konka coffee
KONKA

AMAKURU

UKWEZI

Munyentwari yashavujwe no kubona ibaruwa yandikiye REG ipfunyitsemo irindazi

Munyentwari yashavujwe no kubona ibaruwa yandikiye REG ipfunyitsemo irindazi
3-08-2016 saa 07:58' | By Chief Editor | Yasomwe n'abantu 14342 | Ibitekerezo 17

Jean Bosco Mugiraneza, umuyobozi mukuru wa REG ishinjwa kwandagaza abayisaba akazi

Munyentwari Josbel, yatewe agahinda anababazwa cyane n’imikorere y’ikigo cy’igihugu gishinzwe ingufu (REG), nyuma y’uko abonye ibaruwa yabandikiye asaba akazi yarasohotse mu buryo atazi ndetse akamera nk’ukubiswe n’inkuba ubwo yabonaga ipfunyitsemo irindazi.

Tariki 11 Gashyantare 2015, nibwo Munyentwari Josbel yandikiye REG asaba akazi mu bijyanye n’imari, anerekana ko afite impamyabumenyi y’icyiciro cya kabiri cya Kaminuza mu by’ibaruramari, ndetse anatanga ibindi byose bisabwa. Nk’uko yabihamirije ikinyamakuru Ukwezi.com, yatanze ibaruwa kimwe n’abandi benshi basabaga akazi, gusa ntiyabona amahirwe yo gutsinda ngo agahabwe.

Mu ntangiriro z’uku kwezi, nibwo umuntu w’inshuti ye yamwoherereje ifoto igaragaza ibaruwa isaba akazi yari muri dosiye yashyikirije REG, ipfunyitsemo irindazi, dore ko hari hamwe usanga badapfunyika mu bipapuro byabugenewe, bagakoresha impapuro zisanzwe zakoreshejwe kugirango bahendukirwe.

Nyuma kandi yatunguwe no kubona abantu bakomeza kuyihererekanya ku mbuga nkoranyambaga, iherekejwe n’ubutumwa bugira buti: "Bitera agahinda bikanababaza kubona ufata umwanya wawe ugategura ibyangombwa byose ukajya kubitanga mu kigo cyatanze itangazo ry’akazi, ntihaciye kabiri ukajya kwigurira irindazi mu iduka wajya kubona ukabona ukabona bagupfunyikiye muri ya baruwa wanditse usaba akazi."

Ubu butumwa si Munyentwari wabwanditse ku mbuga nkorangambaga, ariko ahamya ko iyi ari ibaruwa yiyandikiye, kandi ikaba nta handi iri kuburyo atumva ukuntu REG yayishyize hanze muri ubu buryo.

Munyentwari yabwiye ikinyamakuru Ukwezi.com ko ibi byamubabaje cyane, ndetse ari no gushaka icyo yakora mu rwego rw’amategeko, cyane ko dosiye isaba akazi yashyikirije REG yumva ari ibanga ridakwiye kujya hanze muri ubu buryo bugayitse kandi bushobora kumutesha agaciro.

Birori Mubera Prosper ushinzwe itangazamakuru muri REG, we yabwiye Ukwezi.com ko iyi baruwa atari yo bakiriye, kuko nta kashe igaragaza ko yakiriwe. Gusa umunyamakuru yamubajije niba REG ishobora kumwereka iyo bakiriye niba koko bakiyifite, avuga ko ntawundi bayiha uretse urukiko cyangwa abayobozi bashinzwe iby’umurimo.

Ibi kandi ntibyemerwa na Muntentwari uvuga ko nimero yanditswe n’ikaramu kuri iyi baruwa yashyizweho na REG, ikindi akaba nta handi yashyize ibaruwa nk’iyi. Ashimangira kandi ko nta n’ahandi biba ko ibaruwa isaba akazi itoranywa muri dosiye ngo ishyirweho kashe.


INKURU ZA :
Tanga Igitekerezo
Ibitekerezo 17
Tetera Kuya 4-08-2016

bibaye ari byo byaba ari amakosa ariko nanone ko nzi ko ibaruwa yangeze mu kigo isaba akazi. iba iriho accusee de reception nawe ugasigarana indi. ariko iriya ndabona iriho numero gusa. gusa bibaye ari ukuri REG imuhe impozamarira

bwiza Kuya 4-08-2016

wwe witwa rwagakoco izina niryo muntu koko irabona biriya ntamakosa nubukunguzi nogutesha agaciro birimo koko ntanakirazira habe namba.birababaje kbsa ntabanga ryakazi bafite nibemere ikosa basabe imbabazi kko barakosheje munjyemureka kuba inkunda mugayo aho utabona ikosa urashigikira amakosa

Archives Kuya 4-08-2016

Ikibazo cya LEG na WASAC nandi masosietes yabanje ni ukutamenya kubika inyandiko neza kuko usanga nubu bacyishyuza facture yo muri 1980 y’amazi. nta gestion des Archives bagira. bagerageze

jo Kuya 4-08-2016

Ahaaaaaaaa!ntibizoroha uwo gakoco we c kuki atekereza gutyo arumva weyaragafashe natuze uwo iisi itarakaranga nawe iba ikimushakira ibirungo we umunsi yakabuze akajya kugasaba nogutsindwa ntabyo azabona agarame yibaze umwanya yataye yiga

bwiza Kuya 4-08-2016

wwe witwa rwagakoco izina niryo muntu koko irabona biriya ntamakosa nubukunguzi nogutesha agaciro birimo koko ntanakirazira habe namba.birababaje kbsa ntabanga ryakazi bafite nibemere ikosa basabe imbabazi kko barakosheje munjyemureka kuba inkunda mugayo aho utabona ikosa urashigikira amakosa

Gates Kuya 3-08-2016

None se uwo mugabo wo muri REG atatubishye ibaruwa isaba akazi bateraho kashe koko nibasabe imbabazi kuko ibyo bakoze ntibikwiye kandi kwemera ikosa ntacyo bitwaye.

Karihanze Kuya 3-08-2016

Ahaaaa ibi bintu biteye agahinda niba utaha umuntu akazi waretse gutesha dossier agaciro none se archiviste amaze iki?ndumva afite igitabo yiyandatsemo atanga dossier nashake lawyer aruburane aba nibamwe bahombya leta

Akamikazi Kuya 3-08-2016

Wowe wiyise gakoco wagiye wiyoroshya ikibzo cya mugenzi wawe urabona ntacyo kivuze?,nimba ufite akazi uramaze,umenye ko iyi si idasakaye buri wese yanyagirwa,kandi nimba imvura yubushomeri utayizi uzanyagirwa nindi uracyari kwisi.nb uri FARA cyane , ngaho genda REG iguhe rasiyo,uzage no kwiga kuko nturiga peeeeee.

rurema Kuya 3-08-2016

Wowe Josbel,nkurikije igisibuzo gitanzwe nubu buyobozi bw iki kigo,kandi nkuko wabivuze ubizi neza numero bayakiriyeho,bakaba batanashobora kwigana signature,bajyane munkiko,ntutinye rwose nuburangare bwabo kandi nabandi banyarwanda baragushyigikiye

Koffy Kuya 3-08-2016

Ubu wasanga copy ya diplome ye yo ubu barayifashishije mugucura izindi aho bayisanze yajugunywe muri ruhurura. Aka gasuzuguro ni kabi.

gakoco Kuya 3-08-2016

ariko ntikasebanye none umuyobozi reg niwe ubabwira ngo bazitange nazipfinyikemo amandazi ,none c ko udepoza udepozanya brief case or akabati ko kubikamo doc zawe niyo utsinda nabura byari kuruta none ntiwanatsinze wagirango yabikemwiki,aho kuyitwika bangiza ibibiriti nikirere nayitanga bakayipfunyikamo amandazi so ntakibazo mbonamo ge wakubiswe none ugiye kuyashakira mwibaruwa yiteke ahandi kuko ibi byo ntagaciro

Joe Kuya 3-08-2016

Yewe ye we!!!:ibi ntibibaho!! Yegere ubutabera kabisa!!! Iki kigo kigomba kubiryozwa!! Iyi ni ishusho yimikorere mibi yabo!!!

Secondine Kuya 3-08-2016

Byaba bibabaje cyane ibyo twita ibanga ry’akazi bigenda gutya!ababishinzwe babikurikirane.

dvd Kuya 3-08-2016

ahubwo sikibazo cyawe gusa ndabona nikibazo cyokuba ikigo cyandagaza amabanga ya leta. umuntu yakwibaza uburyo amadosiye asohoka hanze.

Rwema Kuya 3-08-2016

Ibi ni agasuzuguro kabisa! Shaka umunyamategeko ubarege.

YAKOBO Kuya 3-08-2016

Byaba byiza ibi bintu bikurikiranwe neza hakarebwa niba iyi baruwa koko ariyo yatanzwe muri REG abayishyize hanze bakandagaza uyu bagahanwa yaba atariyo nabwo uyu nawe agakurikiranwa nk,uwashebeje urwego rwa Leta.

Mutama Kuya 3-08-2016

Josbel we, erega amashuri yataye agaciro banyirimitsima bayikomeyeho, namarenga ko watekereza gukora bakery ukajya ubashyira amandazi nimigati aho kubashyira amabaruwa asaba akazi kuko kaba gafite nyirako kataratangazwa

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...