konka coffee
KONKA

AMAKURU

UKWEZI

USA: Umunyarwanda akurikiranyweho gusambanya umukobwa amuhengereye asinziriye

USA: Umunyarwanda akurikiranyweho gusambanya umukobwa amuhengereye asinziriye
27-05-2016 saa 08:21' | By Chief Editor | Yasomwe n'abantu 11869 | Ibitekerezo 13

Umunyarwanda witwa Ephrem Rukundo, akomeje gukurikiranwa n’urukiko rwo muri Leta Zunze Ubumwe za Amerika azira icyaha cyo gusambanya umukobwa atabishaka kandi batabyumvikanyeho, amuhengereye asinziriye.

Umunyarwanda Ephrem Rukundo w’imyaka 36 y’amavuko, yagiye muri Leta Zunze Ubumwe za Amerika mu mwaka wa 2010 aho yari agiye kwiga muri Kaminuza ashaka impamyabumenyi y’ikirenga (Ph.D) mu bijyanye no guteza imbere ubuhinzi mpuzamahanga.

Urubanza Rukundo Ephrem aregwamo gusambanya umukobwa atabyumva kandi atabishaka, rwakomereje mu rukiko rukuru rwa Yolo muri Leta ya California muri iki cyumweru. Uyu musore akurikiranyweho kuba tariki 26 Mata 2015, yarasambanyije umukobwa batabyumvikanyeho, ahubwo akaba yarabikoze amucunze asinziriye mu ntebe.

Umushinjacyaha witwa Deanna Hays yabwiye urukiko ko uwo mukobwa yakangutse asanga arimo kugirana imibonano mpuzabitsina na Rukundo Ephrem, ndetse n’ibizamini bya DNA bikaba bigaragaza ko nta kabuza Rukundo ari we uwo mukobwa yakangutse asanga barimo gukorana imibonano mpuzabitsina.

Uyu mukobwa ubu ufite imyaka 22 y’amavuko ariko utaratangajwe amazina kubera ko yahohotewe, ashimangira ko tariki 26 Mata 2015 yari yaje mu gace ka Davis muri Califonia aho yagombaga gusura mukuru we, hanyuma akanitabira ibirori by’isabukuru y’umukobwa w’inshuti yabo.

Akomeza avuga ko muri ibyo birori yaje kunywa inzoga nyinshi agasinda maze ninjoro akajya kuryama mu ntebe zo mu nzu y’uwo mukobwa mugenzi we wari wagize ibirori. Rukundo Ephrem nawe yari muri ibyo birori, akaba yaranakundanaga n’umukobwa wabanaga n’uwo wari wakoresheje ibirori.

Uyu mukobwa witangira ubuhamya mu rubanza rwe, avuga ko yagiye kuryama mu ntebe ahagana saa saba z’ijoro mu gihe abandi bari bagiye kuryama mu byumba, maze akaza gukanguka ahagana saa kumi zo mu rukerera agasanga Rukundo Ephrem arimo kumusambanya.

Uyu mukobwa avuga ko atari amuzi cyane, kuko bari bahuriye muri ibyo birori ku mugoroba ari naho yamubonye bwa mbere, gusa icyo yari yabashije kumenya ni uko yakundanaga n’umukobwa wabanaga n’umukobwa yari yaziye mu birori. Avuga ko amaze gusanga amusambanya yamubajije amazina akanga kumusubiza ahubwo agahita yigendera.

Yahise yihutira gusaba mukuru we kumufasha, bajya kuri Sitasiyo ya Polisi ya Davis maze bahita batanga ikirego, Polisi iza kumuta muri yombi nyuma y’ibyumweru bibiri, kuva ubwo atangira kugezwa imbere y’inkiko.

Uyu mukobwa yivugira ko Rukundo yamusambanyije asinziriye ameze nk’uwataye ubwenge, akaba ndetse yarumvise uburyohe gacye akabifata nk’urimo kurota. Gusa avuga ko atari yigeze yumvikana nawe ko bakorana imibonano mpuzabitsina.

Dean Johansson uburanira Ephrem Rukundo we ahakana ibyaha umukiliya we ashinjwa, akavuga ko kuba barakoranye imibonano mpuzabitsina bigaragara ko bari babanje kubyumvikana. Yasabye urukiko gushishoza, kuko nta n’undi mutangabuhamya wemeza ko Ephrem yasambanyije uyu mukobwa batabyemeranyijweho.

Ubuhamya bw’uyu mukobwa kimwe n’ubw’umunyamategeko uburanira Ephrem Rukundo, bwarangije gutangwa kuwa Kabiri w’iki cyumweru, urukiko rukuru rwa Yolo rukaba ruzasesengura ibyatangajwe n’impande zombi.


INKURU ZA :
Tanga Igitekerezo
Ibitekerezo 13
bertrand Kuya 5-06-2016

nge ndabona uno mubebi nuyu mubire ibyabo ari kata ndende nigute muri ako kanya atahise atabaza ??? ngo uwo mutipe afatirwe mucyuho?? mushishoze neza nkinkiko kabisa? aba baby bikigihe nabo ni danje

tUriku Kuya 1-06-2016

Ibyo nukubeshya maze nubwo mwana musanzwe mubikorana asinziye ntibyashoboka nkanswe ubwo wamenye ubwo munsi uri naho utagombaga kuba uri bigenzurwe neza

jari Kuya 31-05-2016

kuki ataraye kwa mukuruwe ahanirwe no gusinda birenze urugero.

Charles Kuya 29-05-2016

Nigute nafungura amaguru yumugore, nkinjiza imboro mugitsina cyumukobwa tutaganiriye? Ubwose yakwinjira gute koko. Gufata kungufu? Jye nabigerageje kenshi nasohokanye nkumukobwa muri Lodge, twagerayo akambwira ko atamenyereye imibonano. Ubwo nkakira ko ambereye umutekamutwe. Abanyamategeko mudufashe abagabo kuko hari igihe batubeshyera

Nkunda Kuya 28-05-2016

Hoya nahanwe kubera ntawamubujije gushaka uwe wogukinirsho iyomikino!

Habimana aloys Kuya 28-05-2016

sha ntibyumvikana ngo yumva uburyohe!!... asinziriye sha bashishoze neza wasanga hari ibyo bumvikanye umwe muribo ntabyubahirize

Ganira Kuya 28-05-2016

Ni gute umukobwa ashobora gukora sex asinziriye akaryoheherwa khttp://ukwezi.com/mu-rwanda/17/USA-Umunyarwanda-akurikiranyweho-gusambanya-umukobwa-amuhengereye-asinziriyeoko ko?uyu mutype nawe koko niba uyu mukobwa avugisaha ukuri ashyukwa ndende kabisa

mahoro Kuya 28-05-2016

ariko koko ibyo ninde wabiha agaciro?
wenda bamugambaniye

ngabo vedaste Kuya 28-05-2016

None uwo mukobya arashaka iki?barebe neza bamubaze hakiri kare
ese ni umwenegihugu?

Edouard Kuya 28-05-2016

Aka nako ni akumiro pe!!!!!

Mbarubukeye Thomas Kuya 28-05-2016

Nukubeshyera Umwana Wumunyarwanda : Umuntu Yakora Sex Akumva Uburyohe Atateguwe Asisinziye : Bashishoze Barebe Neza

Gady Habimana Kuya 28-05-2016

Uwo mukobwa, arifuza iki.murakoze.

rukundo Kuya 27-05-2016

ahaaaq rubanda bashyukwa ndende

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
  • Hakizimana Deo ariko beza twakwifurije ivyiza. None Imana iragusubije ugiye kuja muri élection ya miss supranational izabera muri Pologne ikazahuza abakobwa bazaba bavuye mubihugu 80 vyo kwisi, isumba Kure iya Rwabigwi wakurenganije izuba riva. Madame docteur uwamahoro Jeanne wakoze vyose kugira utorwe ni umuntu akunda ukuri kandi yerekanye ko adakunda akarenganyo, ndetse ko nawe ari mubabajwe nakarenganyo wagiriwe. komeza wigirire ikizere, kuko uzaserukira u Rwanda bikwiye kandi urabikwiriye, ntutinye, abakurwanije Bose nibabone ko agati kateretswe n’Imana kadahungabanywa numuyaga, harya ngo waratukanye? Bihorere kuko batararenganywa, umunsi barenganijwe bo bazavuga ibisumba ivvo wavuze inshuru igihumbi! Ntago watukanye ntibakagufate uko atari, ahubwo wakoresheje imvugo ikarishe ubitewe nishavu watewe nuwakurenganije, Hama rero jewe icantangaje gushika nubu, abantu benshi aho kureba uwakurenganije ngo bamubaze impamvu yakurenganije, bibasiye wewe! nakumiro! Ntibigutangaze abisi Nuko bameze, bakunda kurenganya gusumba kurenganura, Ariko rero Imana yerekanye ko iri kuruhande rwawe Kera nkiri mwishure hari umwalimu yatubwiraga ngo IVYIZA BIRI IMBERE ! Rindira gato na wewe ivyiza biri imbere! Usubire urabe muma commentaires yakozwe kuri iyi dossier yawe. Umengo Turi babiri gusa twiyemeje kugushigikira tutarya umunwa! Reba ivyo jewe hamwe nuwitwa " ROSE " twakwanditseko muma taliki ya 11/02/2017 na 12/02/2017 wahindutse umwana wacu ! Twishimiye cane ko Jéhovah akurenganuye, Ngaho komera (Jéhovah = Allah mwidini yawe !)

    ">Habiba, Turi bake ariko beza twakwifurije ivyiza. None Imana iragusubije ugiye kuja muri (...)
  • Hakizimana Deo ariko beza twakwifurije ivyiza. None Imana iragusubije ugiye kuja muri élection ya miss supranational izabera muri Pologne ikazahuza abakobwa bazaba bavuye mubihugu 80 vyo kwisi, isumba Kure iya Rwabigwi wakurenganije izuba riva. Madame docteur uwamahoro Jeanne wakoze vyose kugira utorwe ni umuntu akunda ukuri kandi yerekanye ko adakunda akarenganyo, ndetse ko nawe ari mubabajwe nakarenganyo wagiriwe. komeza wigirire ikizere, kuko uzaserukira u Rwanda bikwiye kandi urabikwiriye, ntutinye, abakurwanije Bose nibabone ko agati kateretswe n’Imana kadahungabanywa numuyaga, harya ngo waratukanye? Bihorere kuko batararenganywa, umunsi barenganijwe bo bazavuga ibisumba ivvo wavuze inshuru igihumbi! Ntago watukanye ntibakagufate uko atari, ahubwo wakoresheje imvugo ikarishe ubitewe nishavu watewe nuwakurenganije, Hama rero jewe icantangaje gushika nubu, abantu benshi aho kureba uwakurenganije ngo bamubaze impamvu yakurenganije, bibasiye wewe! nakumiro! Ntibigutangaze abisi Nuko bameze, bakunda kurenganya gusumba kurenganura, Ariko rero Imana yerekanye ko iri kuruhande rwawe Kera nkiri mwishure hari umwalimu yatubwiraga ngo IVYIZA BIRI IMBERE ! Rindira gato na wewe ivyiza biri imbere! Usubire urabe muma commentaires yakozwe kuri iyi dossier yawe. Umengo Turi babiri gusa twiyemeje kugushigikira tutarya umunwa! Reba ivyo jewe hamwe nuwitwa " ROSE " twakwanditseko muma taliki ya 11/02/2017 na 12/02/2017 wahindutse umwana wacu ! Twishimiye cane ko Jéhovah akurenganuye, Ngaho komera (Jéhovah = Allah mwidini yawe !)

    ">Habiba, Turi bake ariko beza twakwifurije ivyiza. None Imana iragusubije ugiye kuja muri (...)
  • IZINDI NKURU WASOMA