konka coffee
KONKA

AMAKURU

UKWEZI

Muhanga: Yagiye kwiba amabuye y’agaciro, ikirombe kiramugwira arapfa

Muhanga: Yagiye kwiba amabuye y’agaciro, ikirombe kiramugwira arapfa
8-08-2016 saa 03:52' | By Chief Editor | Yasomwe n'abantu 1193 | Ibitekerezo 2

Mu karere ka Muhanga, umurenge wa Rongi, akagari ka Ruhango, umuntu umwe yagwiriwe n’ikirombe tariki ya 6 Kanama ahita yitaba Imana ubwo yacukuraga amabuye y’agaciro mu buryo butemewe.

Iyi mpanuka yabaye ahagana mu masaha ya saa kumi n’imwe za nimugoroba, ubwo uwitwa Tugirabantu Emmanuel w’imyaka 24 yari yagiye gucukura amabuye y’agaciro azwi ku izina rya Colta mu buryo butemewe n’amategeko . 

Umuyobozi wa Polisi mu karere ka Muhanga, Chief Inspector of Police (CIP) Jean Bosco Karega, asaba by’umwihariko abafite sosiyete zicukura amabuye y’agaciro kujya batunganya neza inzira z’aho abakozi babo banyura mu birombe bacukura amabuye, kandi ibitagikoreshwa bigasibwa.

CIP Karega agira ati:”Turaburira kandi abitwikira ijoro bakajya kwiba amabuye mu birombe gucika kuri iyo ngeso kuko nta bumenyi n’ibikoresho byo gucukura baba bafite, ikindi ubishaka yakwegera amasosiyete aba yaratsindiye isoko ryo gucukura akamuha akazi, kuko yo aba afite ibikoresho, kandi usibye no kuba ibirombe byabagwira bakahasiga ubuzima, n’amategeko abahana arahari ku buryo Polisi itazihanganira kubafata”.

Gucukura cyangwa gucuruza amabuye y’agaciro bitemewe n’amategeko bihanwa n’ingingo ya 438 yo mu gitabo cy’amategeko ahana y’u Rwanda, aho ivuga ko umuntu wese ukora imirimo y’ubushakashatsi cyangwa iy’ubucuruzi bw’amabuye y’agaciro mu buryo butemewe n’amategeko, ahanishwa igifungo kuva ku mezi atandatu (6) kugeza ku mwaka umwe (1) n’ihazabu y’amafaranga y’u Rwanda kuva kuri miliyoni eshatu (3.000.000) kugeza kuri miliyoni icumi (10.000.000) cyangwa kimwe gusa muri ibyo bihano.


INKURU ZA :
Tanga Igitekerezo
Ibitekerezo 2
bihibindi devid Kuya 10-08-2016

nuko umuryangowe ukomeze kwihangana tugeturya akagabuye

Mike Kuya 9-08-2016

Abacukura amabuye y’agaciro mu buryo butubahirije amategeko uretse gushyira ubuzima bwabo mu kaga banangiza ibidukikije.Dukwiye kubyirinda kandi tugatanga amakuru y’ababikora.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...