi y’’Urwanda mu Karere ka Rusizi gukurikira iki kibazo ikarenganura uwapfushije. Uwabigizemo urihare agahanwa.

kiki Kuya 9-09-2016

Arko ubwo bakumva atari kugutesha agaciro abandi baganga. Ni kuki uyu muganga adahanwa ahubwo ibitabo bikamubikira ibanga . Ubu uyu wasanga abantu benshi bapfa ari we bazize. Nahanwe kuko numuforomokazi wari ugiye kwiba umwana yahanwe.

Kana Kuya 9-09-2016

Ariko rwose aho haba harimo n’ubugome uwo muforomokazi nadahanwa azamara abantu ahaaa ngaha aho nibereye

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA